लूका 19:5 - भटियाली नोआ नियम

⁵ जालू यीशु उसा जगा पर पुज्जा जिथू जक्कई था, तां यीशुऐ उपरे पासे दिखीकरी बोलया, हे जक्कई, झट उतरी आ; क्योंकि अज मिंजो तेरे घरे रेंणा जरूरी है।

लूका 19:5 Iomraidhean Croise

लूका 19:10

“क्योंकि मैं, माणुऐ दा पुत्र गवाचयां जो तोपणा कने उना जो अनन्त सजा ला बचाणे तांई आया है।”

लूका 19:2

कने दिखा, जक्कई नाऐ दा इक माणु था जड़ा चुंगी लेणेबालयां दा सरदार कने अमीर था।

लूका 19:4

तालू सै उसयो दिखणे तांई अग्गे दोड़ी करी इक गूलर दे रुखे पर चढ़ी गिया, क्योंकि यीशु उसी रस्ते ला जाणे बाला था।

लूका 19:6

सै झट रुखे ला उतरया कने यीशुऐ जो खुशिया ने अपणे घरे जो लेई गिया, कने खुशिया सोगी उदा स्वागत किता।

यूहन्ना 1:48

नतनएले यीशुऐ जो बोलया, “तू मिंजो कियां जाणदा है?” यीशुऐ उसयो जबाब दिता, फिलिप्पुसे तिजो जालू सदया, उसला पेहले जालू तू अंजीरे दे रुखे थले था, तालू मैं तिजो दिखया था।

यूहन्ना 14:23

यीशुऐ उसयो जबाब दिता, मैं अपणे आपे जो ऐसे लोकां जो दसदा है जड़े कोई मिंजो ने प्यार करदे न, कने मेरियां सिखाईयां गल्लां जो मंदे न। कने मेरे पिता उसने प्यार रखणा कने असां आई करी उदे सोगी रेणा है।

2 कुरिन्थियों 6:1

परमेश्वरे सोगी कम्म करणे बाले होणे दिया बजा ला असां तुसां ने बिनती करदे न, की परमेश्वरे दा अनुग्रह जड़ा तुसां पर होया है, उसयो तुसां बेकार मत जाणा दिया।

इफिसियों 3:17

भरोसे दे जरिये मसीह तुहाड़े अंदर बसे। मैं प्राथना करदा है की परमेश्वर कने तुहाड़ा इक दुज्जे तांई प्यार तुहांजो मजबूत बणाऐ कने तुहांजो पोंणे ला बचाये।

इब्रानिया 13:2

अजनबी लोकां दी भी इज्जत कने खातिरदारी करदे रिया, क्योंकि ऐसा करणे ला केईयां लोकां अनजाणे च स्वर्गदूतां दी इज्जत कने खातिरदारी कितियो है।

प्रकाशितवाक्य 3:20

मैं तुहाड़े दिले च बसणे तांई, मैं उस बंदे सांई है जड़ा घरे बाहर खड़ोतया है कने दरबाजे जो खटखटा दा है। अगर तुसां मेरिया अबाजा जो सुणदे न कने मेरे तांई अपणा दिल खोलदे न तां मैं अंदर ओंणा कने असां इक दुज्जे सोगी संगती करणी।