Dobberan 1:11 - Yn Vible Casherick 1775 1819

¹¹ Ta ooilley yn pobble er osnaghey, t’ad briaght son arran, t’ad er chur nyn gooid share son beaghey dy reayll bioys ayndoo: jeeagh orrym, O Hiarn, as cur geill, son s’beg y leigh t’oc orrym.

Dobberan 1:11 Iomraidhean Croise

2 Reeaghyn 6:25

As va gortey vooar ayns Samaria: as cur-my-ner, chruinnee ad eh cha chion shen, dy row kione assyl er ny chreck son kiare-feed peesh dy argid, as mysh punt dy arroo greddanit son queig peeshyn dy argid.

Lioar Yob 40:4

Cur-my-ner, ta mee my chretoor treih; cre t’aym dy reggyrt? lhie-ym my laue er my veeal.

Psalmyn 79:4

Ta shin er jeet dy ve nearey foshlit da nyn noidyn: eer craid as faghid dauesyn ta mygeayrt-y-mooin.

Jeremiah 15:19

Shen-y-fa myr shoh ta’n Chiarn dy ghra, My hyndaa-ys oo, eisht ver-ym lhiam oo reesht, as nee oo shassoo kiongoyrt rhym: as my scarrys oo yn mie veih yn sie, bee oo myr y beeal aym’s: lhig dauesyn chyndaa hood’s; agh ny chyndaa uss hucsyn.

Jeremiah 19:9

As ver-ym orroo gee feill nyn mec, as feill ny inneenyn oc hene, as dy n’ee ad dagh unnane feill e charrey, ’sy chaggey as ’sy chennid lesh nee nyn noidyn, as adsyn ta shirrey nyn mioys, ad y chruinnaghey stiagh.

Jeremiah 38:9

My hiarn yn ree, ta ny deiney shoh er n’yannoo dy olk ayns ooilley ny t’ad er n’yannoo rish Jeremiah yn phadeyr, t’ad er hilgey ayns y dungeon, raad t’eh goll eig lesh accyrys; son cha vel arragh dy arran ayns yn ard-valley.

Jeremiah 52:6

As ’sy chiarroo vee, er y nuyoo laa jeh’n vee, va’n ghortey trome ayns yn ard-valley, myr shen nagh row arran ayn son pobble y cheer.

Dobberan 1:8

S’mooar ta peccah Yerusalem er ve: t’ee er-y-fa shen er ny scarrey: ta adsyn ooilley v’ayns yn ammys eck soiaghey beg j’ee, son dy vel ad er vakin yn nearey eck: dy jarroo t’ee gosnaghey as chyndaa cooyl.

Dobberan 1:9

Ayns ny rumbyllyn eck ta broïd, cha ren ee smooinaghtyn cre’n erree harragh urree, shen-y-fa huitt ee dy yindyssagh, cha row gerjeyder eck: O Hiarn, cur-my-ner my heaghyn: son ta’n noid er voggyssagh harrym.

Dobberan 2:11

Ta my hooillyn moal lesh jeïr; ta my chree seaghnit, ta my aane er ny gheayrtey magh er y thalloo, er coontey toyrt-mow inneen my phobble, er-yn-oyr dy vel yn chloan as ny oikanyn tuittym neeal ayns straïdyn yn ard-valley.

Dobberan 2:12

T’ad gra rish nyn moir, C’raad yiow mayd arran as feeyn? tra hie ad neeal myr guint ayns straïdyn yn ard-valley, tra gheayrt ad magh nyn annym ayns oghrish nyn moir.

Dobberan 2:20

Cur-my-ner, O Hiarn, as smooinee quoi rish t’ou er n’yannoo shoh: jean ny mraane gee mess nyn gorp hene, as cloan jeh lhiurid reaish? Jed y saggyrt as y phadeyr er ny varroo ayns chiamble casherick y Chiarn?

Dobberan 5:1

Cooinee, O Hiarn, cre t’er jeet orrin, smooinee er, as cur-my-ner nyn oltooan.