Dobberan 5:8 - Yn Vible Casherick 1775 1819

⁸ Ta sharvaantyn reill harrin: cha vel ain fer dy livrey shin veih nyn laue.

Dobberan 5:8 Iomraidhean Croise

Zechariah 11:6

Son cha bee’m chymmoil ny-sodjey da cummaltee yn cheer, ta’n Chiarn dy ghra: son cur-my-ner, livrey-yms ny deiney dagh unnane gys laue e naboo, as gys laue e ree, as bwoaillee adsyn y cheer, as cha livrey-ym ad ass nyn laue.

Nehemiah 5:15

Agh ny kiannoortyn va roym, v’ad errey trome er y pobble, as er hroggal jeu arran as feeyn, marish da-eed shekel dy argid, ren eer ny sharvaantyn oc tranlaase er y theay: agh cha ren mish myr shen, son dy row mee fo aggle Yee.

Raaghyn Creeney 30:22

Liorish sharvaant tra t’eh reill; as liorish ommydan tra t’eh lane bee;

Psalmyn 7:2

Er-aggle dy stroie eh my vioys myr lion, as eh y raipey dy peeshyn: choud as nagh vel unnane dy chooney lhiam.

Hosea 2:10

As nish brah-ym yn drogh-vea eck fenish e maarderee, as cha jean fer erbee ish y livrey ass my laue.

Isaiah 43:13

Dy jarroo roish my row soilshey laa er ny chroo, va mish; as cha vel fer oddys livrey ass my laue: neem’s jannoo, as quoi lhiettys eh?

Psalmyn 50:22

O smooinee-jee er shoh, shiuish ta jarrood Jee: er-aggle dy raip-ym shiu ersooyl, as nagh bee unnane erbee dy livrey shiu.

Lioar Yob 10:7

Ta fys ayd nagh vel mee ooilley-cooidjagh foiljagh; as nagh vel fer erbee oddys livrey ass dty laue.

Lioar Yob 5:4

Ta e chloan foddey veih sauchys, t’ad er nyn gheyrey ’sy yiat, chamoo ta fendeilagh erbee oc.

Nehemiah 2:19

Agh tra cheayll Sanballat yn Horonite as Tobiah sharvaant yn Ammonite, as Gesham yn Arabian jeh shoh, hie ad dy chraidey mooin, as hoie ad beg j’in, as va shin ayns faghid, as dooyrt ad, Cre shoh ta shiu mysh? vel shiu son girree-magh noi’n ree?

Deuteronomy 28:43

Yiow’n joarree, ta cummal mayrt, seose foddey er-dty-skyn: as hig uss sheese feer injil.

Genesis 9:25

As dooyrt eh, Cursit vees Canaan; sharvaant dy harvaantyn vees eh da e vraaraghyn.