فیلیپی 4:7 - ئنجیلا پیرۆز

⁷ هۆسا ئاشتیا خودێ ژی، ئەوا د سەر هەر تێگەهشتنەكێ را، دێ دلێ هەوە و زێهنێ هەوە د ئێكبوونا ل گەل مەسیح عیسای دا پارێزیت.

فیلیپی 4:7 Iomraidhean Croise

مزگینیا لوقای 1:79

داكو رۆناهیێ بدەتە وان، یێن ل تاریستان و سیبەرا مرنێ روینشتین، بەرێ مە ژی بدەتە رێكا ئاشتیێ.»

مزگینیا لوقای 2:14

«مەزناهی بۆ خودێ ل بلنداهیان و ل سەر ئەردی ژی ئاشتی بۆ مرۆڤان، یێن كو خودێ ژێ رازی.»

مزگینیا یوحەننای 14:27

ئەز ئاشتیێ بۆ هەوە دهێلم، ئاشتیا خۆ ددەمە هەوە. ئەز وەسا نادەمە هەوە هەروەكو جیهان ددەت. دلتەنگ نەبن و نەترسن.

مزگینیا یوحەننای 16:33

من ئەڤ تشتە بۆ هەوە گۆتن، دا هەوە ئاشتی د ناڤ من دا هەبیت. د جیهانێ دا هوین دێ د تەنگاڤیێ دا بن. لێ د وێرەك بن: من سەركەفتن ل سەر جیهانێ ئینا.»

رۆما 1:7

بۆ هەمی خۆشتڤیێن خودێ یێن ل رۆمایێ، ئەوێن هاتینە گازیكرن دا ببنە پیرۆزكریێن خودێ: كەرەم و ئاشتی ژ بابێ مە خودێ و خودان عیسایێ مەسیح ل سەر هەوە بن.

رۆما 14:17

چنكو بابەتێ پاشایەتیا خودێ نە خوارن و ڤەخوارنن، لێ راستداری، ئاشتی و دلخۆشینە ب گیانێ پیرۆز.

رۆما 15:13

ئەڤجا بلا خودایێ هیڤیێ، ب رێكا باوەریێ هەوە تژی هەمی شادی و ئاشتی بكەت، دا هیڤیا هەوە ب هێزا گیانێ پیرۆز د سەردا بڕژیێت.

رۆما 5:1

ئەڤجا ژ بەر كو ئەم ب باوەریێ بێگونە‍‌ھ هاتینە دەرئێخستن، ئەم ل گەل خودێ كەفتینە ئاشتیێ، ژ دەولەتسەرێ خودانێ خۆ عیسایێ مەسیح.

رۆما 8:6

دویماهیا وی زێهنێ گرنگیێ ب لەشی ددەت، مرنە، لێ دویماهیا وی زێهنێ گرنگیێ ب گیانی ددەت، ژیان و ئاشتیە.

2 كورنتۆس 10:5

هەر بیردۆزەك و هەر بیرۆكەكا دفنبلند یا سەرێ خۆ ل بەر زانینا خودێ رادكەت، ئەم وێ دهەلوەشینین و هەمی هزران دكەینە دیلێن گوهداریا مەسیحی

2 كورنتۆس 13:11

ل دویماهیێ گەلی خویشك و برایان، د دلخۆش بن، خۆ راستڤە كەن، ئێكودوو هان بدەن، هەڤهزر بن، ب ئاشتیێ بژین، ئەڤجا خودایێ حەزژێكرنێ و ئاشتیێ دێ ل گەل هەوە بیت.

گالاتیا 5:22

لێ بەرهەمێ گیانێ پیرۆز ئەڤەیە: حەزژێكرن، دلخۆشی، ئاشتی، بێهنفرەهی، جوامێری، چاكی، دلسۆزی،

ئەفەسۆس 3:19

و هوین حەزژێكرنا وی یا بلندتر ژ ئاستێ زانینا مرۆڤی بزانن، هۆسا هوین ب هەمی تژیاتیا خودێ تژی ببن.

فیلیپی 1:1

ژ مە، پاولۆس و تیمۆتاوسی، بەنیێن مەسیح عیسای، بۆ وان هەمیێن ل فیلیپی، ئەوێن ب رێیا مەسیح عیسای هاتینە پیرۆزكرن، ل گەل چاڤدێر و خزمەتكاران:

فیلیپی 1:2

كەرەم و ئاشتی ژ بابێ مە خودێ و ژ خودان عیسایێ مەسیح ل سەر هەوە بن.

فیلیپی 4:19

خودایێ من ژی دێ ل دویڤ دەولەمەندیا خۆ یا مەزن، ب رێكا مەسیح عیسای، هەمی پێدڤیێن هەوە دابین كەت.

فیلیپی 4:21

سڵاڤان ل هەر پیرۆزكریەكێ مەسیح عیسای بكەن. ئەو برایێن ل گەل من، سڵاڤان ل هەوە دكەن.

فیلیپی 4:9

ئەو تشتێن هوین ژ من فێر بووین، هەوە ژ من وەرگرتین، ژ من بهیستین و د ژیانا من دا دیتین، بكەن و خودایێ ئاشتیێ دێ ل گەل هەوە بیت.

كۆلۆسی 3:15

بلا د دلێ هەوە دا ئاشتیا مەسیحی حوكمداریێ بكەت، ئەو ئاشتیا هوین بۆ وێ هاتینە گازیكرن، كو ببنە ئێك لەش، هەروەسا د سوپاسدار ژی بن.

2 سالونیكی 3:16

ئەڤجا بلا خودانێ ئاشتیێ ب خۆ، هەرگاڤ و ب هەمی شێوەیان، ئاشتیێ بدەتە هەوە. خودان ل گەل هەوە هەمیان بیت.

عیبرانی 13:20

بلا خودایێ ئاشتیێ، یێ خودانێ مە عیسا كو ب خوینا پەیمانا هەتا هەتایی شڤانێ مەزن یێ پەزیە، ژ ناڤ مریان راكریەڤە،

یەهودا 1:1

ژ من، یەهودا، بەنیێ عیسایێ مەسیح و برایێ یەعقوبی، بۆ گازیكریێن خۆشتڤی ژ لایێ خودایێ باب ڤە و پاراستی ژ لایێ عیسایێ مەسیح ڤە:

ئاشكراكرن 1:4

ژ یوحەننای، بۆ هەر حەفت جڤاكێن باوەرداران یێن ل هەرێما ئاسیایێ: كەرەم و ئاشتی ل سەر هەوە بن، ژ وی یێ هەی و یێ هەبوو و یێ دێ هێت و ژ حەفت گیانێن ل پێشیا تەختێ وی

ئاشكراكرن 2:17

ئەوێ گو‍‌ھ هەبن، بلا ببهیسیت كا گیانێ پیرۆز چ بۆ جڤاكێن باوەرداران دبێژیت. هەر ئێكێ سەركەفتنێ بینیت، ئەز دێ ژ مەننایا ڤەشارتی دەمێ و ئەز دێ بەركەكێ سپی دەمێ، ناڤەكێ نوی یێ ل سەر نڤیسیە، كو كەس نەزانیت ژبلی وی یێ وەردگریت.›»