Dobberan 2:11 - Yn Vible Casherick 1775 1819

¹¹ Ta my hooillyn moal lesh jeïr; ta my chree seaghnit, ta my aane er ny gheayrtey magh er y thalloo, er coontey toyrt-mow inneen my phobble, er-yn-oyr dy vel yn chloan as ny oikanyn tuittym neeal ayns straïdyn yn ard-valley.

Dobberan 2:11 Iomraidhean Croise

Dobberan 1:20

Cur-my-ner, O Hiarn, son ta mee ayns êgin; ta my annym seaghnit aynym; ta my chree chyndaït cheu-sthie jee’m, son dy mooar ta mee er n’irree-magh: yn cliwe er feaï-ny-cruinney ta roostey, as cheu-sthie ny voallaghyn ta’n baase.

Dobberan 1:16

Son ny oyryn shoh ta my hrimshey, ta my hooill, ta my hooill roie lesh ushtey, son dy vel gerjeyder m’annym foddey voym: my chloan’s ta treigit er-y-fa dy vel y noid er ghoaill niart orrym.

Lioar Yob 16:13

Ta ny sideyryn echey er my chruinnaghey mygeayrt; t’eh scoltey my aaraghyn veih-my-cheilley gyn myghin erbee; t’eh deayrtey magh my ghall er y thalloo.

Jeremiah 4:19

My veeghyn, my veeghyn! ta mee guint, eer ec my chree; ta my chree jannoo feiyr cheu-sthie jee’m: cha voddym ve my host, son t’ou er chlashtyn, O my annym, sheean y trumpet, yn larm-caggee.

Isaiah 22:4

Er-y-fa shen dooyrt mee, Ny jeeagh-jee orrym; neem’s keayney dy sharroo, ny shir-jee dy my gherjaghey; er-yn-oyr dy vel ad er spooilley inneen my phobble.

Psalmyn 22:14

Ta mee deayrtit magh myr ushtey, as ta ooilley my chraueyn ass ynnyd: ta my chree neesht ayns mean my chorp eer myr kere ta lheïe.

Psalmyn 6:7

Ta my aalid er n’immeeaght lesh eer seaghyn: as er ny lheïe ersooyl kyndagh rish ooilley my noidyn.

Noo Luke 23:29

Son cur-my-ner, ta ny laghyn cheet, tra jir ad, Bannit ta ny mraane gennish, as ny breïnyn nagh ren gymmyrkey, as ny keeaghyn nagh dug bainney.

Jeremiah 44:7

Shen-y-fa nish, myr shoh ta’n Chiarn Jee ny flaunyssee, Jee Israel, dy ghra, Cre’n-fa ta shiu jannoo yn olk mooar shoh noi ny anmeenyn eu hene, dy stroie veue dooinney as ben, lhiannoo as oikan, veih Judah, nagh bee veg j’iu faagit;

Jeremiah 14:17

Shen-y-fa jir oo ny goan shoh roo, Lhig da my hooillyn’s roie sheese lesh jeïr oie as laa, as ny lhig fea ’ve orroo: son ta brishey trome er jeet er y voidyn inneen my phobble, eer builley baaish.

Jeremiah 8:19

Cur-my-ner, coraa accan inneen my phobble, kyndagh roosyn ta cummal ayns cheer foddey. Nagh vel y Chiarn ayns Zion? nagh vel y ree ecksh aynjee? cre’n-fa eisht t’ad er my vrasnaghey gys corree lesh nyn yallooyn grainnit, as lesh fardalyssyn joarree?

Psalmyn 69:3

Ta mee skee lesh geamagh, ta my scoarnagh chirrym: ta my hoilshey dy m’ailleil son farkiaght choud er my Yee.

Psalmyn 31:9

Cha vel oo er my yeigh seose ayns laue my noid: agh er hoiaghey my chassyn ayns boayl dy reamys.

1 Samuel 30:4

Eisht hrog David as y pobble va mârish seose nyn goraa, as cheayn ad, derrey nagh row pooar oc dy cheayney ny sodjey.

Isaiah 38:14

Myr eean coar, ny gollan-geayee, shen myr ren mee gaccan; ren mee cooagey myr calmane: ta my hooillyn failleil lesh jeeaghyn seose: O Hiarn, ta mee seaghnit; gow seose my chooish.

Lioar Yob 30:27

Ren my chree lostey cheu-sthie jee’m, as cha dooar mee fea; verr laghyn my heaghyn orrym.

Psalmyn 38:8

Ta mee moal, as guint dy trome: ta mee er yllaghey son eer angaish my chree.

Psalmyn 119:82

Ta my hooillyn farkiaght dy jeean son dty ghoo: gra, O cuin nee oo mish y gherjaghey?

Dobberan 5:17

Son shoh ta’n cree ain faiynt, son ny reddyn shoh ta ny sooillyn ain moal;

Isaiah 51:20

Ta dty vec er n’gholl neeal, t’ad nyn lhie ayns king ooilley ny straïdyn myr tarroo feïe ayns ribbey: t’ad lane dy eulys y Chiarn, jeh oghsan dty Yee.

Dobberan 1:11

Ta ooilley yn pobble er osnaghey, t’ad briaght son arran, t’ad er chur nyn gooid share son beaghey dy reayll bioys ayndoo: jeeagh orrym, O Hiarn, as cur geill, son s’beg y leigh t’oc orrym.