Dobberan 2:18 - Yn Vible Casherick 1775 1819

¹⁸ Lesh nyn gree deïe ad gys y Chiarn, O voalley inneen Zion, lhig da jeïr roie sheese myr thooilley, laa as oie: ny cur aash dhyt hene, chamoo lhig fea da clagh dty hooilley.

Dobberan 2:18 Iomraidhean Croise

Psalmyn 119:145

Ta mee geamagh lesh ooilley my chree: eaisht rhym, O Hiarn, freill-ym dty lattyssyn.

Dobberan 2:8

Ta’n Chiarn kiarit dy stroie voalley inneen Zion; t’eh er heeyney magh yn line towshan, cha vel eh er lhiettal e laue veih stroie: shen-y-fa hug eh er y chashtal as e voalley dy ghobberan; hie ad naardey dy cheilley.

Dobberan 1:16

Son ny oyryn shoh ta my hrimshey, ta my hooill, ta my hooill roie lesh ushtey, son dy vel gerjeyder m’annym foddey voym: my chloan’s ta treigit er-y-fa dy vel y noid er ghoaill niart orrym.

Jeremiah 9:1

O dy beagh my chione ny ushtaghyn, as my hooillyn farrane dy yeïr, dy voddin keayney oie as laa son cloan stroit inneen my phobble!

Psalmyn 119:136

Ta my hooillyn shilley lesh jeïr: er-yn-oyr nagh vel deiney freayll dty leigh.

Habakkuk 2:11

Son nee’n chlagh geamagh ass y voalley, as nee’n jeayst mastey’n fuygh freggyrt eh.

Hosea 7:14

As cha vel ad er ghoaill padjer hym veih nyn gree, tra v’ad gaccan er nyn lhiabbaghyn: t’ad chaglym cooidjagh son arroo as feeyn, as girree-magh m’oï.

Dobberan 1:2

T’ee keayney dy sharroo fud-ny-hoie, as ta jeïr er e gruaie: mastey ooilley e ainjyssee cha vel unnane dy gherjaghey ee, ta ny caarjyn eck er n’ghellal dy foalsey r’ee, t’ad er hyndaa dy ve e noidyn.

Jeremiah 14:17

Shen-y-fa jir oo ny goan shoh roo, Lhig da my hooillyn’s roie sheese lesh jeïr oie as laa, as ny lhig fea ’ve orroo: son ta brishey trome er jeet er y voidyn inneen my phobble, eer builley baaish.

Jeremiah 13:17

Agh mannagh n’eaisht shiu rish, nee m’annym’s dobberan ayns ynnydyn follit son y voyrn eu, as nee my hooill’s keayney dy sharroo, as roie sheese lesh jeïr, er-yn-oyr dy vel shioltane y Chiarn goit ersooyl ayns cappeeys.

Jeremiah 4:31

Son ta mee er chlashtyn coraa myr jeh ben er-troailt, as myr yn angaish ecksh ta cur y chied lhiannoo son y theihll; coraa inneen Zion, dobberan r’ee hene, skeayley magh e laueyn, as gra, ’Smerg dooys nish! son ta m’annym seaghnit kyndagh rish dunveryn.