Genesis 1:12 - Yn Vible Casherick 1775 1819

¹² As ren y thalloo gymmyrkey faiyr, as losserey ceau rass lurg e ghooghys; as y billey tilgey mess, e rass t’ayns hene, lurg e ghooghys: as honnick Jee dy row eh mie.

Genesis 1:12 Iomraidhean Croise

Noo Mark 4:28

Son ta’n thalloo cur magh mess j’ee hene, hoshiaght yn chass, eisht yn jeeas, ny lurg shen, yn arroo creen ayns y jeeas.

Noo Luke 6:44

Son ta dy chooilley villey er ny chronnaghey liorish e vess: son cha vel mess y villey-figgagh er ny heiy jeh drineyn, ny mess y villey-feeyney jeh thammag-ghress.

Galatianee 6:7

Ny bee-jee mollit; cha vel craid dy ve jeant mysh Jee: son cre-erbee ta dooinney dy chuirr, lheid shen nee eh ’vuinn.

2 Corinthianee 9:10

Nish dy jean eshyn ta shirveish rass er y chorreyder, chammah shirveish arran son nyn meaghey, as bishaghey nyn arroo-correy, as cur er-ash mess yn feoiltys eu.)

Isaiah 61:11

Son myr ta’n thalloo coyrt magh blaa, as myr ta ny rassyn ta cuirrit ’sy gharey cheet er-ash; myr shen ver y Chiarn Jee er cairys as moylley dy vlaaghey magh kiongoyrt rish ooilley ny ashoonyn.

Hebrewnee 6:7

Son y thalloo ta soo yn fliaghey ta tuittym dy mennick er, as gymmyrkey lossyreeyn cooie er nyn son ocsyn ta dy obbraghey eh, te geddyn bannaght veih Jee:

Genesis 1:11

As dooyrt Jee, Lhig da’n thalloo gymmyrkey faiyr, yn losserey ceau rass, as y billey gymmyrkey mess lurg e ghooghys, yn rass echey t’ayns hene er y thalloo, as shen myr ve.

Genesis 1:13

As va’n fastyr as y moghrey yn trass laa.

Psalmyn 104:14

T’eh cur magh faiyr son y maase: as messyn y vagheragh son ymmyd dooinney;