فیلیپی 3:8 - ئنجیلا پیرۆز

⁸ هێشتا ژ وێ زێدەتر، ئەز هەمی تشتان ب زیان ددانم، ل هەمبەری بهاگرانیا بێ سنوور یا نیاسینا مەسیح عیسایێ خودانێ من، ئەوێ ژ پێخەمەت وی من هەمی تشت زیانكرین و ئەز وان تشتان وەكو گلێش دبینم، دا مەسیحی قازانج بكەم

فیلیپی 3:8 Iomraidhean Croise

مزگینیا لوقای 1:43

ئەڤە چ بەختەوەریەكە كو دایكا خودانێ من سەرەدانا من بكەت؟

مزگینیا لوقای 11:20

لێ ئەگەر ئەز ب تبلا خودێ ئەجنەیان دەردئێخم، ئەڤە پاشایەتیا خودێ یا ب سەر هەوە دا هاتی.

مزگینیا یوحەننای 14:20

د وێ رۆژێ دا، هوین دێ زانن كو ئەز یێ د ناڤ بابێ خۆ دا و هوین یێ د ناڤ من دا و ئەز یێ د ناڤ هەوە دا.

مزگینیا یوحەننای 14:7

ئەگەر هەوە ئەز نیاسیبم، هەوە بابێ من ژی یێ نیاسی. ئەڤجا ژ نوكە و پێڤە هوین وی دنیاسن و هەوە یێ دیتی.»

مزگینیا یوحەننای 16:3

دێ ڤان تشتان كەن، چنكو ئەو نە بابی دنیاسن و نە ژی من دنیاسن.

مزگینیا یوحەننای 17:3

ژیانا هەروهەر ژی ئەڤەیە: ئەو تە، ئانكو خودایێ راستەقینە یێ ئێكانە، و عیسایێ مەسیح یێ تە هنارتی، بنیاسن.

مزگینیا یوحەننای 17:8

چنكو ئەو پەیڤێن تە داینە من، من دانە وان و وان وەرگرتن و ب راستی زانی كو ئەز یێ ژ نك تە هاتیم و وان باوەری ئینا كو تە ئەز یێ هنارتیم.

مزگینیا یوحەننای 20:13

ئینا ئەوان پرسیار ژێ كر: «خانم، تۆ بۆچی دكەیە گری؟» وێ بەرسڤا وان دا: «وان خودانێ من بر و ئەز نزانم دانایە كیرێ!»

مزگینیا یوحەننای 20:28

ئینا توماسی بەرسڤا وی دا و گۆت: «خودانێ من و خودایێ من!»

كارێن هنارتیان 20:24

لێ ئەز چ پویتەی ب ژیانا خۆ نادەم، ب تنێ ئارمانجا من ئەوە كو ئەز ئەركێ خۆ، ئانكو ئەو خزمەتا من ژ خودان عیسای وەرگرتی، ب دویماهی بینم، كو شاهدەییێ بۆ مزگینیا كەرەما خودێ بدەم.

رۆما 8:18

ئەز دبینم كو ئازارێن مە ل ڤی سەردەمی ل گەل وێ مەزناهیا كو دێ بۆ مە هێتە ئاشكراكرن، ناهێنە هەڤبەركرن.

رۆما 8:39

نە بلنداهی، نە كویراتی و نە ژی تشتەكێ دی یێ هاتیە ئافراندن دێ شێت حەزژێكرنا خودێ ژ مە ڤەكەت، ئەوا ب رێیا خودانێ مە مەسیح عیسای دهێت.

1 كورنتۆس 2:2

چنكو من بڕیار دا، دەمێ ئەز د ناڤ هەوە دا، فێركرنێ ل دۆر تشتەكێ دی نەكەم، ژبلی عیسایێ مەسیح، ئەو ژی ب خاچدایی.

1 كورنتۆس 9:10

یان ڤێ چەندێ ب تەمامی بۆ مە نابێژیت؟ بەلێ، ئەڤە بۆ مە هاتیە نڤیسین، چنكو یێ جۆتی دكەت، دڤێت ب هیڤی ڤە جۆتی بكەت و یێ گێرێ دكەت، دڤێت ب وێ هیڤیێ گێرێ بكەت، كو هەر ئێك دێ بەهرا خۆ ژێ هەلگریت.

2 كورنتۆس 4:4

چنكو خوداوەندێ ڤێ جیهانێ زێهنێ بێباوەران كۆرە كریە، داكو رۆناهیا مزگینیا رەونەقیا مەسیحێ كو وێنەیێ خودێیە، نەبینن.

2 كورنتۆس 4:6

چنكو ئەو خودایێ گۆتی: «بلا رۆناهی ژ تاریاتیێ شەوقێ بدەت»، ئەوە یێ د دلێ مە دا شەوق دای، دا ئەم ب رێكا وێ شەوقا ژ دێمێ عیسایێ مەسیحی دەردكەڤیت، رەونەقیا خودێ بنیاسین.

گالاتیا 1:16

كو كوڕێ خۆ بۆ من ئاشكرا بكەت، دا وی د ناڤ مللەتێن نەجوهی دا بدەمە نیاسین، هنگی من شیرەتا خۆ ب چ مرۆڤان نەكر،

ئەفەسۆس 4:13

تاكو ئەم هەمی بگەهینە ئێكەتیا باوەریێ و نیاسینا كوڕێ خودێ، هەروەسا ئەم ببینە مرۆڤەكێ پێگەهشتی، بگەهینە ئاستێ تەمامێ بەژنا مەسیحی.

فیلیپی 1:1

ژ مە، پاولۆس و تیمۆتاوسی، بەنیێن مەسیح عیسای، بۆ وان هەمیێن ل فیلیپی، ئەوێن ب رێیا مەسیح عیسای هاتینە پیرۆزكرن، ل گەل چاڤدێر و خزمەتكاران:

فیلیپی 3:10

من دڤێت مەسیحی بنیاسم و هێزا رابوونا وی ژ ناڤ مریان بزانم و پشكدارێ ئازارێن وی بم و وەكو وی لێ بهێم د مرنا وی دا،

فیلیپی 3:12

ئەز نابێژم كو ئەز گەهشتمە ئارمانجێ، یان كامل بووم، لێ ئەز بزاڤێ دكەم، دا وێ چەندێ ب دەست خۆ ڤە بینم، ئەوا ژ پێخەمەت وێ مەسیح عیسای ئەز ب دەست خۆ ڤە بریم.

فیلیپی 3:7

لێ ئەو تشتێن ب چاڤێن من قازانج بوون، من ئەو ژ پێخەمەت مەسیحی ب زیان یێن دیتین.

2 تیمۆتاوس 4:6

چنكو ئەڤە ئەز وەكو پێشكێشیەكێ رژاندنێ دهێمە رشتن، دەمێ وەغەركرنا من یێ هاتی.

عیبرانی 3:14

چنكو ئەم بووینە هەڤپشكێن مەسیحی، ئەگەر مە تا دویماهیێ خۆ ب وێ پشتڕاستیێ ڤە گرت یا مە ل دەستپێكێ هەی.

1 پەترۆس 2:7

ئەڤجا ژ بۆ هەوە باوەرداران، ئەو یێ بهاگرانە، لێ ژ بۆ یێن نەباوەردار، «ئەو بەرێ هۆستایان رەتكری، یێ بوویە بەرێ بنیاتی،»

2 پەترۆس 1:2

ب نیاسینا خودێ و عیسایێ خودانێ مە، كەرەم و ئاشتی ب زێدەیی ل سەر هەوە بن.

2 پەترۆس 1:3

هێزا وی یا خودایی هەمی تشتێن پێدڤی بۆ ژیانێ و خودێترسیێ داینە مە، ب رێكا نیاسینا وی یێ ئەم ب مەزناهی و چاكیا خۆ گازی كرین.

2 پەترۆس 1:8

چنكو ئەگەر ئەڤ تشتە ل نك هەوە هەبن و زێدە ببن، دێ هەوە كەتە مرۆڤێن بكێرهاتی و بەرهەمدار د نیاسینا خودانێ مە عیسایێ مەسیح دا.

2 پەترۆس 3:18

لێ د كەرەم و نیاسینا خودان و قورتالكەرێ مە عیسایێ مەسیح دا وەرارێ بكەن. مەزناهی بۆ وی بیت، نوكە و هەتا هەتایێ. ئامین.

1 یوحەننا 1:3

ئەوا مە دیتی و بهیستی بۆ هەوە رادگەهینین، دا هەوە ژی هەڤپشكی ل گەل مە هەبیت. هەڤپشكیا مە ژی ل گەل بابی و ل گەل كوڕێ وی عیسایێ مەسیحە.

1 یوحەننا 2:19

ئەو ژ ناڤ مە دەركەفتن، لێ ئەو ژ مە نەبوون، چنكو ئەگەر ئەو ژ مە بان، دا ل گەل مە مینن. لێ ئەو دەركەفتن، دا دیار ببیت كو ئەو هەمی نە ژ مەنە.

1 یوحەننا 5:20

دزانین ژی كو كوڕێ خودێ هاتیە و تێگەهشتن دایە مە، دا یێ راستەقینە بنیاسین. ئەم د ناڤ یێ راستەقینە داینە، د ناڤ كوڕێ خودێ عیسایێ مەسیح دا. ئەوە خودایێ راستەقینە و ژیانا هەروهەر.