Dobberan 3:5 - Yn Vible Casherick 1775 1819

⁵ T’eh er hroggal m’oï, as er chombaasal mee mygeayrt lesh gall as angaish.

Dobberan 3:5 Iomraidhean Croise

Dobberan 3:19

Cooinaghtyn er my heaghyn as my hreihys, yn ullymar as y gall.

Jeremiah 23:15

Shen-y-fa shoh myr ta Chiarn ny sheshaghtyn flaunyssagh dy ghra mychione ny phadeyryn, Cur-my-ner, ver-ym daue ullymar dy ee, as ver-ym ushtey galley daue dy iu: son veih phadeyryn Yerusalem ta mee-chraueeaght er n’gholl magh fud ooilley’n cheer.

Lioar Yob 19:8

T’eh er yeigh seose my raad, nagh voddym geddyn harrish, as t’eh er skeayley dorraghys roish my chassyn.

Jeremiah 9:15

Shen-y-fa myr shoh ta Chiarn ny sheshaghtyn flaunyssagh, Jee Israel, dy ghra, Cur-my-ner, neem’s ad y veaghey, eer y pobble shoh, lesh ullymar, as ver-ym ushtey gall daue dy iu.

Jeremiah 8:14

Kys dy vel shin soie myr shoh? chaggle-jee shiu hene, as lhig dooin cosney stiagh gys ny ard-valjyn voallit, as lhig dooin ve nyn dhost ayns shen; son ta’n Chiarn nyn Yee er choyrt shin nyn dhost, as er chur dooin ushtey galley dy iu, er-yn-oyr dy vel shin er n’yannoo peccah noi’n Chiarn.

Psalmyn 69:21

Ta dt’oghsan er vrishey my chree, ta mee lane dy hrimshey: yeeagh mee son fer ennagh dy ghoaill chymmey orrym, agh cha row dooinney erbee; chamoo hooar mee unnane erbee dy my gherjaghey.

Noo Luke 21:20

As tra hee shiu sheshaghtyn-caggee mygeayrt Jerusalem, eisht toig-jee dy vel y traartys eck er-gerrey.