فیلیپی 3:5 - ئنجیلا پیرۆز

⁵ ئەز ل رۆژا هەشتێ هاتیمە سونەتكرن، ئەز ژ گەلێ ئیسرائیل و ژ هۆزا بنیامینیمە، ئەز عیبرانی كوڕێ عیبرانیمە. سەبارەت دەستووری، فەریسی بووم.

فیلیپی 3:5 Iomraidhean Croise

مزگینیا لوقای 1:59

ل رۆژا هەشتێ هاتن دا كوڕكی سونەت بكەن و وان دڤیا ب ناڤێ بابێ وی زەكەریای ناڤ بكەن،

مزگینیا لوقای 2:21

پشتی هەشت رۆژ ب سەر ژدایكبوونێ ڤە بورین، دەمێ سونەتكرنا وی هات و ناڤێ وی كرنە عیسا، هەروەكو ژ لایێ فریشتەی ڤە، بەری دایكا وی ب وی ب دووگیان بكەڤیت، ناڤ ل سەر هاتیە دانان.

مزگینیا لوقای 5:38

لێ دڤێت شەرابا نوی بكەنە مەشكێن نوی.

كارێن هنارتیان 22:3

«ئەز جوهیمە، ل تەرسۆسا كیلیكیایێ ژ دایك بوویمە، لێ ئەز ل ڤی باژێڕی یێ مەزن بوویم و ل بەر دەستێ گەمالائیلی، ل دویڤ دەستوورێ بابكالێن مە، قاییم یێ پەروەردە بوویم و وەكو هەوە هەمیان ل ئەڤرۆ، بۆ خودێ یێ دلگەرم بووم.

كارێن هنارتیان 23:6

دەمێ پاولۆسی زانی كو هندەك ژ ئەندامێن جڤاتێ سەدوقینە و هندەكێن دی فەریسی، ب دەنگەكێ بلند گۆتە جڤاتێ: «گەلی برایان، ئەز فەریسی كوڕێ فەریسیمە. ژ بەر باوەریا من كو مری دێ رابن، دهێمە دادگەهكرن.»

كارێن هنارتیان 6:1

ل وان رۆژان، دەمێ شاگرد مشە دبوون، جوهیێن یونانی نەرازیبوونا خۆ ل سەر عیبرانیان دیار كر، چنكو بیژنێن وان د هاریكاریێن رۆژانە دا دهاتنە پشت گو‍‌ھ ڤە ئێخستن.

رۆما 11:1

ئەڤجا ئەز دبێژم: ئایا خودێ گەلێ خۆ رەت كریە؟ حاشا! ئەز ب خۆ ژی ئیسرائیلیمە، ژ دویندەها ئیبراهیمی و ژ هۆزا بنیامینیمە.

2 كورنتۆس 11:22

ئەگەر ئەو عیبرانینە، ئەز ژی عیبرانیمە. ئەگەر ئەو ئیسرائیلینە، ئەز ژی ئیسرائیلیمە. ئەگەر ئەو ژ دویندەها ئیبراهیمینە، ئەز ژی ژ دویندەها ئیبراهیمیمە.