Dobberan 5:1 - Yn Vible Casherick 1775 1819

¹ Cooinee, O Hiarn, cre t’er jeet orrin, smooinee er, as cur-my-ner nyn oltooan.

Dobberan 5:1 Iomraidhean Croise

Habakkuk 3:2

O Hiarn, ta mee er chlashtyn dty choraa, as va aggle orrym: O Hiarn, jean dty obbyr y aa-vioghey ayns mean ny bleeantyn, jean soilshaghey; ayns dty yymmoose smooinee er myghin.

Dobberan 3:61

T’ou er chlashtyn yn oltooan oc, O Hiarn, as ooilley nyn gliaghtaghyn cluicagh m’oï.

Dobberan 3:19

Cooinaghtyn er my heaghyn as my hreihys, yn ullymar as y gall.

Dobberan 2:15

Ta ooilley ta goll shaghey bassey nyn laueyn ort; t’ad tassane as craa nyn ghing er inneen Yerusalem, gra, Nee shoh yn ard-valley ta sleih genmys yn ard-aalid as boggey’n slane seihll?

Jeremiah 15:15

O Hiarn, t’ou uss toiggal: cooinee, as jeeagh orrym, as gow cooilleeney jeh my hranlaasee er my hon; ny gow mee ersooyl ayns dty hurranse-foddey: cooinee dy nee er dty ghraih’s ta mee er hurranse oghsan.

Psalmyn 79:12

O lhig da osnaghyn trimshagh ny pryssoonee cheet kiongoyrt rhyt: cordail rish mooadys dty phooar, jean uss adsyn y choadey t’er nyn oardaghey gys baase;

Psalmyn 79:4

Ta shin er jeet dy ve nearey foshlit da nyn noidyn: eer craid as faghid dauesyn ta mygeayrt-y-mooin.

Nehemiah 4:4

Clasht, O nyn Yee, son s’beg t’er ny hoiagh j’in; as chyndaa yn oltooan oc er nyn ghing hene, as livrey ad son spooilley ayns cheer y chappeeys:

Noo Luke 23:42

As dooyrt eh rish Yeesey, Hiarn, cooinee orrym’s tra hig oo gys dty reeriaght.

Dobberan 2:20

Cur-my-ner, O Hiarn, as smooinee quoi rish t’ou er n’yannoo shoh: jean ny mraane gee mess nyn gorp hene, as cloan jeh lhiurid reaish? Jed y saggyrt as y phadeyr er ny varroo ayns chiamble casherick y Chiarn?

Dobberan 1:20

Cur-my-ner, O Hiarn, son ta mee ayns êgin; ta my annym seaghnit aynym; ta my chree chyndaït cheu-sthie jee’m, son dy mooar ta mee er n’irree-magh: yn cliwe er feaï-ny-cruinney ta roostey, as cheu-sthie ny voallaghyn ta’n baase.

Lioar Yob 10:9

Cooinee, ta mee guee ort, dy vel oo er n’yannoo mee jeh’n chray; as der oo lhiat mee reesht gys y joan?

Lioar Yob 7:7

O cooinee nagh vel my vea agh geay: cha jean my hooill fakin maynrys arragh.

Nehemiah 1:8

Cooinee, ta mee guee ort, er y goo doardee oo dty harvaant Moses gra, My vrishys shiu my leighyn, neem’s shiu y skeayley mastey ny ashoonyn:

Nehemiah 1:3

As dooyrt ad rhym, Ta’n sluight t’er-mayrn jeh’n chappeeys ’sy rheam ayns seaghyn trome, as ayns faghid: ta voalley Yerusalem myrgeddin brisht sheese, as ny giattyn eck losht lesh aile.

Psalmyn 119:153

O smooinee er my arkys, as livrey mee: son cha vel mee jarrood dty leigh.

Isaiah 62:6

Ta mee er hoiaghey arreyderyn er dty voallaghyn, O Yerusalem, nagh bee nyn dhost laa ny oie: shiuish ta enmyssit er y Chiarn, ny bee-jee nyn dhost;

Dobberan 3:50

Derrey nee’n Chiarn jeeaghyn sheese, as cur-my-ner veih niau.

Psalmyn 74:18

T’ou er hoiaghey ooilley cagliaghyn ny hooirey: t’ou er yannoo sourey as geurey.

Jeremiah 51:51

Ta shin mow, er-y-fa dy vel shin er chlashtyn oltooan: ta nearey er choodaghey nyn eddin; son ta joarreeyn er jeet stiagh gys ynnydyn smoo casherick thie yn Chiarn.

Dobberan 1:9

Ayns ny rumbyllyn eck ta broïd, cha ren ee smooinaghtyn cre’n erree harragh urree, shen-y-fa huitt ee dy yindyssagh, cha row gerjeyder eck: O Hiarn, cur-my-ner my heaghyn: son ta’n noid er voggyssagh harrym.

Dobberan 1:11

Ta ooilley yn pobble er osnaghey, t’ad briaght son arran, t’ad er chur nyn gooid share son beaghey dy reayll bioys ayndoo: jeeagh orrym, O Hiarn, as cur geill, son s’beg y leigh t’oc orrym.