Joel 1:3 - Yn Vible Casherick 1775 1819

³ Insh-jee shoh da nyn gloan, as lhig da yn chloan euish shen y insh da’n chloan ocsyn, as yn chloan ocsyn da yn nah heeloghe.

Joel 1:3 Iomraidhean Croise

Deuteronomy 6:7

As ynsee oo ad dy kiaralagh da dty chloan, as nee oo taggloo jeu, tra t’ou soie ayns dty hie, as tra t’ou shooyl er y raad, as tra t’ou goll dy lhie, as tra t’ou girree.

Psalmyn 145:4

Nee un sheeloghe dt’obbraghyn y voylley gys sheeloghe elley: as soilshee ad magh dty niart.

Psalmyn 71:18

O cre’n seaghyn as yn arkys trome t’ou er choyrt my raad! as foast hyndaa oo as ren oo mee y ooraghey: dy jarroo, as hug oo lhiat mee reesht veih diunid ny hooirey.

Exodus 13:14

As shen myr vees eh, tra nee dty vac fênaght jeed ny lurg shoh, gra, Cre’n-fa ta shoh? Dy jir oo rish, Lesh laue lajer hug y Chiarn lesh shinyn magh ass Egypt, veih thie ny bondiaght.

Isaiah 38:19

Yn vio, yn dooinney bio, eshyn ver moylley dhyt, myr ta mish jiu; nee yn ayr da e chloan soilshaghey dty ynrickys.

Psalmyn 44:1

Ta shin er chlashtyn lesh nyn gleayshyn, O Yee, ta nyn ayraghyn er n’insh dooin: cre ny obbraghyn ren uss ayns y traa ocsyn ’sy chenn earish;