प्रकाशितवाक्य 18:12 - भटियाली नोआ नियम

¹² उना दा माल केईयां तरा दा था। उदे च सोना, चांदी, रतन, मोती थे। उदे च बड़े छेल कने मेंगे धागे चमकीले लाल बैंजणी, रेशमी, कपड़े दे बणायो थे। उदे च खुशबुदार लकड़िया ला बणियां चीजां, हाथिये दे दंदा ला बणियां चीजां थियां, होर भी बाकी चीजां थियां जड़ियां मेंगी लकड़िया या पीतलू, लोहा, या संगमरमर दियां बणियां थियां,

प्रकाशितवाक्य 18:12 Iomraidhean Croise

प्रकाशितवाक्य 17:3

तालू स्वर्गदूत मिंजो पबित्र आत्मा दिया सहायता ला सुनसान जगा च लेई गिया, आत्मा मिंजो अपणे काबू च लेई लिया, कने मैं ओथु इक जनानिया जो दिखया जड़ी इक लाल रंगे दे जानवरे पर बेठियो थी, जिसादे सत्त सिर कने दस सिंग थे। उदा शरीर परमेश्वर दे खिलाफ लिखयो ना ला भरुया था।

प्रकाशितवाक्य 17:4

इना जनानिया बैंगणी, कने लाल रंगे दे कपड़े पायो थे। उना अपणे शरीरे जो सोने दे मेंगे मणियां कने मोतियां ला सजाया था। कने उसा दे सज्जे हथे च शराबा ला भरुया सोने दा गलास पकड़या था, जड़ा उसा दे बुरे कम्मा कने गंदे यौन कम्मा जो दसदा है।

प्रकाशितवाक्य 18:15

इना चीजां दे व्यपारी जड़े उदे जरिये अमीर होई गियो थे, उसा दी पीड़ा दे डरे ला उना दूर खड़ोणा कने रोंदे-रोंदे बोलणा,