فیلیپی 4:1 - ئنجیلا پیرۆز

¹ ئەڤجا گەلی خویشك و برایێن من یێن خۆشتڤی، ئەوێن ئەز بیریا هەوە دكەم و هوین شادی و تانجا منن، خۆشتڤیێن من ب ڤی شێوەی د ئێكبوونا ل گەل خودانی دا قاییم بمینن.

فیلیپی 4:1 Iomraidhean Croise

مزگینیا مەتتای 10:22

و دێ ژ بەر ناڤێ من كەربێن هەمیان ژ هەوە ڤەبن. لێ یێ تا دویماهیێ خۆ راگریت، ئەو دێ قورتال بیت.

مزگینیا یوحەننای 8:31

ئینا عیسای گۆتە وان جوهیێن باوەری پێ ئینای: «ئەگەر هەوە خۆ ل سەر پەیڤا من راگرت، هوین ب راستی شاگردێن منن

كارێن هنارتیان 11:23

دەمێ گەهشتی و كەرەما خودێ دیتی، گەلەك كەیفخۆش بوو و هەمی هاندان كو ژ دل ل گەل خودانی بمینن.

كارێن هنارتیان 14:22

وان دلێ شاگردان خورت دكر و ئەو هانددان كو د باوەریێ دا د خۆڕاگر بن و گۆتە وان: «دڤێت ئەم د گەلەك تەنگاڤیان را دەرباز ببین، دا بچینە د پاشایەتیا خودێ دا.»

كارێن هنارتیان 2:42

ئەوان خۆ بۆ گوهداریا فێركرنێن هنارتیان، ژیانا هەڤپشكیێ، كەركرنا نانی و نڤێژان تەرخان دكر.

رۆما 2:7

دێ ژیانا هەروهەر دەتە وان، یێن ب رێكا بەردەوامبوونێ ل سەر كریارێن باش بزاڤێ دكەن كو مەزناهیێ و سەربلندیێ و نەمریێ وەكو خەلات ژ نك خودێ وەرگرن.

1 كورنتۆس 15:58

ژ بەر ڤێ چەندێ، هەی خویشك و برایێن من یێن خۆشتڤی، د قاییم بن، د نەلڤ بن، د كارێ خودانی دا هەردەم د پڕ بزاڤ بن، چنكو هوین دزانن رەنجا هەوە بۆ خودانی یا ژ قەستا نینە.

1 كورنتۆس 16:13

بمیننە هشیار، د باوەریێ دا د خۆڕاگر بن، د مێر بن و د هێزدار بن.

گالاتیا 5:1

مەسیحی ئەم یێن ئازاد كرین، دا د ئازاد بین. ئەڤجا خۆ تێدا راگرن و جارەكا دی نەكەڤنە بن نیركێ بەنیاتیێ.

فیلیپی 1:27

لێ یا گرنگ ئەوە كو هوین ب شێوەیەكێ هەژی مزگینیا مەسیحی بژین، داكو ئەگەر ئەز بهێم و هەوە ببینم، یان ژی نەهێم و ب تنێ ببهیسم، ئەز بزانم كو هوین د ئێك گیان دا قاییم ماینە، پێكڤە ب ئێك دل خەباتێ دكەن بۆ وێ باوەریێ یا ل سەر مزگینیێ هاتیە ئاڤاكرن

فیلیپی 1:8

خودێ شاهدێ منە كا چەند ب دلنەرمیا مەسیح عیسای، ئەز بیریا هەوە هەمیان دكەم.

فیلیپی 2:16

خۆ موكم ب پەیڤا ژیانێ ڤە بگرن، دا د رۆژا مەسیحی دا شانازیێ ببەم، كو بەزین و رەنجكێشانا من ب ئاڤێ دا نەچوویە.

فیلیپی 2:26

چنكو وی بیریا هەوە هەمیان دكر و یێ دلتەنگ بوو، ژ بەر كو هەوە بهیستبوو كو ئەو یێ نەساخ بوو.

كۆلۆسی 4:12

ئێپافراس ژی سڵاڤان ل هەوە دكەت، ئەو ژی ئێك ژ هەوەیە و بەنیێ مەسیح عیسایە، ئەو هەردەم ب نڤێژان ژ پێخەمەت هەوە خەباتێ دكەت، دا هوین ب كاملی و پشتڕاست ژ هەمی حەزا خودێ د خۆڕاگر بن.

1 سالونیكی 3:13

دا دلێ هەوە بێی كێماسی د پیرۆزیێ دا قاییم بكەت ل پێشیا بابێ مە خودێ، دەمێ خودانێ مە عیسا ل گەل هەمی پیرۆزكریێن خۆ دهێت.

2 سالونیكی 2:15

ئەڤجا گەلی خویشك و برایان، خۆ راگرن و پێگیریێ ب وان فێركرنان بكەن یێن هوین ب گۆتن یان ژی ب نامە ژ مە فێربووین.

2 تیمۆتاوس 2:1

ئەڤجا كوڕێ من، ب وێ كەرەما د مەسیح عیسای دا، یێ بهێز بە

عیبرانی 10:23

بلا ئەم بێی دوودلی خۆ قاییم ب دانپێدانا هیڤیا خۆ ڤە بگرین، چنكو ئەوێ سۆز دای جهێ باوەریێیە.

عیبرانی 3:14

چنكو ئەم بووینە هەڤپشكێن مەسیحی، ئەگەر مە تا دویماهیێ خۆ ب وێ پشتڕاستیێ ڤە گرت یا مە ل دەستپێكێ هەی.

عیبرانی 4:14

مادەم مە سەرۆككاهنەكێ مەزن هەیە، ئەوێ ژ ئەسمانان دەرباز بووی، كو عیسایێ كوڕێ خودێیە، بلا ئەم قاییم خۆ ب دانپێدانا خۆ ڤە بگرین.

2 پەترۆس 3:17

لەوما گەلی خۆشتڤیان، مادەم هوین پێشوەخت هاتینە ئاگەهداركرن، د هشیار بن نەكو ب شاشیا بەدكاران بهێنە خڕاندن و خۆڕاگریا خۆ ژ دەست بدەن.