Dobberan 4:8 - Yn Vible Casherick 1775 1819

⁸ Ta’n eddin oc ny s’dorraghey na’n gheayl: s’coan ver oo enn orroo ayns ny straïdyn: ta’n crackan oc lhiantyn gys nyn graueyn: te shyrgit myr brasnag.

Dobberan 4:8 Iomraidhean Croise

Dobberan 5:10

Va’n crackan ain doo myr yn oghe, kyndagh rish y ghortey dewil.

Lioar Yob 30:30

Ta my chrackan doo orrym, as my chraueyn shirgit seose lesh chiass.

Psalmyn 119:83

Son ta mee shymlit myr crackan ayns y jaagh: ny-yeih cha vel mee jarrood dty lattyssyn.

Lioar Yob 19:20

Ta my chraueyn brishey trooid my chrackan as m’eill, as s’coan ta mee er scapail lesh crackan er my ghruntyn.

Nahum 2:10

T’ee follym, as feayn, as faasagh, as ta’n cree faitagh, as ta ny glioonyn bwoalley noi-ry-hoi, as ta guin ghyere ayns ooilley nyn meeghyn, as ta neeal y dorraghys er dy chooilley eddin.

Joel 2:6

Kiongoyrt roo bee sleih dy mooar seaghnit, bee neeal dy ghorraghys er dy chooilley eddin.

Isaiah 52:14

Myr va ymmodee goaill yindys jeed; (va e eddin jeant ny s’eajee na eddin dooinney erbee, as e chummey ny smessey na veg jeh cloan gheiney;)

Psalmyn 102:11

Ta my laghyn er n’gholl shaghey myr scaa: as ta mee fioghit myr faiyr.

Psalmyn 38:3

Cha vel veg y slaynt ayns m’eill kyndagh rish dty yymmoose: chamoo ta fea erbee ayns my chraueyn, kyndagh rish my pheccah.

Psalmyn 32:4

Son ta dty laue trome orrym laa as oie: as ta soo my chorp myr chyrmagh-loshtee yn tourey.

Lioar Yob 33:21

Ta’n eill echey er shymley ersooyl, nagh vel eh ry-akin; as ny craueyn echey nagh row cronnit, t’ad shassoo magh.

Lioar Yob 2:12

As tra hrog ad seose nyn sooillyn foddey jeh, as s’coan dy dug ad enney er, hrog ad seose nyn goraa as cheayn ad; as raip ad dagh fer e choamrey, as spreih ad joan seose ’syn aer er nyn ghing.

Noo Luke 10:11

Eer joan yn ard-valley eu, ta lhiantyn hooin, ta shin dy chraa j’in nyn ’oï eu: ny-yeih, bee-jee shickyr jeh shoh, dy vel reeriaght Yee er jeet er-gerrey diu.