प्रकाशितवाक्य 12:10 - भटियाली नोआ नियम

¹⁰ फिरी मैं स्वर्गे ला ऐ जोरे ला अबाज सुणी, हुण साड़े परमेश्वरे अपणे लोकां जो बचाणा! हुण उनी अपणिया शक्तिया दा इस्तेमाल करणा कने राजे दे रुपे च राज करणा! हुण उदे मसीहे संसार पर अपणे अधिकारे दा दाबा करणा! हुण शैताने साड़े परमेश्वरे दिया हजुरी च खड़ोई करी साड़े साथी सेबकां पर दिन रात दोष नी लाणा, क्योंकि उसयो स्वर्गे ला बार फेंकी दितया है!

प्रकाशितवाक्य 12:10 Iomraidhean Croise

मत्ती 26:64

यीशुऐ उसयो बोलया, “उनी अपु मन्नी लिया; कने मैं, माणुऐ दा पुत्र तुसां ने ऐ भी बोलदा है, कि हुण तुसां माणुऐ दे पुत्रे जो सर्वशक्तिमान दे सजे पासे बैठया, कने अम्बरे दे बदला पर ओंदे दिखणा है।”

मत्ती 28:18

यीशुऐ उना बाल आई करी बोलया, स्वर्ग कने धरतिया दा सारा हक मिंजो दितया है।

मत्ती 6:10

सारे माणुआं पर तू राज्य करे। जियां तेरी इच्छा स्वर्गे च पुरी होंदी है, तियां ही धरतिया च भी पूरी होऐ।

लूका 11:2

यीशुऐ उना ने बोलया, तुसां इस तरीके ने प्राथना करणा चाइदी की: है साड़े पिता परमेश्वर, जड़ा तू स्वर्गे च है; तेरा ना सारे लोकां च पबित्र मनया जा, कने तेरा राज्य सांझो च ओऐ।

लूका 22:31

“शमौन, हे शमौन, दिख, शैताने तुसां लोकां जो परखणे तांई परमेश्वर ला आज्ञा मंगी लियो है, कि भलाई जो बुराई ला बख करणा जियां किसान कणका ला भुऐ जो बख करदा है।

1 कुरिन्थियों 5:4

कने तुहांजो ऐसा करणा चाईदा की तुसां सारे भरोसा करणे बाले होणे दे नाते गिठे होन, ऐ जाणदे होऐ की तुहाड़े बाल असल च साड़े प्रभु यीशु मसीह दा हक है।

2 कुरिन्थियों 12:9

कने उनी मिंजो ने बोलया, “मेरा अनुग्रह तेरे तांई काफी है; क्योंकि मेरी शक्ति कमजोरिया च सिद्ध होंदी है।” इस तांई मैं बड़िया खुशिया ने अपणियां कमजोरियां पर घमंड करणा है, ताकि मसीह दी शक्ति मिंजो मिलदी रे।

तीतुस 2:3

कने इयां ही बजुर्ग जनानिया दे चाल चलण कने जड़ा सै करदियां न उसला प्रभु जो इज्जत मान मिल्ले, दोष नी लाणे बालियां होन, कने शराबी नी होन, कने दुज्जयां जो खरियां गल्लां सिखाणे बालियां होन।

1 पतरस 5:8

ध्यान रखा, कने जागदे रिया, क्योंकि शैतान तुहाड़ा दुशमण तुहांजो पर हमला करणा चांदा है, ताकि तुसां परमेश्वरे दे हुकमा जो नी मनन। सै धहाड़ने बाले शेरे सांई फिरदा कने दिखदा रेंदा है की कुसयो खाई सके।

प्रकाशितवाक्य 11:15

जालू सतमे स्वर्गदूते तुरही बजाई, तां मैं स्वर्गे ला तेज अबाजां जो पुकारदे सुणया: “संसारे च हुण होर कोई नी है जड़ा राज करे, सिर्फ साड़ा परमेश्वर कने उदा चुणया मसीहे राज करणा कने उनी हमेशा तांई राज करणा।”

प्रकाशितवाक्य 2:26

सै लोक जड़े बुराईया जो हराई दिन्दे न, कने संसारे दे अंत दिकर मेरे हुकम मंदे रेंदे न, मैं उना जो देशां पर राज्य करणे दा हक देणा।

प्रकाशितवाक्य 7:10

कने जोरे ला पुकारी करी बोला दे थे, “साड़े परमेश्वरे दी स्तुति हो, जड़ा सिंहासने पर बैठया है, कने छेलुऐ दी जै-जै कार करा! सिर्फ तू ही है जड़ा उद्धार करदा है।”