प्रकाशितवाक्य 12:6 - भटियाली नोआ नियम

⁶ कने सै जनानी उसा सुनसान जगा जो नठी गेई, जड़ा परमेश्वरे उस तांई तैयार कितया था ताकि सै ओथु इक हजार दो सो सठ दिनां दीकर पली सके।

प्रकाशितवाक्य 12:6 Iomraidhean Croise

मत्ती 4:11

तालू शैतान उदे बखे ला चली गिया, कने स्वर्गदूत आई करी यीशुऐ दी सेबा करणा लग्गे।

प्रकाशितवाक्य 12:14

पर परमेश्वरे उसा जनानिया जो बाजे दे दो फंग दितयो थे, ताकि सै उड़ी करी सुनसान जगा च जा जड़ी उसा तांई तैयार कितियो था। कने ओथु उसा दी साडे तिन्ना सालां दीकर देखभाल किती ताकि अजगर उसा दीकर ना पुज्जी सके।

प्रकाशितवाक्य 12:4

कने उदिया पूंछा अम्बरे दे इक तिहाई तारयां जो खिची करी धरतिया पर सुटी दिता, सै अजगर उसा जनानिया दे सामणे जाई खड़ोता, ताकि जालू सै बच्चा जम्मे तां उसा दे बच्चे जो खाई जा।

प्रकाशितवाक्य 13:5

परमेश्वरे उस जानवरे जो अपणे बारे च बड़ाई कने परमेश्वरे दी बुराई करणे दा हक दिता। कने परमेश्वरे उसयो बयाली मिनयां दीकर ऐ हक रखणे दा हुकम दिता।

प्रकाशितवाक्य 17:3

तालू स्वर्गदूत मिंजो पबित्र आत्मा दिया सहायता ला सुनसान जगा च लेई गिया, आत्मा मिंजो अपणे काबू च लेई लिया, कने मैं ओथु इक जनानिया जो दिखया जड़ी इक लाल रंगे दे जानवरे पर बेठियो थी, जिसादे सत्त सिर कने दस सिंग थे। उदा शरीर परमेश्वर दे खिलाफ लिखयो ना ला भरुया था।