प्रकाशितवाक्य 18:2 - भटियाली नोआ नियम

² उनी जोरे ला पुकारी करी बोलया, “बाबेल देश दा सर्वनाश होई गिया! बड्डे बाबेल देश दा सर्वनाश होई गिया।” कने सै बुरियां आत्मा दा घर, कने हर इक अशुद्ध आत्मा दा अडा, कने हर इक अशुद्ध कने बुरे पंछियां दा अडा होई गिया।

प्रकाशितवाक्य 18:2 Iomraidhean Croise

प्रकाशितवाक्य 1:15

उदे पैर पीतलू सांई चमका दे थे, जियां पितलू जो भटिया च तपा दे होन, कने जालू उनी बोलया तां उदी अबाज बड़ी जोर दी थी, जियां केई झरनया ला पाणी पोणे दी अबाज होंदी है।

प्रकाशितवाक्य 10:3

उनी स्वर्गदूते जोरे ला पुकारया कने उदी अबाज शेरे दे गर्जणे सांई थी। जालू सै चीखया, तां सत्त तेज अबाजां उसयो जबाब दिता, जड़ी गड़ाकयां दिया अबाजा सांई थियां।

प्रकाशितवाक्य 11:8

कने उना दियां लाशां बडे शेहर यरूशलेमे दियां सड़कां पर रेंणियां न, जिथू उना दा प्रभु भी सूली पर चढ़ाया था। इस शेहरे जो निशाण दे रुपे च सदोम कने मिस्र देश बोलदे न। क्योंकि इस शेहरे दे लोक सदोम कने मिस्र देशे दे रेणे बालयां लोकां सांई बड़े बुरे थे।

प्रकाशितवाक्य 14:15

तालू ही फिरी इक होर स्वर्गदूत परमेश्वरे दा संदेश लेईकरी स्वर्गे दे मंदरे ला बार आया, ऐ चौथा स्वर्गदूत था। उनी बदले पर बैठयो माणुऐ जो जोर देईकरी बोलया, “धरतिया दी फसल तैयार है, फसला जो बडणे दा बकत आई गिया है। इस तांई अपणी दराटी चला कने फसला दी बडाई कर।”

प्रकाशितवाक्य 14:8

ओथु इक होर स्वर्गदूत था जड़ा पेहले दे पिच्छे आया कने बोलया, “बाबेल देश दा सर्वनाश होई गिया! बड्डे बाबेल देश दा सर्वनाश होई गिया! बाबेल देशे सारिया माणुआं दिया जातिया जो अपणिया शराबा दे नशे च दूत करी दिता, उदा बड़ा ही बुरा व्यवहार ऐ है जड़ा उनी सारिया धरतिया कने माणुआं दिया जातिया जो सिखाया क्योंकि उनी उना जो मूर्तिपूजा करणा सिखाया।”

प्रकाशितवाक्य 16:13

कने मैं इदे बाद तिन बुरी आत्मा जो दिखया जड़ियां दिखणे च मेंढके सांई थियां। इक उस अजगरे दे मुऐ ला बार आई, कने दुज्जी पेहले जानवरे दे मुऐ ला बार आई कने तीजी उस दुज्जे जानवरे दे मूऐ ला बार आई जिनी झूठा संदेश दितया था।

प्रकाशितवाक्य 16:19

इसला बाबेल दा सै बड्डा शेहर तिन हिस्सयां च बंडूई गिया। क्योंकि परमेश्वरे अपणा वायदा पूरा किता जड़ा उनी बाबेल शेहरे दे लोकां जो सजा देंणे दे बारे च कितया था। इसयो परमेश्वरे बड़ी कठोर सजा देंणी। ऐ इयां ही होणा जियां उना बिना पांणी पायो शराब पि लियो है, जिसया परमेश्वरे अपु गलासे च पाया है, जड़ा उदे गुस्से जो दसदा है।

प्रकाशितवाक्य 17:5

कने उसा दे मथे पर इक ना लिखया था जिदा इक गुप्त मतलब है, “मैं महान शेहर बाबेल है। मैं सारियां बेश्यां दी मां है कने संसारे दे सारे बुरे कम्मा दा जरिया है।”

प्रकाशितवाक्य 18:10

कने सै उसा सजा ला डरदे न जड़ा उसा जो पीड़ दिन्दा है, बड्डे शेहर, बाबेल। हे मजबूत शेहर, हाय। हाय। थोड़े दे बकत च, परमेश्वरे तेरा न्याय करी दिता कने सजा दिती।

प्रकाशितवाक्य 18:21

फिरी इक जोरे बाले स्वर्गदूते बडिया चक्किया दे चक्के दे बराबर इक पथर चुकया, कने ऐ बोली करी समुंदरे च सुटी दिता, “जियां इस पथरे जो समुंदरे च फेंकदे न,” कने सै दोबारा नी मिलदा है, तियां ही सै महान शेहर बाबेल भी इक ही बरी च खत्म होई जाणा, कने दुबारा नी बणाणा।

प्रकाशितवाक्य 5:2

फिरी मैं इक शक्तिशाली स्वर्गदूते जो दिखया कने सै जोरे-जोरे ला ऐ प्रचार करा दा था की, “इसा कताबा जो खोलने दे कने इसा दियां मोहरां जो तोड़ने दे काबील कुण है?”