Genesis 1:7 - Yn Vible Casherick 1775 1819

⁷ As chroo Jee yn aer; as scarr eh ny ushtaghyn fo yn aer, veih ny ushtaghyn erskyn yn aer: as shen myr ve.

Genesis 1:7 Iomraidhean Croise

Psalmyn 148:4

Moylley-jee eh, ooilley shiuish niaughyn: as shiuish ushtaghyn ta erskyn yn aer.

Noo Mian 8:27

Agh ghow ny deiney yindys, gra, Cre’n dooinney eh shoh, dy vel ny eer geayghyn as y faarkey ayns biallys da!

Genesis 1:9

As dooyrt Jee, Lhig da ny ushtaghyn fo yn aer ve er nyn jaglym cooidjagh gys un voayl, as lhig da’n thalloo chirrym cheet rish; as shen myr ve.

Lioar Yob 26:8

T’eh kiangley seose ny ushtaghyn ayns e vodjallyn chiu, as cha vel y bodjal er ny scoltey foue.

Genesis 1:15

As lhig daue ve son soilshaghyn ayns yn aer fo niau, dy choyrt soilshey er y thalloo: as shen myr ve.

Ecclesiastes 11:3

My ta ny bodjallyn lane fliaghey, t’ad folmagh ad-hene er y thalloo, as my huittys yn billey lesh y jiass, ny lesh y twoaie, ’sy voayl huittys eh, shen y raad nee eh lhie.

Genesis 1:24

As dooyrt Jee, Lhig da’n thalloo gymmyrkey yn cretoor bio lurg e ghooghys; maase as cretooryn snauee as beishtyn y thallooin lurg nyn ghooghys: as myr shen ve.

Genesis 1:11

As dooyrt Jee, Lhig da’n thalloo gymmyrkey faiyr, yn losserey ceau rass, as y billey gymmyrkey mess lurg e ghooghys, yn rass echey t’ayns hene er y thalloo, as shen myr ve.

Psalmyn 104:10

T’eh cur ny geillyn gys ny awinyn: ta roie mastey ny croink.

Genesis 1:8

As ren Jee genmys yn aer Niau: as va’n fastyr as y moghrey yn nah laa.

Psalmyn 19:1

Ta ny niaughyn fockley magh gloyr Yee: as ta’n aer soilshaghey obbyr e laueyn.

Psalmyn 19:2

Laa lurg laa te er ny hoilshaghey: as ta oie lurg oie cur toiggal jeh.

Psalmyn 136:5

Ta liorish e chreenaght erskyn-earroo er chroo ny niaughyn: son ta e vyghin farraghtyn son dy bragh.