प्रकाशितवाक्य 2:27 - भटियाली नोआ नियम

²⁷ मैं उना जो राज्य करणे दा सेई हक देणा जियां मेरे पिता मिंजो दिता है। उना दा राज्य लोऐ सांई मजबूत होंणा जड़ा टूटदा नी है, उना दे दुशमणा टुटयो भांडया सांई होंणा।

प्रकाशितवाक्य 2:27 Iomraidhean Croise

मत्ती 11:27

मेरे पिते मिंजो सब कुछ दितया है, कने पिता दे बिना कोई पुत्रे जो नी जांणदा है, कने ना ही कोई पिता जो जाणदा है सिर्फ पुत्र ही है जड़ा पिता जो जाणदा है। कने जिना लोकां जो पुत्र चुणदा है उना लोकां ही पिता जो जाणना है।

लूका 22:29

कने जियां मेरे पिता मिंजो तांई इक राज्य दितया है, तियां ही मैं भी तुहाड़े तांई राज्य दिन्दा है।

यूहन्ना 17:24

पिता परमेश्वर, मैं चांदा है की जिना जो तू मिंजो दितयो है, जिथू मैं है, ओथु भी मेरे सोगी होन ताकि सै मेरिया उसा महिमा जो दिखन जड़ी तू मिंजो दितयो है, क्योंकि तू मिंजो संसारे दे बणने ला पेहले ला ही मिंजो ने प्यार रख्या है।

प्रकाशितवाक्य 12:5

तालू उना जनानिया जागते जो पैदा किता, पर उसयो अजगर नी खाई सकया क्योंकि उसयो झट खोई लिया कने परमेश्वरे दे सिहांसने सामणे लेई ओंदा। उनी जागते इक लोहे दे डंडे सोगी सारे देशां दे लोकां पर राज करणा।

प्रकाशितवाक्य 19:15

उदे मुंऐ ला इक पैनी तलवार निकली जिसला उनी देशां जो हराई देणा। जड़ा उदे अधिकारां जो नी अपनांदा उनी उना जो पुरे तरीके ला सजा देंणी। उनी सारयां ला शक्तिशाली परमेश्वरे दे भयंकर गुस्से जो इयां ही छडी देणा जियां इक रस्सकुंड ला अंगूरा दा रस्स निकलदा है।