Joel 2:10 - Yn Vible Casherick 1775 1819

¹⁰ Nee yn thalloo craa kiongoyrt roo, bee ny niaughyn er-creau; hig dorraghys er y ghrian as yn eayst, as cha geau ny rollageyn nyn soilshey.

Joel 2:10 Iomraidhean Croise

Noo Mian 24:29

Chelleeragh lurg seaghyn ny laghyn shen, hig dorraghys er y ghrian, as cha der yn eayst e soilshey, as tuittee rollageyn yn aer, as bee pooaraghyn yn aer er nyn graa.

Isaiah 13:10

Son cha der rollageyn niau, ny ny co-soilshaghyn, nyn sollyssid: nee’n ghrian girree ayns dorraghys, as cha jean yn ray-sollys soilshean.

Psalmyn 18:7

Va’n thalloo er ny ghleashagh, as ren eh craa: va eer undinyn ny sleityn neesht er-creau, as v’ad er ny scughey, ec e yymmoose.

Jannoo 2:20

Bee yn ghrian er ny hyndaa gys dorraghys, as yn eayst gys fuill, roish my jig laa mooar as cronnal y Chiarn.

Ashlish 6:12

As honnick mee tra doshil eh yn cheyoo seal, as cur-my-ner, va craa mooar thallooin ayn, as haink y ghrian dy ve doo myr aanrit-sack geyshteenagh, as va’n eayst myr fuill:

Jeremiah 4:23

Yeeagh mee er y thalloo, as cur-my-ner, ve gyn cummey as feayn; as er ny niaughyn, as cha row veg y toilshey ayndoo.

Ashlish 8:12

As heid y chiarroo ainle, as va’n trass ayrn jeh’n ghrian fo dorraghys, as y trass ayrn jeh’n eayst, as y trass ayrn jeh ny rollageyn; ayns wheesh as dy row yn trass ayrn jeu fo dorraghys, as cha daink y laa rish son y trass ayrn jeh, as yn oie myrgeddin.

Nahum 1:5

Ta ny sleityn craa roishyn, as ny croink lheïe, as ta’n thalloo losht ec yn enish echey, eer y seihll, as ooilley ta cummal ayn.

Joel 2:31

Bee yn ghrian er ny hyndaa gys dorraghys, as yn eayst gys fuill, roish my jig laa mooar as atchimagh y Chiarn.

Isaiah 34:4

As nee slane pooaraghyn yn aer lheïe ersooyl, as bee ny niaughyn fillit cooidjagh myr duillag lioar: as tuittee ooilley yn slane earroo oc, myr ta’n duillag tuittym veih’n villey-feeyney, as yn fig appee veih’n villey-figgagh.

Psalmyn 114:7

Bee er-creau, uss halloo, ec fenish y Chiarn: ec fenish Jee Yacob;

Noo Mian 27:51

As cur-my-ner, va’n coodaghey va eddyr y chiamble as yn ynnyd casherick raipit veih-my-cheilley, veih’n vullagh gys y laare; as ren y thalloo craa, as ny creggyn scoltey.

Amos 5:8

Shir-jee huggeysyn ta jannoo ny shiaght rollageyn, as Orion, as chyndaa scadoo yn vaaish gys soilshey yn voghrey, as yn laa gys dorraghys yn oie: ta geamagh er ushtaghyn ny marrey, as deayrtey magh ad er eaghtyr ny hooirey, yn Chiarn yn ennym echey:

Joel 2:2

Laa dy ghorraghys, as dy ghrooid, laa dy vodjallyn as dy ghorraghys dowin, myr y voghrey skeaylt er ny sleityn; pobble mooar as niartal, cha row rieau nyn lheid, chamoo vees arragh ny lurg oc, eer gys bleeantyn ymmodee sheelogheyn.

Ashlish 20:11

As honnick mee stoyl-reeoil mooar gial, as eshyn va ny hoie er, veih e enish ren niau as thalloo chea ersooyl, as cha row ynnyd ry-gheddyn er nyn son.

Ashlish 9:2

As doshil eh yn diunid gyn-grunt, as dirree jaagh ass y diunid myr jaagh coirrey; as va’n ghrian as yn aer ayns dorraghys, kyndagh rish jaagh y diunid.

Isaiah 5:30

As ayns y laa shen nee ad buirroogh nyn ’oï, myr freaney ny marrey; as my yeeaghys fer stiagh ’sy cheer, ver eh my-ner dorraghys as trimshey; as ta’n soilshey er ny hyndaa gys dorraghys ayns yn aer er-y-skyn.

Joel 3:4

As dy jarroo, cre’n eïe t’eu orrym, O Tyre as Zidon, as ooilley ardjyn Phalestine? jean shiu cooilleeney ’ghoaill orrym, as my ta shiu goaill lhiasaghey jeem’s, dy tappee as dy leah chyndaa-yms reesht yn cooilleeney eu er nyn ghing hene.