Genesis 1:5 - Yn Vible Casherick 1775 1819

⁵ As denmys Jee yn soilshey Laa, as y dorraghys denmys eh Oie: as y fastyr as y moghrey va’n chied laa.

Genesis 1:5 Iomraidhean Croise

Psalmyn 74:16

Hug oo lhiat farraneyn, as ushtaghyn magh ass ny creggyn creoi: hyrmee oo seose ushtaghyn niartal.

Isaiah 45:7

Ta mee kiaddey yn soilshey, as croo yn dorraghys; ta mee jannoo shee as reill yn olk. Mish yn Chiarn ta bun ooilley ny reddyn shoh.

1 Thessalonianee 5:5

Ta shiuish ooilley cloan y toilshey, as cloan y laa: cha vel shinyn jeh’n oie, ny jeh’n dorraghys.

Psalmyn 104:20

T’ou jannoo dorraghys dy chur stiagh yn oie: ayn ta ooilley beïyn y cheyll rouail mygeayrt.

Genesis 8:22

Choud as ta’n seihll er-mayrn, cha jean traa-correy, as fouyr, feayraght as chiass, sourey as geurey, laa as oie, dy bragh failleil.

Psalmyn 19:2

Laa lurg laa te er ny hoilshaghey: as ta oie lurg oie cur toiggal jeh.

Jeremiah 33:20

Myr shoh ta’n Chiarn dy ghra, My oddys shiu brishey my chonaant jeh’n laa, as my chonaant jeh’n oie, as nagh beagh laa as oie ayns nyn imbagh cooie;

Ephesianee 5:13

Agh dy chooilley nhee rish ta foill er ny gheddyn, te er ny hoilshaghey liorish y soilshey; son shen ny ta coyrt lesh gys soilshey, she soilshey eh.

1 Corinthianee 3:13

Bee obbyr dy chooilley ghooinney er ny hoilshaghey: son ver yn laa lesh eh gys soilshey, er-yn-oyr dy bee eh er ny hoilshaghey liorish aile; as nee’n aile obbyr dy chooilley ghooinney y hrial, cre’n sorch te jeh.

Genesis 1:8

As ren Jee genmys yn aer Niau: as va’n fastyr as y moghrey yn nah laa.

Genesis 1:31

As honnick Jee dy chooilley nhee v’eh er chroo as cur-my-ner ve feer vie. As va’n fastyr as y moghrey yn cheyoo laa.

Genesis 1:23

As va’n fastyr as y moghrey yn wheiggoo laa.

Genesis 1:19

As va’n fastyr as y moghrey yn chiarroo laa.

Genesis 1:13

As va’n fastyr as y moghrey yn trass laa.

Earrooyn 20:29

As tra honnick ooilley’n pobble dy row Aaron marroo, ren ad dobberan son Aaron jeih laa as feed, eer slane thie Israel.

Psalmyn 65:8

Adsyn myrgeddin ta baghey ayns ny ayrnyn sodjey magh jeh’n seihll, vees agglagh roish dty chowraghyn: uss ta cur er immeeaght y voghrey as yn astyr dy chur dhyt moylley.