فیلیپی 4:8 - ئنجیلا پیرۆز

⁸ ل دویماهیێ گەلی خویشك و برایان، هەر تشتێ راستی، هەر تشتێ بڕێز، هەر تشتێ دادپەروەر، هەر تشتێ پاك، هەر تشتێ دلڤەكەر، هەر تشتێ ناڤودەنگەكێ باش هەی، چ ئەو تشت قەنجی بیت، یان ژی تشتەكێ هەژی پەسنێ بیت، هزرێ تێدا بكەن.

فیلیپی 4:8 Iomraidhean Croise

مزگینیا مەتتای 22:16

ئینا هندەك شاگردێن خۆ ل گەل لایەنگرێن هێرودێسی هنارتنە نك وی و گۆتنێ: «مامۆستا، ئەم دزانین تۆ یێ راستگۆی و رێكا خودێ راست نیشا خەلكی ددەی، تۆ هەمیان وەكو ئێك دبینی و تۆ بەرێ خۆ نادەیە ئاستێن مرۆڤان.

مزگینیا مەرقۆسی 6:20

چنكو هێرودێس ژ یوحەننای دترسیا و دزانی كو ئەو زەڵامەكێ راستدار و پیرۆزە، ژ بەر هندێ دپاراست. دەمێ وی گوهداریا یوحەننای دكر، تەنگاڤ دبوو، لێ ل گەل هندێ ب دلخۆشی دبهیست.

مزگینیا لوقای 16:15

ئەوی گۆتە وان: «هوین خۆ ل بەر چاڤێن خەلكی راستدار دەردئێخن، لێ خودێ یا د دلێ هەوە دا دزانیت. ئەو تشتێ د ناڤ مرۆڤان دا یێ دلخواز بیت، ئەو ل نك خودێ یێ دلڕەشە.

مزگینیا لوقای 2:25

زەڵامەك ل ئورشەلیمێ هەبوو دگۆتنێ شەمعون. یێ راست و ژ خودێ ترس بوو. چاڤەڕێی دلخۆشكرنا ئیسرائیلێ بوو و گیانێ پیرۆز ل سەر بوو.

مزگینیا لوقای 23:50

زەڵامەك ب ناڤێ یوسڤ هەبوو، ئەندامەكێ جڤاتا ریهسپیێن مللەتی و مرۆڤەكێ باش و یێ راستدار بوو.

مزگینیا یوحەننای 7:18

ئەوێ ژ نك خۆ بئاخڤیت، بۆ خۆ ل مەزناهیێ دگەڕیێت، لێ ئەوێ بۆ وی ل مەزناهیێ بگەڕیێت یێ ئەو هنارتی، ئەو یێ راستە و چ خرابی ل نك وی نینە.

كارێن هنارتیان 10:22

ئینا وان گۆت: «كورنیلیۆسێ سەرلەشكەر، مرۆڤەكێ راستدار و ژ خودێ ترسە و ناڤودەنگەكێ باش د ناڤ هەمی مللەتێ جوهیان دا هەیە و وی فەرمان ژ فریشتەیەكێ پیرۆز وەرگرتییە، كو تە گازی بكەتە مالا خۆ، دا گوهێ خۆ بدەتێ، كا تە چ ئاخفتن هەنە.»

كارێن هنارتیان 22:12

ل وێرێ زەڵامەك ب ناڤێ حەنانیا هەبوو، ل دویڤ دەستووری یێ ژ خودێ ترس بوو، وی ناڤودەنگەكێ باش د ناڤ هەمی جوهیێن وێرێ دا هەبوو،

كارێن هنارتیان 6:3

ئەڤجا گەلی برایان، د ناڤ خۆ دا حەفت زەڵامان هەلبژێرن كو ناڤودەنگێن وان یێ باش بیت و دپڕ بن ژ گیانێ پیرۆز و ئاقلمەندیێ، دا وان دانینە سەر ڤی كاری.

رۆما 13:13

بلا رەفتارێن مە د بەڕێز بن، هەروەكو رۆژ بیت: نە ب ئاهەنگێن بێتۆرەیێ و سەرخۆشیێ، نە ب دەهمەنپیسیێ و بێدەلنگیێ، نە ب هەڤڕكیێ و چاڤپێنەڕابوونێ.

رۆما 13:3

چنكو حوكمڕان نە ژ بۆ كارێ باش، لێ ژ بۆ كارێ خراب جهێ ترسێنە. ما تە دڤێت ژ دەستهەلاتداری نەترسی؟ تشتێ باش بكە، دێ ژ لایێ وێ ڤە هێیە پەسنكرن.

رۆما 14:18

ئەوێ هۆسا خزمەتا مەسیحی بكەت، جهێ رازیبوونا خودێیە و ژ لایێ خەلكی ڤە یێ پەسەندكریە.

رۆما 2:29

لێ جوهی ئەوە كو د ناخێ خۆ دا جوهی بیت، سونەتكرن ژی سونەتكرنا دلیە، ب گیانی نە ب پیتێن دەستووری. یێ وەسا پەسنێ ژ خودێ وەردگریت، نە ژ مرۆڤان.

1 كورنتۆس 4:5

لەوما پێشوەخت دادكرنێ ل سەر تشتەكی نەكەن، تاكو خودان بهێت، ئەوێ دێ تشتێن د تاریاتیێ دا ڤەشارتی ئێخیتە بەر رۆناهی و نیازێن دلان ئاشكرا كەت. هنگی پەسنكرنا هەر كەسەكی دێ ژ لایێ خودێ ڤە بیت.

2 كورنتۆس 13:7

زێدەباری هندێ ئەم ژ خودێ دخوازین كو هوین چ خرابیان نەكەن، مەبەستا مە نە ئەوە كو ئەم د تاقیكرنێ دا سەركەفتی دیار ببین، لێ مەبەست ئەوە كو هوین باشیێ بكەن، خۆ ئەگەر ئەم وەكو سەرنەكەفتی ژی دیار ببین.

2 كورنتۆس 6:8

ب رێزگرتنێ و بێڕێزكرنێ، ب ناڤودەنگەكێ باش یان یێ خراب. ئەم وەك خاپینۆك دهێینە هژمارتن، لێ ئەم د راستین.

2 كورنتۆس 8:18

ل گەل وی ئەم وی برای دهنێرین، یێ ژ بەر كارێ وی د مزگینیدانێ دا هەمی جڤاكێن باوەرداران پەسنا وی دكەن.

2 كورنتۆس 8:21

چنكو نیازا مە ئەوە ئەم وی تشتی بكەین یێ راست، نە ب تنێ د چاڤێن خودانی دا، لێ د چاڤێن مرۆڤان ژی دا.

گالاتیا 5:22

لێ بەرهەمێ گیانێ پیرۆز ئەڤەیە: حەزژێكرن، دلخۆشی، ئاشتی، بێهنفرەهی، جوامێری، چاكی، دلسۆزی،

ئەفەسۆس 4:25

لەوما درەوێ ژ خۆ دویر بئێخن و بلا هەر ئێك ژ هەوە ل گەل نێزیكێ خۆ یێ راستگۆ بیت، چنكو ئەم ئەندامێن ئێكودووینە.

ئەفەسۆس 5:9

(ژ بەر كو بەرهەمێ رۆناهیێ هەمی جۆرێن باشی و راستی و دروستیێنە)

ئەفەسۆس 6:14

هۆسا خۆ راگرن، ناڤتەنگا خۆ ب راستیێ بپێچن و زریێ راستداریێ بكەنە بەر خۆ.

فیلیپی 3:1

ل دویماهیێ گەلی خویشك و برایان، ب خودانی دلخۆش ببن. بۆ من بارگرانی نینە ئەز دووبارە ئەڤان تشتان بۆ هەوە بنڤیسم و بۆ هەوە ئێمناهیە.

كۆلۆسی 4:5

ل بەرامبەری وان یێن كو ژ دەرڤەی باوەریێنە، ب ئاقلمەندی سەرەدەریێ بكەن و دەرفەتا ڤی دەمی ژ دەست نەدەن.

1 سالونیكی 4:12

دا رەفتارا هەوە ل گەل یێن ژ دەرڤە ب شێوەیەكێ سەرفەراز بیت و هوین هەوجەیی كەسێ نەبن.

1 تیمۆتاوس 2:2

بۆ پاشایان و هەمی دەستهەلاتداران ژی، دا ئەم ژیانەكا تەنا و ئارام، ب هەمی خودێترسی و رێز، بڕێڤە ببەین.

1 تیمۆتاوس 3:11

هەروەسا ژن ژی پێدڤیە بڕێز بن، بوهتانكار نەبن، ل سەر خۆ د زاڵ بن و د هەمی تشتان دا د دلسۆز بن.

1 تیمۆتاوس 3:4

ب باشی رێڤەبەریا مالا خۆ بكەت و وە بكەت كو زاڕۆكێن وی ب هەمی رێزگرتن ملكەچی وی بن.

1 تیمۆتاوس 4:12

بلا كەس سڤكاتیێ ب گەنجاتیا تە نەكەت، لێ د ئاخفتنێ دا، د رەفتارێ دا، د حەزژێكرنێ دا، د باوەریێ دا، د دەهمەنپاكیێ دا بۆ باوەرداران ببە نموونە.

1 تیمۆتاوس 5:10

و ل سەر كریارێن چاك شاهدەیی بۆ بهێتە دان: ئەگەر زاڕۆكێن خۆ بخودان كربن، مێڤان حەواندبن، پێیێن پیرۆزكریان شویشتبن، هاریكاریا كەسێن د تەنگاڤیێ دا كربیت و ل دویڤ هەر كارەكێ باش چووبیت.

1 تیمۆتاوس 5:2

ل گەل پیرەژنان ژی هەروەكو دایكا تە، ل گەل كچ و ژنێن گەنج ژی ب هەمی دەهمەنپاكی هەروەكو خویشكێن تە.

تیتۆس 1:8

لێ دڤێت یێ مێڤاندار بیت، حەز ژ باشیێ بكەت، خودان رەفتارەكا ئاقلانە بیت، یێ راست و دروست بیت، یێ پیرۆز و ل سەر خۆ یێ زاڵ بیت.

تیتۆس 2:14

ئەوێ خۆ گۆری مە كری، دا مە ژ هەمی گونەهان رزگار بكەت و پاك بكەت و بكەتە خەلكێ خۆ یێ تایبەت یێ دلگەرم بۆ كریارێن باش.

تیتۆس 2:2

بلا پیرەمێر ل سەر خۆ د زاڵ بن، خودان رێز بن، خودان رەفتارەكا ئاقلانە بن، د باوەریێ و حەزژێكرنێ و خۆڕاگریێ دا د ساخلەم بن.

تیتۆس 2:7

ژ هەمی لایان ڤە تۆ بۆ وان ببە نموونەیا كریارێن باش، د فێركرنا خۆ دا یێ بێسەختە و سەنگین بە،

تیتۆس 3:14

پێدڤیە خەلكێ مە یێ باوەردار ژی فێر ببن كو پویتەی ب كریارێن باش بدەن، داكو پێدڤیێن فەر بۆ كەسێن دی دابین بكەن، هۆسا ئەو د بێبەرهەم نابن.

عیبرانی 11:2

ب باوەریێ بابكال ژ لایێ خودێ ڤە هاتنە پەسەندكرن.

عیبرانی 13:18

نڤێژان بۆ مە بكەن. ئەم د پشتڕاستین كو مە وژدانەكا پاقژ یا هەی، حەز دكەین د هەمی تشتان دا رەفتارا مە یا باش بیت.

یەعقوب 1:27

ئایینداریا پاقژ و بژوین ل نك خودایێ باب ئەوە كو مرۆڤ چاڤێ خۆ بدەتە ئێتیم و بیژنان د تەنگاڤیێن وان دا و خۆ ژ هەڕماتیا جیهانێ بپارێزیت.

یەعقوب 3:17

لێ ئەو ئاقلمەندیا ژ سڵال، ئەو بەری هەر تشتی یا پاكە، پاشی یا ئاشتیخوازە، دلنەرمە، سەرنەرمە، پڕی دلۆڤانی و بەرهەمێ چاكە، لایەنگر نینە و بێ دووڕویاتیە.

1 پەترۆس 1:22

هەوە دەروونێ خۆ ب ملكەچبوونا راستیێ پاك كریە و هۆسا حەزژێكرنا هەوە یا برایانە یا بێ دووڕویاتیە، ئەڤجا ژ نیڤا دلی ب گەرمی حەز ژ ئێكودوو بكەن.

1 پەترۆس 2:12

بلا د ناڤ مللەتان دا رەفتارێن هەوە د باش بن، دا سەرەڕای كو ئەو نەكامیا هەوە دكەن كو هوین خرابكارن، كریارێن هەوە یێن باش ببینن و پەسنا خودێ بكەن د رۆژا هاتنا وی دا.

1 پەترۆس 4:8

بەری هەر تشتەكی، بلا حەزژێكرنا هەوە بۆ ئێكودوو یا گەرم بیت، چنكو حەزژێكرن گونەهێن گەلەك ژی دنخێڤیت.

2 پەترۆس 3:1

گەلی خۆشتڤیان، ئەڤە دووەمین نامەیە ئەز بۆ هەوە دنڤیسم، د وان دا ئەز ب رێكا بیرئینانێ، هزرێن هەوە یێن پاقژ هشیار دكەم،

1 یوحەننا 3:18

گەلی زاڕۆكان، بلا ئەم حەزژێكرنێ بكەین، نە ب پەیڤێ و ئەزمانی، لێ ب كریار و راستیێ.

1 یوحەننا 3:3

هەر كەسێ ئەڤ هیڤیە ب وی هەبیت، خۆ پاك دكەت، كا چەوا مەسیح یێ پاكە.

1 یوحەننا 4:1

گەلی خۆشتڤیان، باوەر ژ هەر گیانەكی نەكەن، لێ گیانان تاقی بكەن، كا ئەو ژ خودێنە یان نە، چنكو گەلەك پێغەمبەرێن درەوین یێن دەركەفتینە جیهانێ.