प्रकाशितवाक्य 9:18 - भटियाली नोआ नियम

¹⁸ इना उना मुसीबतां ला, जड़ियां घोड़यां दे मुआं ला निकलने बाली अग्ग, धुंआ, कने गन्धक थी, इना ला इक तिहाई लोक मारी दिते।

प्रकाशितवाक्य 9:18 Iomraidhean Croise

प्रकाशितवाक्य 8:10

तीजे स्वर्गदूते तुरही बजाई, कने इक बड़ा बडा तारा मशाला सांई बलया होया स्वर्गे ला टूटया, कने नदियाँ दे इक तिहाई हिस्से पर, कने ताजा पाणिऐ दे तलाबां पर जाई पिया।

प्रकाशितवाक्य 8:11

उस तारे दा नां कौड़ा है। इदिया बजा ला सै सारा इक तिहाई पाणी कोड़ा कने जरिला होई गिया, कने उस पांणिऐ जो पीणे बालयां दी मौत होई गेई।

प्रकाशितवाक्य 8:12

चौथे स्वर्गदूते तुरही बजाई, तां सूरजे दा इक तिहाई, चन्द्रमे दा इक तिहाई कने तारयाँ दे इक तिहाई पर कोई चीज टकराई, इसा बजा ला दिने दे इक तिहाई बकते दीकर सूरज नी चमकया कने चन्द्रमा कने तारे राती दे इक तिहाई बकते दीकर नी चमके।

प्रकाशितवाक्य 8:7

पेहले स्वर्गदूते तुरही बजाई कने खूने ला मिलयो ओले कने अग्ग पैदा होई, कने धरतिया पर पेई गे। इसा बजा ला धरतिया दा इक तिहाई हिस्सा फकोई गिया, कने रुखां दी इक तिहाई भी फकोई गे, कने सारा सेला घा भी फकोई गिया।

प्रकाशितवाक्य 8:8

दुज्जे स्वर्गदूते तुरही बजाई, तां इक अग्ग लगयो बड़े बड्डे पाड़े सांई कोई चीज समुंदरे च पेई गेई, कने इसा बजा ला समुंदर भी इक तिहाई हिस्सा खूने सांई होई गिया,

प्रकाशितवाक्य 8:9

कने समुंदरे च रेणेबाले इक तिहाई प्राणी मरी गे। इसला समुंद्रे दे इक तिहाई जाज खत्म होई गे।

प्रकाशितवाक्य 9:15

इस तांई तालू सै चारों शैताने दे दूत खोली दिते। सै पेहले ला ही तैयार थे कने उना जो बोलया था की इस मिने, इस दिन, इस साल तांई इतंजार करा कने हुण ऐ बकत आई गिया था। उना जो संसारे दे इक हिस्सा लोकां जो मारणा था।

प्रकाशितवाक्य 9:17

सै घोड़े कने उना दे सवार जिना जो मैं दर्शण च दिखया, सै उना दे रक्षा करणे बाले कवच अग्गी सांई लाल, गाड़ी नीली कने गंधक सांई पिली थी। घोड़यां दे सिर शेरां दे सिरा सांई लगदे थे, उदे मूऐ ला अग्ग, धुंआ कने गंधक निकला दे थे।

प्रकाशितवाक्य 9:19

पर उना घोड़यां बाल लोकां जो मारणे तांई दो लग चीजां थियां, पेली तां सै उना दे मुऐ ला निकलदी थी, दुज्जी उना दिया पुछां च थी। क्योंकि उना दियां पूंछा सप्पां सांई थियां, कने उना चे लोकां जो कटणे तांई सिर थे।