Dobberan 3:18 - Yn Vible Casherick 1775 1819

¹⁸ As dooyrt mee, Ta my niart, as my hreishteil er jerraghtyn veih’n Chiarn.

Dobberan 3:18 Iomraidhean Croise

Lioar Yob 17:15

As cre vel nish my hreishteil? as er son my hreishteil, quoi ver my-ner eh?

Ezekiel 37:11

Eisht dooyrt eh rhym, Vac y dooinney, ta ny craueyn shoh slane thie Israel: cur-my-ner t’ad gra, Ta ny craueyn ain shirgit, as ta nyn dreishteil er vailleil, er nyn son ain, ta shin giarit jeh.

Psalmyn 116:11

Cre’n cooilleeney ver-ym da’n Chiarn: son ooilley ny bannaghtyn t’eh er hoilshaghey dou?

Psalmyn 31:22

Nee oo ad y choadey ayns boayl follit dty enish veih brasnaghey dy chooilley ghooinney: nee oo ad y cheiltyn ayns dty chabbane veih argane chengaghyn.

Lioar Yob 6:11

Cre ta my niart, dy voddym’s cummal rish? as cre ta my yerrey, dooys dy ve foddey beayn?

1 Samuel 27:1

As smooinee David ayns e chree, Neem’s foast keayrt ny keayrt ennagh tuittym liorish laue Saul: cha voddym ny share y yannoo na dy chosney cha leah’s oddym gys cheer ny Philistinee; as cha bee smooinaghtyn sodjey ec Saul orrym, dy hirrey er my hon ayns veg jeh ardjyn Israel: myr shoh nee’m scapail ass e laue.

Noo Luke 11:10

Son ta dy chooilley unnane ta geearree, geddyn: as y fer ta shirrey, feddyn: as eshyn ta aignagh fosley y gheddyn, bee eh er ny osley da.