فیلیپی 4:18 - ئنجیلا پیرۆز

¹⁸ ئێدی من تێرا هەمی پێدڤیێن خۆ یێ هەی و زێدەتر ژی. ئەز كەفتمە د بەرفرەهیێ دا، پشتی من ئەو تشت وەرگرتین، یێن ئێپافرۆدیتۆسی بۆ من ژ نك هەوە ئیناین، كو پێشكێشیەكێ بێهنخۆش و قوربانەكێ قەبیلكری و جهێ رازیبوونا خودێیە.

فیلیپی 4:18 Iomraidhean Croise

كارێن هنارتیان 10:4

وی ب ترس بەرێ خۆ دا فریشتەی و گۆت: «بەلێ ئەزبەنی؟» ئینا فریشتەی بەرسڤا وی دا: «نڤێژ و هاریكاریێن تە بۆ هەژاران كرین وەك بیرەوەری بلند بوونە بەرامبەر خودێ

رۆما 12:1

ئەڤجا ئەز هیڤیێ ژ هەوە دكەم، گەلی خویشك و برایان، كو هوین ژ بەر دلۆڤانیا خودێ لەشێ خۆ وەك قوربانەكێ زیندی یێ پیرۆز و جهێ رازیبوونا خودێ پێشكێش بكەن. ئەڤەیە پەرستنا هەوە یا راستەقینە.

2 كورنتۆس 11:8

من جڤاكێن دی یێن باوەرداران شەلاندن، دەمێ من پارە ژ وان وەرگرتین، دا خزمەتا هەوە بكەم

2 كورنتۆس 9:12

چنكو ئەنجامدانا ڤێ خزمەتێ، نە ب تنێ هەوجەییێن پیرۆزكریان دقەتینیت، لێ ژ بەر وێ سوپاسیكرن ژی بۆ خودێ د سەر دا درێژیت.

ئەفەسۆس 5:2

د حەزژێكرنێ دا بژین، هەروەكو مەسیحی ژی حەز ژ مە كری و خۆ گۆری مە كری، ژ پێخەمەت مە بوویە پێشكێشی و قوربانیەكێ بێهنخۆش بۆ خودێ.

فیلیپی 4:12

ئەز دزانم هەژاری چیە، هەروەسا دزانم بەرفرەهی ژی چیە. ئەز یێ ب سەر وێ نهێنیێ هەلبوویم، كو د هەمی رەوش و كاودانان دا، چ یێ تێر بم یان یێ برسی، یێ هەیی بم یان یێ نەدار، ئەز هەر یێ رازی بم.

2 سالونیكی 1:3

پێدڤیە ئەم هەرگاڤ ژ پێخەمەت هەوە، گەلی خویشك و برایان، سوپاسیا خودێ بكەین. سوپاسیكرن ژی د جهێ خۆ دایە، چنكو باوەریا هەوە گەلەك وەرارێ دكەت و حەزژێكرنا هەر ئێك ژ هەوە بۆ ئێكودوو زێدە دبیت.

عیبرانی 13:16

هەروەسا كرنا قەنجیێ و دانا تشتێن هەوە هەین بۆ یێن هەوجە پشت گو‍‌ھ ڤە نەهاڤێژن، چنكو قوربانێن هۆسا خودێ دلخۆش دكەن.

1 پەترۆس 2:5

ئەڤجا هوین ژی وەكو بەرێن زیندی بۆ خانیەكێ روحانی دهێنە بەستن، دا ببنە كاهنێن پیرۆز و ب رێكا عیسایێ مەسیح قوربانێن روحانی یێن جهێ رازیبوونا خودێ پێشكێش بكەن.