Genesis 1:10 - Yn Vible Casherick 1775 1819

¹⁰ As denmys Jee yn thalloo chirrym Ooir; as chaglym cooidjagh ny ushtaghyn denmys eh Faarkaghyn: as honnick Jee dy row eh mie.

Genesis 1:10 Iomraidhean Croise

Deuteronomy 32:4

Eshyn y Chreg, ta e obbraghyn jeant ayns creenaght erskyn earroo: son ta ooilley e raaidyn briwnys: Jee dy ynrickys, as fegooish mee-chairys; kiart as jeeragh t’eh.

Psalmyn 104:31

Nee Ard-ooashley gloyroil y Chiarn farraghtyn son dy bragh: nee yn Chiarn boggey ’ghoaill ayns e obbraghyn.

Genesis 1:4

As honnick Jee yn soilshey dy row eh mie: as ren Jee scarrey yn soilshey veih yn dorraghys.

Psalmyn 33:7

T’eh chaglym ushtaghyn ny marrey cooidjagh, myr carnane: as freayll fo yn diunid vooar myr ayns thie-tashtee.

Psalmyn 95:5

Yn faarkey she leshyn eh, as eh ren eh: as ny laueyn echeysyn ren aarloo yn thalloo chirrym.

Psalmyn 146:6

Ta jannoo cairys dauesyn ta surranse aggair: ta beaghey ny accryssee.

Jonah 1:9

As dooyrt eh roo, She Hebrew mee, as ta mee goaill aggle roish y Chiarn, Jee ny flaunys, t’er chroo yn aarkey as y thalloo chirrym.