Dobberan 2:3 - Yn Vible Casherick 1775 1819

³ T’eh ayns e yymmoose hrome er yiarey jeh ooilley troshid Israel: t’eh er hayrn back e laue roish nyn noidyn, as losht eh noi Jacob, myr lossey dy aile, ta stroie ooilley roish.

Dobberan 2:3 Iomraidhean Croise

Psalmyn 74:11

O Yee, caïd nee eshyn ta dt’oï yn vee-onnor shoh y yannoo: caïd nee yn noid loayrt dy mollaghtagh noi dt’Ennym, nee son dy bragh?

Isaiah 42:25

Shen-y-fa t’eh er gheayrtey magh orroo eulys e yymmoose, as dewilys yn chaggey; as hug eh aile er ooilley mygeayrt, ny-yeih cha dug eh geill da; as v’eh er ny lostey liorish, ny-yeih cha ghow eh shoh gys e chree.

Psalmyn 75:10

Er son y drundin echey: nee ooilley mee-chrauee y theihll ad y iu, as y yiole ass.

Psalmyn 75:5

Dooyrt mee rish ny ommydanyn, Ny jean-jee cha keoi: as rish y vooinjer vee-chrauee, Ny soie-jee seose nyn eairk;

Jeremiah 48:25

Ta eairk Voab giarit jeh, as e roih brisht, ta’n Chiarn dy ghra.

Psalmyn 89:46

O cooinee cre cha giare as ta my hraa: cre’n-fa t’ou uss er n’yannoo dy chooilley ghooinney dy ve fardalagh?

Psalmyn 79:5

Hiarn, caïd vees oo corree: jean dty eadolys lostey myr aile son dy bragh?

Noo Luke 3:17

Ta’n cleayst echey ayns e laue, as fasnee eh dy bollagh e laare-vooie, as gowee eh yn churnaght stiagh ayns e hie-tashtee; agh yn coau nee eh y lostey lesh aile nagh bee er ny vooghey.

Noo Luke 1:69

As t’eh er hroggal seose saualtys niartal er nyn son, ayns thie e harvaant David;

Malachi 4:1

Son cur-my-ner ta’n laa cheet nee lostey myr oghe, as bee ooilley ny mooaralee, as eer adsyn ta cur-rish olkys, myr y coau, as nee yn laa ta cheet ad y lostey seose, ta Chiarn ny flaunyssee dy ghra; myr shen nagh vaag eh daue, eddyr fraue ny banglane.

Jeremiah 21:14

Agh neem’s shiu y smaghtaghey cordail rish mess nyn obbraghyn, ta’n Chiarn dy ghra: as nee’m aile y oaddey ’sy cheyll echey, as nee eh stroie dy chooilley nhee mygeayrt-y-mysh.

Jeremiah 7:20

Shen-y-fa shoh myr ta’n Chiarn Jee dy ghra, Cur-my-ner, bee my chorree as my eulys er ny gheayrtey magh er y voayl shoh, er dooinney, as er baagh, as er biljyn y vagheragh, as er mess y thallooin; as nee eh lostey, as cha bee eh er ny vooghey.

Jeremiah 4:4

Bee-jee er nyn yiarey-chymmylt gys y Chiarn, as gow-jee ersooyl neu-ghlennid nyn gree, shiuish gheiney Yudah, as chummaltee Yerusalem; er-aggle dy brish my eulys magh myr aile, as lostey nagh vod eh v’er ny vooghey, kyndagh rish nyn ghrogh-yannoo.

Isaiah 1:31

As bee ny treanee myr barragh, as yn obbree myr drilleen, as nee ad ny-neesht lostey dy cheilley, as cha jean fer erbee ad y vooghey.

Psalmyn 132:17

Ny saggyrtyn eck nee’m y choamrey lesh slaynt: as gowee ny nooghyn eck boggey lesh arraneyn-moyllee.

Psalmyn 89:24

Bwoaill-ym sheese e noidyn kiongoyrt rish yn eddin echey: as nee’m adsyn y stroie ta feoh oc ersyn.

Lioar Yob 16:15

Ta mee er whaaley aanrit-sack er my chrackan, as ta my ooashley er ny choodaghey ’sy joan.

Deuteronomy 32:22

Son ta aile er vrishey magh ayns my yymmoose, nee lostey gys y diunid sodjey sheese, as ver eh mow yn thalloo, lesh e bishagh, as ver eh aile fo undinyn ny sleityn.

2 Recortyssyn 34:25

Er-yn-oyr dy vel ad er my hreigeil, as er hebbal incense da jeeghyn joarree, dy my vrasnaghey gys corree lesh ooilley obbraghyn nyn laueyn; shen-y-fa bee my yymmoose er ny gheayrtey magh er yn ynnyd shoh; as cha bee eh er ny vooghey.

Dobberan 1:13

T’eh er lhiggey aile veih niau ayns my chraueyn, as te goaill niart orroo: t’eh er skeayley ribbey roish my chassyn, t’eh er my hyndaa: t’eh er n’yannoo mee treigit as faiynt fey-ny-laa.

Dobberan 4:11

Ta’n Chiarn er chooilleeney e eulys, t’eh er gheayrtey magh dewilys e yymmoose, as er ghreesey aile ayns Zion, as t’eh er stroie ny undinyn eck.

Ezekiel 7:14

T’ad er heidey yn trumpet, eer son ooilley dy ve aarloo, agh cha vel fer goll magh gys y chaggey: son ta my yymmoose er y slane ymmodee jeu.

Ezekiel 13:13

Shen-y-fa, myr shoh ta’n Chiarn Jee dy ghra, Lhieg-yms eh dy jarroo lesh geay rastagh ayns my eulys, as bee deayrtey trome-liaghee ayns my yymmoose, as claghyn mooarey sniaghtee ayns eulys dy chur mow eh.

Nahum 1:6

Quoi oddys shassoo roish e eulys? as quoi oddys gymmyrkey fo elgys e yymmoose? ta e chorree deayrtit magh myr aile, as ta ny creggyn tilgit bun-ry-skyn liorishyn.