Dobberan 1:19 - Yn Vible Casherick 1775 1819

¹⁹ Deïe mee son my ghraihderyn, agh ren ad m’y volley: ta my haggyrtyn as my hanstyr er n’gholl dy baase ’syn ard-valley, choud as v’ad shirrey son beaghey, dy reayll ad bio.

Dobberan 1:19 Iomraidhean Croise

Dobberan 2:20

Cur-my-ner, O Hiarn, as smooinee quoi rish t’ou er n’yannoo shoh: jean ny mraane gee mess nyn gorp hene, as cloan jeh lhiurid reaish? Jed y saggyrt as y phadeyr er ny varroo ayns chiamble casherick y Chiarn?

Dobberan 1:11

Ta ooilley yn pobble er osnaghey, t’ad briaght son arran, t’ad er chur nyn gooid share son beaghey dy reayll bioys ayndoo: jeeagh orrym, O Hiarn, as cur geill, son s’beg y leigh t’oc orrym.

Dobberan 1:2

T’ee keayney dy sharroo fud-ny-hoie, as ta jeïr er e gruaie: mastey ooilley e ainjyssee cha vel unnane dy gherjaghey ee, ta ny caarjyn eck er n’ghellal dy foalsey r’ee, t’ad er hyndaa dy ve e noidyn.

Dobberan 5:12

Ta ny princeyn croghit liorish ny laueyn oc; cha ren ad soiaghey jeh eddin y chanstyr.

Dobberan 4:17

Er y hon ainyn, ta nyn sooillyn er vailleil trooid treishteil fardalagh nyn gooney: ayns nyn arrey yeeagh shin son ashoon, nagh voddagh sauail shin.

Jeremiah 30:14

Ta ooilley dty ghraihderyn er dty yarrood; cha vel nyn aigney hood: son ta mee er dty lhottey lesh lhott noidey, lesh smaghtaghey fer dewil, son mooadys dty vee-chairys; son dy row dty pheccaghyn ymmodee.

Jeremiah 2:28

Agh cre vel ny jeeghyn ayd’s ren oo dhyt hene? lhig dauesyn girree seose, my oddys ad oo y hauail ayns earish dty heaghyn: son corrym rish earroo dty ard-valjyn ta ny jeeghyn ayd’s, O Yudah.

Jeremiah 4:30

As tra t’ou er dty roostey, cre oddys oo jannoo? Ga dy vel oo coamrey oo hene lesh crimson, ga dy vel oo soiaghey magh oo hene lesh aalid airh, ga dy vel oo caghlaa cummey dty eddin lesh paint, ayns fardail t’ou soiaghey magh oo hene dy stoamey; nee dty gheiney-sooree beg y hoiaghey jeed, nee ad shirrey dty vioys.

Dobberan 1:1

Kys ta’n ard-valley va lane dy leih soie ny lhome-lomarcan! kys t’ee er jeet dy ve myr ben-treoghe! ish s’ooasle va mastey ny ashoonyn, as princess mastey ny rheamyn, kys t’ee er jeet dy ve fo keesh!