فیلیپی 4:19 - ئنجیلا پیرۆز

¹⁹ خودایێ من ژی دێ ل دویڤ دەولەمەندیا خۆ یا مەزن، ب رێكا مەسیح عیسای، هەمی پێدڤیێن هەوە دابین كەت.

فیلیپی 4:19 Iomraidhean Croise

مزگینیا مەتتای 6:32

مللەتێن پووتپەرێس بزاڤێ بۆ ڤان هەمیان دكەن. بابێ هەوە یێ ئەسمانی دزانیت كو هەوە پێدڤی یا ب ڤان هەمیان هەی.

مزگینیا یوحەننای 20:17

عیسای گۆتێ: «من نەگرە، چنكو هێشتا ئەز بلند نەبوویمە نك بابی. لێ هەڕە نك برایێن من و بێژە وان كو ئەز دێ بلند بمە نك بابێ خۆ و بابێ هەوە، نك خودایێ خۆ و خودایێ هەوە.»

مزگینیا یوحەننای 20:27

پاشی گۆتە توماسی: «تبلا خۆ بینە ڤێرێ و بەرێ خۆ بدە دەستێن من و دەستێ خۆ بینە و بكە د كێلەكا من را و یێ بێباوەر نەبە، لێ یێ ب باوەر بە.»

رۆما 1:8

بەری هەر تشتی، ئەز ب رێیا عیسایێ مەسیح ژ بۆ هەوە هەمیان سوپاسیا خودایێ خۆ دكەم، چنكو باوەریا هەوە ل سەرانسەری جیهانێ یا دەنگ ڤەدای.

رۆما 11:33

چەند د كویرن دەولەمەندی، ئاقلمەندی و زانینا خودێ! چەند د دویرن بڕیارێن وی ژ تێگەهشتنێ و رێكێن وی ژ راڤەكرنێ!

رۆما 2:4

یان تۆ سڤكاتیێ ب دەولەمەندیا قەنجی و بێهنفرەهی و هەداریا وی دكەی؟ ما تۆ نزانی كو قەنجیا خودێ تە بەرەڤ لخۆزڤڕینێ دبەت؟

رۆما 8:18

ئەز دبینم كو ئازارێن مە ل ڤی سەردەمی ل گەل وێ مەزناهیا كو دێ بۆ مە هێتە ئاشكراكرن، ناهێنە هەڤبەركرن.

رۆما 9:23

ما چیە ئەگەر وی ئەڤ چەندە كر؟ دا دەولەمەندەیا مەزناهیا خۆ ل سەر وان ئامانان دیار بكەت، یێن كو دلۆڤانیێ وەردگرن، ئەوێن پێشوەخت بۆ مەزناهیێ ئامادە كرین،

2 كورنتۆس 12:21

ئەز دترسم دەمێ جارەكا دی بهێمە نك هەوە، خودایێ من ل نك هەوە من شەرمزار بكەت و بۆ گەلەكان شینیێ بكەم، ئەوێن پێشتر گونە‍‌ھ كرین و ژ پویچاتی، دەهمەنپیسی و بێدەلنگیا وان كری ل خۆ نەزڤڕین.

2 كورنتۆس 4:17

چنكو تەنگاڤیێن مە یێن سڤك و دەمكی، مەزناهیەكا گران یا هەتا هەتایی بۆ مە ئامادە دكەن، كو ل گەل چ تشتان ناهێتە هەڤبەركرن.

ئەفەسۆس 1:18

بلا چاڤێن زێهنێ هەوە ڤەكەت، دا بزانن كا ئەو هیڤیا هوین بۆ وێ هاتینە گازیكرن چ تشتە و كا میراتێ وی چەند یێ مەزن و دەولەمەندە بۆ پیرۆزكریان

ئەفەسۆس 1:7

ژ دەولەتسەرێ وی، مە ب خوینا وی رزگاری وەرگرت، ئانكو مە لێبورینا گونەهان هەیە. ئەڤ چەندە ل دویڤ كەرەما خودێ یا دەولەمەندە ،

ئەفەسۆس 2:7

خودێ ئەڤە كر، دا د سەردەمێن بهێن دا، دەولەمەندیا كەرەما خۆ یا بێ سنوور دیار بكەت، ب رێكا وێ قەنجیا وی، د ئێكبوونا مە ل گەل مەسیح عیسای دا، ل گەل مە كری.

ئەفەسۆس 3:16

ئەز هیڤی ژێ دكەم كو ئەو ل دویڤ دەولەمەندیا مەزناهیا خۆ هێزێ بدەتە هەوە، كو هوین ب گیانێ وی د ناخێ خۆ دا خورت ببن،

ئەفەسۆس 3:8

هەر چەندە د ناڤ هەمی پیرۆزكریان دا ئەز ژ یێ هەری كێم كێمترم، لێ ئەڤ كەرەمە بۆ من هاتیە دان، دا مزگینیێ د ناڤ مللەتێن نەجوهی دا بەڵاڤ بكەم دەربارەی دەولەمەندیا مەسیحی یا بێ سنوور

فیلیپی 4:7

هۆسا ئاشتیا خودێ ژی، ئەوا د سەر هەر تێگەهشتنەكێ را، دێ دلێ هەوە و زێهنێ هەوە د ئێكبوونا ل گەل مەسیح عیسای دا پارێزیت.

كۆلۆسی 1:27

خودێ بڕیار دا بۆ پیرۆزكریێن خۆ بدەتە زانین كا دەولەمەندیا مەزناهیا ڤێ نهێنیێ د ناڤ مللەتێن نەجوهی دا چەندا مەزنە. نهێنی ژی ئەوە كو مەسیح د ناخێ هەوە دایە و ژ بەر هندێ مسۆگەرە كو هوین دێ د مەزناهیا وی دا پشكدار بن.

كۆلۆسی 3:16

بلا پەیڤا مەسیحی ب دەولەمەندیا خۆ د دلێ هەوە دا ئاكنجی ببیت، هوین ژی ب هەمی ئاقلمەندی ئێكودوو فێر بكەن و ئاگەهدار بكەن، زەبووران و سروود و سترانێن روحانی، ب سوپاسداری ژ دلێ خۆ بۆ خودێ بسترن.

1 سالونیكی 2:12

مە هوین هاندان و ل بەر دلێ هەوە دا و ل سەر ژیانا هەوە راوەستیاین، كو ب شێوەیەكی بیت یا هەژی وی خودای بیت، ئەوێ هوین بۆ پاشایەتی و مەزناهیا خۆ گازی كرین.

1 تیمۆتاوس 6:17

دەولەمەندێن ڤێ جیهانێ راسپێرە، كو د دفنبلند نەبن و هیڤیا خۆ ب دەولەمەندیا نە مسۆگەر ڤە گرێ نەدەن، لێ هیڤیا خۆ ب خودێ ڤە گرێ بدەن، یێ هەمی تشتان ب زێدەیی ددەتە مە، دا خۆشیێ ژێ وەرگرین.

فلیمون 1:4

ئەز هەردەم سوپاسیا خودایێ خۆ دكەم، دەمێ تە د نڤێژێن خۆ دا دئینمە بیرا خۆ،

1 پەترۆس 5:1

ئەز هیڤی ژ ریهسپیێن د ناڤ هەوە دا دكەم، كو ئەز وەكو هەوە ریهسپیمە و شاهدم ل سەر ئازارێن مەسیحی و هەڤپشكێ وێ مەزناهیێمە یا كو ل نێزیك دێ دیار بیت:

1 پەترۆس 5:10

خودایێ هەمی كەرەمێ ژی، ئەوێ هوین ب مەسیح عیسای گازی كرینە مەزناهیا خۆ یا هەتا هەتایی، پشتی كو هەوە بۆ دەمەكێ كورت ئازار كێشای، ئەو ب خۆ دێ هەوە كامل كەت و موكم كەت و بهێز ئێخیت و خۆج‍‌ھ كەت.