इब्रानिया 5:3 - भटियाली नोआ नियम

³ इक महायाजक होणे दे नाते उसयो अपणे पापां जो कने लोकां दे पापां जो दूर करणे तांई बलियां चढ़ाणियां चाईदियां।

इब्रानिया 5:3 Iomraidhean Croise

1 कुरिन्थियों 15:3

इसा बजा ला मैं तुहांजो सारयां ला जरूरी संदेश दसया, जड़ा मिंजो प्रभु यीशु मसीह ला मिलया। कने सै संदेश ऐ है पबित्र शास्त्रे दे बचने अनुसार यीशु मसीह साड़े पापां तांई मरी गिया।

इब्रानिया 10:12

पर यीशु मसीहे साड़े पापां दी माफी तांई अपणे आप जो परमेश्वरे सामणे इक ही बरी कने हमेशा तांई बलिदान करी दिता कने। सै परमेश्वरे दे सजे पासे कने सिंहासने पर सारयां ला जादा इज्जता बालिया जगा च हमेशा तांई जाई बैठा।

इब्रानिया 7:27

कने सै महायाजक जड़े हारून दे बंशे दे थे, उना सांई यीशुऐ तांई जरूरी नी है, की सै पेहले अपणे पापां कने फिरी लोकां दे पापां तांई बलिदान चढ़ाऐ; क्योंकि यीशुऐ तां इक बरी सारे लोकां तांई अपणे आपे जो बलि चढ़ाई दितया।

इब्रानिया 9:7

पर दुज्जे कमरे च मतलब की उस बड़ी पबित्र जगा च सिर्फ महायाजक साले च इक ही बरी जांदा था। कने सै अपणे सोगी जानवरां दे खूने जो लेई जांदा था, जिसयो सै अपणे तांई कने लोकां दे अनजाणे च कितयो पापां दी माफी तांई चढ़ांदा था।