Dobberan 1:10 - Yn Vible Casherick 1775 1819

¹⁰ Ta’n noid er skeayley magh e laue er ooilley’n chooid aalin eck: son t’ee er vakin dy vel ny ashoonee er n’gholl stiagh er yn ynnyd casherick eck, adsyn t’ou er churmal nagh darragh ad stiagh ayns dty agglish.

Dobberan 1:10 Iomraidhean Croise

2 Recortyssyn 36:18

As ooilley siyn thie Yee, mooar as beg, as tashtaghyn thie’n Chiarn, as tashtaghyn y ree, as e phrinceyn; ad shoh ooilley hug eh lesh gys Babylon.

Nehemiah 13:1

Er y laa shen lhaih ad ayns lioar Voses, ayns clashtyn y pobble, as ayn hooar ad scruit, nagh row yn Ammonite ny’n Moabite dy ve goit stiagh mastey pobble Yee, son dy bragh;

Isaiah 63:18

Cha row eh agh son traa giare eiraght dty phobble’s casherick: ta nyn noidyn er stampey sheese dty ynnyd casherick.

Jeremiah 15:13

Dty chooid as dty chowryn livrey-ym son spooilley nastee, as shen son ooilley dty pheccaghyn, eer ayns ooilley dty ardjyn.

Jeremiah 20:5

Ny-sodjey, livrey-ym ooilley niart yn ard-valley shoh, as ooilley yn cosney eck, as ooilley ny reddyn costal eck, as ooilley tashtaghyn reeaghyn Yudah livrey-ym gys laue nyn noidyn, nee ad y spooilley, as y ghoaill, as ver lhieu ad gys Babylon.

Jeremiah 27:19

Son myr shoh ta Chiarn dy heshaght flaunys gra mychione ny pillaryn, as yn aarkey prashey, as mychione ny binkyn, as mychione y chooid elley jeh ny siyn ta er-mayrn ’syn ard-valley shoh,

Jeremiah 27:21

Dy feer, myr shoh ta Chiarn ny flaunyssee, Jee Israel, dy ghra, mychione ny siyn ta er-mayrn ayns thie yn Chiarn, as ayns thie ree Yudah as Yerusalem;

Jeremiah 50:28

Yn coraa ocsyn ta er chosney roue, as er scapail veih cheer Vabylon, dy ockley magh ayns Zion kerraghey voish y Chiarn y Jee ain, yn cooilleen t’eh er ghoaill son e hiamble.

Jeremiah 51:51

Ta shin mow, er-y-fa dy vel shin er chlashtyn oltooan: ta nearey er choodaghey nyn eddin; son ta joarreeyn er jeet stiagh gys ynnydyn smoo casherick thie yn Chiarn.

Jeremiah 52:13

As losht eh thie yn Chiarn, as thie yn ree; as ooilley thieyn Yerusalem, as ooilley thieyn ny ard-gheiney, losht eh lesh aile.

Dobberan 1:7

Chooinee Jerusalem, ayns laghyn yn seaghyn as y treihys eck, er e cooid eunyssagh v’eck ayns y chenn earish, tra huitt e pobble ayns laueyn ny noidyn, cha row eck fer-coonee erbee, honnick e noidyn ee, as chraid ad mysh ny dooneeyn eck.

Ezekiel 44:7

Ayns dy vel shiu er chur lhieu joarreeyn chymmyltagh ayns cree, as chymmyltagh ayns callin stiagh ayns my ynnyd casherick, dy hollaghey eh, eer my hie hene, tra ta shiu chebbal my oural-arran, yn eeh, as yn uill, as t’ad er vrishey my chonaant, liorish ooilley nyn obbraghyn dwoaiagh.

Ezekiel 7:22

My eddin neem’s y hyndaa myrgeddin voue, as sollee ad my ynnyd’s smoo casherick: son hed roosteyryn stiagh ayn, as nee ad eh an-chasherick.

Ezekiel 9:7

As dooyrt eh roosyn, Lhieen-jee yn thie lesh broïd, as ny cooyrtyn lesh ny merriu: immee-jee magh: as hie ad magh, as varr ad ayns yn ard-valley.

Noo Mark 13:14

Agh tra hee shiu eajeeid y traartys, ta loayrit jeh liorish Daniel y phadeyr, ny hassoo raad nagh lhisagh eh, (eshyn ta lhaih, lhig da tastey ghoaill) eisht lhig dauesyn t’ayns Judea chea gys ny sleityn.

Deuteronomy 23:3

Cha bee Ammonite ny Moabite goit stiagh gys pobble y Chiarn; eer gys y jeihoo heeloghe cha bee ad goit stiagh gys cairys pobble y Chiarn son dy bragh.

Deuteronomy 23:4

Son nagh daink ad nyn guail er y raad lesh arran as ushtey, tra haink shiu magh ass Egypt, as son dy ren ad failley dt’oï Balaam mac Beor jeh Pethor ayns Mesopotamia, dy ghwee mollaght ort.