Dobberan 4:11 - Yn Vible Casherick 1775 1819

¹¹ Ta’n Chiarn er chooilleeney e eulys, t’eh er gheayrtey magh dewilys e yymmoose, as er ghreesey aile ayns Zion, as t’eh er stroie ny undinyn eck.

Dobberan 4:11 Iomraidhean Croise

Ezekiel 22:31

Shen-y-fa ta mee er gheayrtey magh my yymmoose orroo, ta mee er chur mow ad lesh aile my eulys: nyn raad hene ta mee er chooilleeney er nyn ghing hene, ta’n Chiarn Jee dy ghra.

Jeremiah 7:20

Shen-y-fa shoh myr ta’n Chiarn Jee dy ghra, Cur-my-ner, bee my chorree as my eulys er ny gheayrtey magh er y voayl shoh, er dooinney, as er baagh, as er biljyn y vagheragh, as er mess y thallooin; as nee eh lostey, as cha bee eh er ny vooghey.

Dobberan 2:17

Ta’n Chiarn er n’yannoo shen v’eh er chiarail: t’eh er chooilleeney e raa v’eh er harey ayns y chenn earish: t’eh er cheau sheese fegooish chymmey: as t’eh er chur er dty noid dy voggyssagh harryd, t’eh er hoiaghey seose niart dty noidyn.

Jeremiah 17:27

Agh mannagh n’eaisht shiu rhym dy reayll yn doonaght casherick, as gyn laad y ymmyrkey, eer goll stiagh er giattyn Yerusalem er y doonaght; eisht neem’s aile y oaddey ayns ny giattyn eck; as nee eh plaaseyn Yerusalem y stroie, as cha bee eh er ny vooghey.

Noo Luke 21:22

Son t’ad shoh laghyn y chooilleeney, son jannoo mie dy chooilley nhee ta scruit.

Zechariah 1:6

Agh my ghoan, as my lattyssyn, hug mee er currym my harvaantyn ny phadeyryn, nagh ren ad berraghtyn er nyn ayraghyn? as hyndaa ad, as dooyrt ad, ’Naght myr va Chiarn ny flaunyssee kiarit dy yannoo rooin, rere nyn raaidyn, as rere nyn yannoo, eer myr shen t’eh er ghellal rooin.

Daniel 9:12

As t’eh er chooilleeney e ghoan, loayr eh nyn ’oï, as noi ny briwnyn va dy vriwnys shin, liorish coyrt lesh orrin kerraghey trome: son fo ooilley niau cha row rieau y lheid as ta er ny ve jeant er Jerusalem.

Dobberan 4:22

Ta kerraghey dty vee-chairys cooilleenit, O inneen Zion, cha der eh lesh oo arragh gys cappeeys: gowee eh kerraghey er dty vee-chairys, O inneen Edom, ver eh briaght er dty pheccaghyn.

Dobberan 2:8

Ta’n Chiarn kiarit dy stroie voalley inneen Zion; t’eh er heeyney magh yn line towshan, cha vel eh er lhiettal e laue veih stroie: shen-y-fa hug eh er y chashtal as e voalley dy ghobberan; hie ad naardey dy cheilley.

Jeremiah 21:14

Agh neem’s shiu y smaghtaghey cordail rish mess nyn obbraghyn, ta’n Chiarn dy ghra: as nee’m aile y oaddey ’sy cheyll echey, as nee eh stroie dy chooilley nhee mygeayrt-y-mysh.

Jeremiah 13:14

As scoltee-ym ad yn derrey yeh noi’n jeh elley, eer ny ayraghyn as ny mec ry-cheilley, ta’n Chiarn dy ghra; cha jean-ym chymmey, ny foayr, ny myghin y yeeaghyn, agh nee’m ad y stroie.

Jeremiah 36:7

Foddee eh ’ve dy jean ad chebbal nyn aghin kiongoyrt rish y Chiarn, as chyndaa dagh unnane veih e ghrogh raad: son s’mooar ta’n jymmoose as yn eulys ta’n Chiarn er n’ockley magh noi’n pobble shoh.

Ezekiel 6:12

Eshyn ta foddey jeh, yiow eh baase jeh’n phaitt, as eshyn ta er-gerrey nee eh tuittym liorish y chliwe, as eshyn ta er-mayrn ayns chennid yn ard-valley, yiow eh baase lesh gortey: myr shoh neem’s my eulys y chooilleeney orroo.

Ezekiel 36:18

Shen-y-fa lhig mee raad da my eulys nyn ’oï, er son yn uill v’ad er gheayrtey er y thalloo, as son nyn yallooyn, lioroo v’ad er dayrn loght er y cheer.

Zephaniah 2:2

Roish my vees y decree coyrt ayns bree, roish my jed y laa shaghey myr coau, roish my jig jymmoose y Chiarn dy trome erriu, roish my jean laa eulyssagh y Chiarn berraghtyn erriu.

Leviticus 26:28

Eisht beem’s nyn ’oï eu eer ayns dewlys: as mish, mee hene, nee shiuish y smaghtaghey shiaght keayrtyn smoo son nyn beccaghyn.

Isaiah 51:20

Ta dty vec er n’gholl neeal, t’ad nyn lhie ayns king ooilley ny straïdyn myr tarroo feïe ayns ribbey: t’ad lane dy eulys y Chiarn, jeh oghsan dty Yee.

Dobberan 2:1

Kys ta’n Chiarn ayns e yymmoose er choodaghey inneen Zion lesh bodjal, as er lhieggal aalid Israel veih niau gys y thalloo, as cha chooinee eh er stoyl e choshey ayns laa e eulys!

Dobberan 2:3

T’eh ayns e yymmoose hrome er yiarey jeh ooilley troshid Israel: t’eh er hayrn back e laue roish nyn noidyn, as losht eh noi Jacob, myr lossey dy aile, ta stroie ooilley roish.

Dobberan 2:4

T’eh er lhoobey e vhow myr noid, hass eh lesh e laue yesh myr dooinney-caggee, as varr eh ooilley ny va eunyssagh da’n thooill, ayns cabbane inneen Zion: t’eh er gheayrtey magh e eulys myr aile.