Joel 2:16 - Yn Vible Casherick 1775 1819

¹⁶ Chaggle-jee yn pobble: jean-jee yn co-chruinnaght y chasherickey; chaggle-jee yn chenndeeaght; chymsee-jee cooidjagh yn chloan, as adsyn ta jiole er y cheeagh: lhig da’n dooinney-poosee goll magh ass e hiamyr, as y ven-phoosee ass e closet.

Joel 2:16 Iomraidhean Croise

2 Recortyssyn 29:5

As dooyrt eh roo, Eaisht-jee rhym’s, shiuish Leviteyn, jean-jee shiu hene y chasherickey, as jean-jee thie yn Chiarn Jee nyn ayraghyn y chasherickey, as glen-jee magh dy chooilley vroïd ass yn ynnyd casherick.

2 Recortyssyn 20:13

As hass ooilley Judah kiongoyrt rish y Chiarn, marish nyn vooinjer veggey, nyn mraane, as nyn gloan.

1 Corinthianee 7:5

Ny treig-jee y cheilley, agh lesh coardail son traa, dy vod caa ve eu son trostey as padjer; as dy heet cooidjagh reesht, nagh miolee yn drogh-spyrryd shiu son nyn neu-heeltys.

Joel 1:14

Jean-jee laa troshtee y chasherickey: cur-jee eam son feailley casherick dy ve er ny reayll: chaggle-jee yn chenndeeaght, as ooilley cummaltee ny cheerey, gys thie yn Chiarn y Jee eu, as eïe-jee gys y Chiarn,

1 Samuel 16:5

As dooyrt eh, Dy sheeoil: ta mee er jeet dy hebbal oural gys y Chiarn; jean-jee shiu-hene y chasherickey, as tar-jee mârym gys yn oural. As va Jesse as e vec er nyn gasherickey, as chuir eh ad gys yn oural.

Exodus 19:22

As lhig da ny saggyrtyn myrgeddin, ta tayrn er-gerrey da’n Chiarn, ad hene y chasherickey, er-aggle dy jean y Chiarn brishey magh orroo.

Exodus 19:10

As dooyrt y Chiarn rish Moses, Immee gys y pobble, as jean ad y chasherickey jiu as mairagh, as lhig daue niee nyn eaddagh:

Noo Mian 9:15

As dooyrt Yeesey roo, Vod caarjyn y dooinney-poosee dobberan, choud as ta dooinney yn phoosee mâroo? agh hig ny laghyn, tra vees dooinney yn phoosee er ny ghoaill ersooyl voue, as shen y traa nee ad trostey.

Psalmyn 19:5

Ayndoo t’eh er hoiaghey cabbane son y ghrian: ta cheet magh myr dooinney-poosee ass e hiamyr, as goaill boggey myr dooinney lajer dy roie e choorse.

Lioar Yob 1:5

As myr shen ve, tra va laghyn y yien oc er n’gholl mygeayrt, dy dug Job fys orroo, as ren eh ad y chasherickey, as heb eh chebballyn-losht son dagh unnane jeu: son smooinee Job, Foddee eh ’ve dy vel my vec er n’yannoo peccah, as er yarrood Jee ayns nyn gree. Shoh myr ren Job dy kinjagh.

2 Recortyssyn 35:6

Eisht marr-jee yn eayn-caisht, as jean-jee shiu hene y chasherickey, as cur-jee roish nyn mraaraghyn, dy yannoo cordail rish goo’n Chiarn, fo laue Voses.

2 Recortyssyn 30:19

Agh ghow Hezekiah padjer er nyn son, gra, Dy bee’n Chiarn mie myghinagh da dy chooilley unnane ta kiarail ayns ynrickys e chree dy hirrey Jee, yn Chiarn, Jee e ayraghyn, ga nagh vel eh er roshtyn gys slane glennid y leigh.

2 Recortyssyn 30:17

Son va ymmodee ’sy chaglym-cooidjagh nagh row er nyn gasherickey: shen-y-fa va’n currym er ny Leviteyn dy varroo ny eayin-caisht, son dagh unnane nagh row glen, dy chasherickey ad da’n Chiarn.

Joshua 7:13

Seose oo, jean y pobble y chasherickey, as abbyr roo, Jean-jee shiu-hene y chasherickey cour y laa mairagh: son myr shoh ta’n Chiarn Jee dy Israel gra, Ta red cursit ayns dty vean, O Israel: cha vod oo shassoo roish dty noidyn, derrey ta shiu goaill yn red cursit ersooyl veih ny mast’ eu.

Exodus 19:15

As dooyrt eh rish y pobble, bee-jee aarloo ry-hoi yn trass laa: ny tar-jee coair nyn mraane.

Noo Mian 21:16

As dooyrt ad rish, Vel oo clashtyn cre t’ad shoh dy ghra? Dooyrt Yeesey roo, Ta mee; nagh lhaih shiuish rieau, Magh ass beïll oikanyn as cloan er y cheeagh t’ou er gheddyn moylley firrinagh?

Joshua 8:35

Cha row fockle jeh ooilley ny doardee Moses nagh ren Joshua lhaih kiongoyrt rish slane chaglym-cooidjagh Israel, marish ny mraane, as y chloan, as ny joarreeyn ny-vud oc va jeh’n un chredjue.