فیلیپی 3:9 - ئنجیلا پیرۆز

⁹ و ل گەل وی ببمە ئێك و راستدار بهێمە دیتن، نە ب رێكا دەستووری، لێ ب رێكا باوەریێ ب مەسیحی، ل دویڤ وێ راستداریا خودێ ب رێكا باوەریێ ددەت.

فیلیپی 3:9 Iomraidhean Croise

مزگینیا مەتتای 9:13

ئەڤجا هەڕن و د ڤێ گۆتنێ بگەهن: ‹من دلۆڤانی دڤێت، نەكو قوربان.› ئەز نەهاتیمە گازی مرۆڤێن راستدار بكەم، لێ یێن گونەهكار.»

رۆما 1:17

چنكو د مزگینیێ دا راستداریا خودێ ئاشكرا دبیت. ئەڤ راستداریە ژ دەستپێكێ هەتا دویماهیێ ب باوەریێیە، هەروەكو هاتیە نڤیسین: «یێ راستدار دێ ب باوەریێ ژیت.»

رۆما 10:10

مرۆڤ ب دلی باوەریێ دئینیت و راستدار دهێتە دەرئێخستن، ب دەڤی ژی دانپێدانێ دكەت و قورتال دبیت.

رۆما 16:7

سڵاڤان ل ئەندرونیكۆسی و ل یونیاسێ بكەن، كو مرۆڤێن منن و هەڤالێن من یێن زیندانێ بوون، ئەو د ناڤ هنارتیان دا د ناڤدارن و وان بەری من باوەری ب مەسیحی ئینایە.

رۆما 5:21

داكو، كا چەوا گونەهێ ب مرنێ دەستهەلاتی كر، هۆسا كەرەم ژی ب رێیا راستداریێ دەستهەلاتێ بكەت و ب رێیا خودانێ مە عیسایێ مەسیح، مە ببەتە ژیانا هەروهەر.

رۆما 8:1

لەوما، ژ نوكە و پێڤە گونەهباركرن بۆ وان نینە یێن ل گەل مەسیح عیسای بووینە ئێك.

رۆما 8:3

ئەو تشتێ دەستووری ژ بەر لاوازیا سرۆشتێ لەشكانی یێ مرۆڤی نەشیای بكەت، خودێ ئەو كر: وی كوڕێ خۆ ب لەشەكێ وەكو لەشێ مە یێ گونەهكار هنارت بۆ كەفارەتا گونەهان، هۆسا وی گونە‍‌ھ د لەشی دا گونەهبار كر،

1 كورنتۆس 1:30

هەر ئەوە ئەگەرێ ئێكبوونا هەوە ل گەل مەسیح عیسای، ئەو مەسیحێ بۆ مە بوویە ئاقلمەندی ژ نك خودێ، راستداری، پیرۆزی و رزگاری،

2 كورنتۆس 5:17

ئەڤجا ئەگەر كەسەك د ئێكبوونا ل گەل مەسیحی دا بیت، ئەو ئافرندەیەكێ نویە: تشتێن كەڤن بورین و نەمان، ئەڤە یێن نوی چێبوون.

2 كورنتۆس 5:21

ئەوێ كو ئێكجار گونە‍‌ھ نەكری، خودێ ژ پێخەمەت مە ئەو كرە قوربانیێ گونەهێ، دا ئەم ب رێكا ئێكبوونا مە ل گەل وی ل نك خودێ راستدار دەركەڤین.

گالاتیا 2:16

دزانین كو مرۆڤ ب كارێن دەستووری بێگونە‍‌ھ دەرناكەڤیت، لێ ب تنێ ب رێكا باوەریێ ب عیسایێ مەسیح، لەوما مە ژی باوەری ب عیسایێ مەسیح ئینا، داكو ب رێكا باوەریێ ب مەسیحی، نە ب كارێن دەستووری، بێگونە‍‌ھ دەركەڤین. چنكو كەس ب كارێن دەستووری بێگونە‍‌ھ دەرناكەڤیت.

فیلیپی 3:6

سەبارەت دلگەرمیێ، تەپەسەركەرێ جڤاكا باوەردارێن مەسیح عیسای بووم. سەبارەت راستداریا د دەستووری دا، ئەز یێ بێكێماسی بووم.

2 تیمۆتاوس 1:9

خودێیە یێ ئەم قورتال كرین و بۆ گازیكرنەكا پیرۆز ئەم گازی كرین، نە ل دویڤ كریارێن مە، لێ ل دویڤ مەبەست و كەرەما خۆ یا بەری دەستپێكا ئافراندنێ ب رێكا مەسیح عیسای بۆ مە هاتیە دان

تیتۆس 3:5

وی ئەم قورتال كرین. نە ژ بەر كارێن راستداریێ یێن مە كرین، لێ وی ئەڤ چەندە ل دویڤ دلۆڤانیا خۆ كر، ب شویشتنا ژدایكبوونا دوویێ و نویكرنێ ب گیانێ پیرۆز،

عیبرانی 6:18

دا ب دوو تشتێن نەگوهۆڕ، یێن كو مەحالە خودێ تێدا درەوێ بكەت، مە هاندانەكا ب هێز هەبیت، ئەم ئەوێن پەنا بریە نك وی، دا خۆ ب وێ هیڤیێ ڤە بگرین، یا ل پێشیا مە هاتیە دانان.

یەعقوب 3:2

ئەم هەمی د گەلەك تشتان دا شاشیان دكەین. ئەگەر ئێك د ئاخفتنا خۆ دا شاش نەبیت، ئەو مرۆڤەكێ كاملە، دشێت لەشێ خۆ هەمیێ ژی لغاڤ بكەت.

2 پەترۆس 1:1

ژ من، شەمعون پەترۆس، بەنی و هنارتیێ عیسایێ مەسیح، بۆ وان یێن ب راستداریا خودێ، قورتالكەرێ مە عیسایێ مەسیح، باوەریەكا بهاگران یا وەكو یا مە وەرگرتی:

1 یوحەننا 3:4

هەر كەسێ گونەهێ بكەت، سەرپێچیێ ژی دكەت، چنكو گونە‍‌ھ سەرپێچیە.