प्रेरितां दे कम्म 2:11 - भटियाली नोआ नियम

¹¹ मतलब की क्या यहूदी, कने क्या ही होर जातियां दे लोक जिना यहूदी धर्म अपनाई लिया था, क्रेती टापू दे लोक कने अरबी देश दे लोक भी न, पर अपणिया-अपणिया बोलिया च उना ला परमेश्वरे दे चमत्कारी कम्मा दी चर्चा सुणदे न।

प्रेरितां दे कम्म 2:11 Iomraidhean Croise

1 कुरिन्थियों 12:10

पबित्र आत्मा कुसी जो चमत्कार करणे दी शक्ति दिन्दी; कने कुसी जो परमेश्वरे दा संदेश देणे दा बरदान दिन्दी, कने कुसी जो ऐ परखणे दी समझ दिन्दी की पबित्र आत्मा दिया तरफा ला कने बुरियां आत्मा दिया तरफा ला मिलणे बाले बरदाना च क्या फर्क है। कने कुसी जो लग-लग भाषा बोलणे दा बरदान दिन्दी, जड़ी उना कदी नी सिखियो हो; कुसी जो इना भाषा दा मतलब दसणे दा बरदान दिन्दी।

इब्रानिया 2:4

कने जालू भी परमेश्वरे दी इच्छा होई तालू उनी चिन्न कने लग-लग चमत्कारां जरिये कने पबित्र आत्मा दे जरिये लोकां जो बरदान देईकरी इस उद्धार दे संदेश जो साबित किता है।

तीतुस 1:12

उना चे ही इकी माणुऐ जड़ा क्रेते टापू ला है, जिसयो सै अकलमंद माणु मंदे न, उनी ही बोलया है, “क्रेते टापू दे लोक हमेशा झूठ बोलदे न, सै डंगरा सांई बर्ताब करदे न, कने आलसी कने खान्दू लोक न।”

तीतुस 1:5

मैं इस तांई तिजो क्रेते टापू च छडी आया था, ताकि तू ओथु पर साड़े बचयो कम्मा जो पूरा करी सके, कने क्रेते टापू दे हर इक शेहरे च अगुवां जो नियुक्त करे, जियां करणे तांई तिजो मैं हुकम दितया है।

प्रेरितां दे कम्म 27:12

कने ऐ शुभलंगरबारी बन्दरगाह सर्दियां कटणे तांई खरी नी थी; इस तांई मतयां दा बिचार होया कि ओथु ला अग्गे चली करी कुसी तरिके ला होई सके तां फिनिक्स बन्दरगाह च पुज्जी करी सर्दियां कटन। ऐ तां क्रेते टापू दी इक बन्दरगाह है जिसा दा दरबाजा दक्षिण-पश्चिम कने उत्तर-पश्चिम दिशा च है।

प्रेरितां दे कम्म 27:7

असां बड़े रोजा दीकर बले-बले यात्रा किती। साड़ा कनिदुस शेहरे दीकर पुजणा मुशकिल होई गिया था क्योंकि होआ उल्टी दिशा च चलिया थी, इस तांई असां क्रेते टापू दिया आड़ा चे, सलमोने दे इक छोटे दे टापू दे बखे ला होईकरी अग्गे बदे।

गलातियों 4:25

हाजिरा सीनै पहाड़ जो द्रशांदी है जड़ा अरब देश च है। सै अज दे यरूशलेम शेहर सांई है जिदे लोक अपणे बच्यां समेत मूसा दिया व्यवस्था दे गुलाम न।

गलातियों 1:17

कने ना ही जड़े मिंजो ला पेहले प्रेरित थे, उना जो मिलणे तांई यरूशलेम गिया, पर झट अरब नाऐ दे इलाके जो चली गिया, कने फिरी ओथु ला दमिश्क शेहरे च दुबारा बापिस आई गिया।

1 कुरिन्थियों 12:28

कने मसीह दे इस शरीरे च जड़ी कलीसिया है, परमेश्वरे लग-लग लोकां जो लग-लग कम्म दितया है। पेहले सै लोक जड़े उदे प्रेरित न, दुज्जे परमेश्वरे दे संदेश देणेबाले, तीजे सै लोक न जड़े सिखांदे न। उदे बाद सै लोक न जिना जो उनी चमत्कार करणे दा हक दितया है, कने सै लोक न जिना जो लोकां जो ठीक करणे दा हक दिता, फिरी सै न जिना जो दुज्जयां दी सहायता करणे दी ताकत मिलियो, फिरी सै न जड़े अगुवे न, फिरी सै न जिना जो पबित्र आत्मा जरिये लग-लग भाषा बोलणे दा बरदान मिलया, जड़ियां उना कदी सिखियां नी थियां।

प्रेरितां दे कम्म 2:10

कने फ्रूगिया कने पंफूलिया कने मिस्र देश कने लीबिया देशे कुछ इलाकयां दे न। जड़े कुरेने शेहर दे बखे न, कने इना सारे देशां दे रेणेबाले कने रोम शेहर ला ओणे बाले लोक,

प्रेरितां दे कम्म 2:12

कने सै सारे हेरान होए, कने उना जो समझ नी ओआ दा था की क्या होआ दा है।

प्रेरितां दे कम्म 27:13

जालू थोड़ी-थोड़ी दक्षिण होआ चलणा लग्गी, तां उना सोचया की उना दी योजना पूरी करणे तांई ठीक बकत है, इस तांई उना लंगर चुकया कने क्रेते टापू दे किनारे ला होंदे होऐ अग्गे बदणा लग्गे।