Genesis 10:4 - Yn Vible Casherick 1775 1819

⁴ As mec Javan; Elisha, as Tarshish, Kittim, as Dodanim.

Genesis 10:4 Iomraidhean Croise

Daniel 11:30

Son hig lhongyn Chittim n’oï: shen-y-fa, bee eh seaghnit, as chyndaa-ee eh, as bee eh jymmoosagh noi yn chonaant casherick: shoh myr nee eh jannoo, chyndaa-ee eh dy jarroo, as gowee eh coyrle follit mâroosyn ta treigeil y chonaant casherick.

Isaiah 23:12

As dooyrt eh, Cha jean oo arragh boggey y ghoaill, O voidyn tranlaasit, inneen Zidon: trog ort, gow harrish gys Chittim; ayns shen neesht cha vow veg y fea.

Isaiah 23:1

Errey Tyre. Gull-jee, shiuish lhongyn Tarshish; son te ny hraartys, myr shen nagh vel thie faagit, ny boayl erbee dy gholl stiagh ayn: veih cheer Chittim te er ny ockley magh orroo.

Earrooyn 24:24

As nee lhongyn cheet veih ardjyn Chittim, as seaghney Ashur, as seaghney Eber, as nee eshyn myrgeddin cherraghtyn son dy bragh.

Ezekiel 27:25

Ren lhongyn Tarshish goaill arrane jeed’s ayns dty vargey, as v’ou er dty lhieeney, as soit magh dy feer ghloyroil ayns mean ny marrey.

Ezekiel 27:12

Tarshish va dty varchan son mooarane dty chooid, ayns dy chooilley cheint dy verchys; lesh argid, yiarn, stainney as leoaie ren ad dellal ayns dty vargaghyn.

Genesis 10:5

Lioroo shoh va ellanyn ny ashoonee er nyn rheynn lurg nyn cheeraghyn; dagh cheer lurg e ghlare hene, cordail rish nyn gynneeyn, ayns ny ashoonyn oc,

1 Recortyssyn 1:7

As mec Javan; Elisha, as Tarshish, Kittim, as Dodanim.

Ezekiel 27:6

Jeh biljyn-darragh Vashan t’ad er n’yannoo dty vaidjyn-raue: ta sheshaght ny Ashuriteyn er n’yannoo ny beckyn ayd jeh ivory, veih ellanyn Chittim.

Ezekiel 27:7

Aanrit keyl lesh obbyr-snaidey, ren oo skeayley magh son shiaull dhyt; gorrym as gorrym-jiarg veih ellanyn Elishah va coodaghey dty chabbaneyn lhuingys.