Dobberan 2:12 - Yn Vible Casherick 1775 1819

¹² T’ad gra rish nyn moir, C’raad yiow mayd arran as feeyn? tra hie ad neeal myr guint ayns straïdyn yn ard-valley, tra gheayrt ad magh nyn annym ayns oghrish nyn moir.

Dobberan 2:12 Iomraidhean Croise

Ezekiel 30:24

As neem’s niartaghey roihaghyn ree Vabylon, as ver-ym my chliwe ayns y laue echeysyn: agh brish-ym roihaghyn Pharaoh, as nee eh soghal kiongoyrt rish, myr soghyn dooinney ta guint gy-baase.

Isaiah 53:12

Shen-y-fa ver-yms cronney da mastey ny mooaralee, as nee eh rheynn yn spooilley marish ny treanee; er-yn-oyr dy vel eh er gheayrtey magh e annym gys baase; as v’eh er ny earroo marish ny drogh-yantee: as dymmyrk eh peccaghyn ymmodee, as ren eh lhiasaghey son ny drogh-yantee.

Lioar Yob 30:16

Son nish ta my annym er ny gheayrtey magh cheu-sthie jee’m: ta laghyn my heaghyn er verraghtyn orrym.

Psalmyn 42:4

Nish tra ta mee smooinaghtyn er shoh, ta mee deayrtey magh my chree rhym pene: son hie mee marish y cheshaght, as hug mee lhiam adsyn mârym stiagh ayns thie Yee:

Psalmyn 62:8

O cur-jee nyn marrant er dy kinjagh, shiuish phobble: deayrt-jee magh nyn greeaghyn kiongoyrt rish; son ta Jee nyn dreishteil.

Jeremiah 5:17

As ee-ys ad seose yn troar ayd, as dty arran va kiarit son beaghey dty vec as dty inneenyn: nee ad gee seose dty hioltaneyn kirree as ollagh; nee ad gee seose messyn dty viljyn-feeyney as dty viljyn-figgagh: as dty ard-valjyn voallit, orroo v’ou cur dty varrant, ver ad naardey lesh y chliwe.

Dobberan 4:4

Ta chengey yn oikan er y cheeagh lhiantyn gys e ghruntyn trooid paays: ta’n chloan aegey geearree arran, as cha vel unnane dy hirveish eh orroo.

Isaiah 51:20

Ta dty vec er n’gholl neeal, t’ad nyn lhie ayns king ooilley ny straïdyn myr tarroo feïe ayns ribbey: t’ad lane dy eulys y Chiarn, jeh oghsan dty Yee.

Dobberan 1:11

Ta ooilley yn pobble er osnaghey, t’ad briaght son arran, t’ad er chur nyn gooid share son beaghey dy reayll bioys ayndoo: jeeagh orrym, O Hiarn, as cur geill, son s’beg y leigh t’oc orrym.