1 पतरस 5:5 - भटियाली नोआ नियम

⁵ इयां ही तुसां जवान लोकां जो बुड्डे मर्दां दे हुकम मनणा चाईदे। तुसां सारयां जो प्यारभाव ला इक दुज्जे दी सेबा करणी चाईदी, क्योंकि पबित्र शास्त्र च लिख्या है की, “परमेश्वर घमण्डियां दा बिरोध करदा है, पर नम्र लोकां तांई भला है।”

1 पतरस 5:5 Iomraidhean Croise

लूका 22:26

पर तुसां ऐ दे मत बणदे; नितां जड़ा तुसां चे बडा है, सै छोटे दे बराबर कने जड़ा सबते बड्डा है सै सेबक दे बराबर बणे।

रोमियो 12:10

परिबारे सांई इक दुज्जे ने प्यार करा; अपु चे इकी दुज्जे दी इज्जत बदीकरी करा।

रोमियो 13:14

पर प्रभु यीशु मसीह तुहाड़ा कवच बणी जा, ताकि तुहाड़ी रक्षा करी सके, कने पापी सभाब दियां इच्छां जो पूरा करणे दी कोशिश मत करा।

इफिसियों 5:21

असां मसीह तांई श्रदा कने भक्ति रखणे दिया बजा ने इक दुज्जे दे अधीन रिया।

फिलिप्पियों 2:3

मतलब कने घमंड सोगी कुछ मत करा, पर दीनता ला इक दुज्जे जो अपणे ला खरा समझा।

कुलुस्सियों 3:12

इस तांई परमेश्वर तुहांजो प्यार करदा है कने उनी तुहांजो अपणे पबित्र लोक होणे तांई चुणया है, इस तांई तुसां लोकां जो, करुणा, भलाई, दीनता, कने नम्रता, कने सेहनशीलता बाला बणना चाईदा।

1तीमुथियुस 5:1

कुसी भी सियांणे माणुऐ दी बेजती करणे दे इरादे ने मत झिड़कां दिन्दे; उसयो इज्जता ने समझा जियां की सै तेरा अपणा पिता है, कने अपणे ला छोटयां जो इयां समझा जियां की सै तेरा अपणे भाई है;

इब्रानिया 13:17

अपणे अगुवां दा हुकम मन्ना, कने उना दे अधीन रिया, क्योंकि तुहाड़ियां आत्मा दी रखबाली करणा उना दा कम्म है, उना जो तुहाड़े बारे च परमेश्वरे जो लेखा देणा पौणां है। तुसां उना दी मन्ना ताकि सै इस कम्मे जो खुशिया ला करन, ना की दुखी होईकरी, क्योंकि दुखी होईकरी सेबा करणे दा कोई फायदा नी होणा।

याकूब 4:6

पर परमेश्वर सांझो होर भी जादा अनुग्रह दिन्दा है ताकि असां बुरियां इच्छां दे खिलाफ खड़े होई सकन, इस बजा ला पबित्र शास्त्र च ऐ भी लिखया है कि, “परमेश्वर घमंडियां दा बिरोध करदा है, पर दीन लोकां पर अनुग्रह करदा है।”

1 पतरस 3:8

आखरी च, मैं तुसां सारयां ला ऐ बोलणा चांदा है की, तुसां सारयां दा इक ही मन होंणा चाईदा कने इक दुज्जे सोगी प्यारभाव ला रिया कने घमंड मत करा कने नम्र बणा।

1 पतरस 4:1

इस तांई जियां मसीहे शरीरे च रेईकरी दुख सेहन किता, तुहांजो भी उस सांई ही दुख सेहन करणे तांई तैयार रेंणा चाईदा। क्योंकि अगर तुसां मसीह तांई दुख सेहन करणे तांई तैयार न, तां तुसां पाप नी करणे दा फेसला करी लिया है।

1 पतरस 4:5

पर इक दिन जरुर उना परमेश्वरे दे सामणे न्याय तांई खड़े होणा, कने परमेश्वरे उना ला हर इक कम्मे दे बारे च पूछणा जड़ा उना धरती पर कितया। परमेश्वरे जिन्दे कने मरयो दोनों लोकां दा न्याय करणा।