गलातियों 4:12 - भटियाली नोआ नियम

¹² हे मसीह भाईयो, मैं तुहांजो ने बिनती करदा है, तुसां सियुदा ही व्यवहार करा जदिया व्यवहार मैं करदा है, क्योंकि मैं व्यवस्था ला तियां ही अजाद है जियां तुसां होर जाति दे लोक न; तुसां मेरी अच्छे ने देखभाल किती।

गलातियों 4:12 Iomraidhean Croise

प्रेरितां दे कम्म 21:21

कने कुछ लोकां उना यहूदियां जो दसया जिना दा तेरे बारे च ऐ विशवास है, कि तू होर जातियां च रेणेबाले यहूदियां जो मूसा दी व्यवस्था जो छडी देणे तांई सिखांदा है, कने बोलदा है, कि ना बचयां दा खतना करा कने ना ही इना यहूदी रिती-रिबाजां पर चला।

2 कुरिन्थियों 2:5

अगर कोई दुखे दी बजा है, तां सै ऐ की जिनी माणुऐ ऐ सारियां परेशानियां खड़ियां कीतियां, उनी मिंजो दुखी करणे ला जादा तुसां सारयां जो दुखी किता है। मैं इदे बारे च इसला जादा होर कुछ नी बोलणा चांदा।

2 कुरिन्थियों 6:11

हे कुरिन्थुस शेहर दे मसीह लोको, असां खुली करी तुसां जो सच्चियां गल्लां बोलदे न, असां पुरे दिले ला तुहांजो प्यार करदे न।

2 कुरिन्थियों 6:13

पर अपणे बाल बच्चे समझीकरी मैं तुहांजो बोलदा है, की तुसां भी साड़े प्यार दे बदले च साड़े सोगी पुरे दिले ला प्यार करा।

गलातियों 2:14

पर जालू मैं दिखया, की उना दा चाल चलण सियुदा नी है, जदिया शुभसमाचार सिखांदा है, तालू मैं सारयां सामणे पतरसे जो फटकार लाईकरी बोलया, “तू इक यहूदी होईकरी भी, होर जातियां दे रीती रबाजां जो मन्ना दा है,” कने यहूदियां दे रीती रबाजां जो नी मन्ना दा है, अगर तू इक यहूदी होईकरी ऐसा कितया है। तां तू फिरी होर जातियां जो असां यहूदियां दे रीती रबाजां जो मनणे तांई कजो मजबूर करदा है?

गलातियों 4:11

जड़ा कुछ तुसां करा दे न उदिया बजा ने चिंता करा दा है, की तुहाड़े बिच सेबा कितियो है सै बेकार ना होई जाऐ।

गलातियों 4:13

पर तुहांजो याद होणा, ऐ इक बिमारिया दिया बजा ला था कि मैं पैली बरी तुहाड़े बाल शुभसमाचार दा प्रचार करणा आया।

गलातियों 6:14

अगर मैं घमंड करदा तां मैं इसा गल्ला पर घमंड करदा की साड़ा प्रभु यीशु मसीह साड़े तांई सूली पर मरया। जड़ा कुछ भी उनी कितया है, उदी बजा ने संसार दियां कुसी भी चिजा दा बश नी रिया, कने मिंजो च हुण धरती दे कम्मा जो करणे दी कोई इच्छा नी है।

गलातियों 6:18

हे मसीह भाईयो, मैं प्राथना करदा है की साड़े प्रभु यीशु मसीह दा अनुग्रह हमेशा तुसां सबना पर होंदा रे। आमीन।