فیلیپی 3:12 - ئنجیلا پیرۆز

¹² ئەز نابێژم كو ئەز گەهشتمە ئارمانجێ، یان كامل بووم، لێ ئەز بزاڤێ دكەم، دا وێ چەندێ ب دەست خۆ ڤە بینم، ئەوا ژ پێخەمەت وێ مەسیح عیسای ئەز ب دەست خۆ ڤە بریم.

فیلیپی 3:12 Iomraidhean Croise

مزگینیا مەتتای 5:48

ئەڤجا د بێكێماسی بن هەروەكو بابێ هەوە یێ ئەسمانی یێ بێكێماسیە.

كارێن هنارتیان 9:15

لێ خودانی گۆتێ: «تۆ هەڕە! چنكو ئەو بۆ من ئامانەكێ هەلبژارتیە، كو ناڤێ من بۆ مللەتێن نەجوهی و پاشایان و گەلێ ئیسرائیلێ هەلگریت.

رۆما 8:39

نە بلنداهی، نە كویراتی و نە ژی تشتەكێ دی یێ هاتیە ئافراندن دێ شێت حەزژێكرنا خودێ ژ مە ڤەكەت، ئەوا ب رێیا خودانێ مە مەسیح عیسای دهێت.

1 كورنتۆس 13:10

لێ دەمێ تشتێ كامل بهێت، ئەوێ نەكامل دێ ژ كار كەڤیت.

1 كورنتۆس 13:12

ئەڤجا نوكە د خۆدیكێ را، ئەم شێلی دبینین، لێ وی دەمی ئەم دێ روی ب روی بینین. نوكە زانینا من نە یا كاملە، لێ وی دەمی ئەز دێ ب كاملی نیاسم، هەروەكو ئەز ب كاملی هاتیمە نیاسین.

1 كورنتۆس 9:24

ما هوین نزانن ئەوێن ل یاریگەهێ غاردانێ دكەن، هەمی دكەنە غار، لێ ب تنێ ئێك خەلاتی وەردگریت؟ هوین ژی هۆسا بكەنە غار، دا خەلاتی وەربگرن.

2 كورنتۆس 13:9

ئەم دلخۆش دبین، دەمێ ئەم لاواز دبین و هوین بهێز بن. ئەوا ئەم ژ خودێ دخوازین: راستڤەكرنا هەوەیە.

2 كورنتۆس 7:1

ئەڤجا، مادەم ئەم خودانێن ڤان سۆزاینە، گەلی خۆشتڤیان، بلا ئەم خۆ ژ هەر جۆرەكێ پیساتیا لەشی و گیانی پاك بكەین و ژ بەر ترسا خودێ ب تەمامی پیرۆز ببین.

گالاتیا 5:17

چنكو حەزا لەشی دژی گیانێ پیرۆزە و حەزا گیانێ پیرۆز دژی لەشیە. ئەڤ هەردوویە بەرهنگاریا ئێكودوو دكەن، لەوما هوین نەشێن هەر حەزەكا هەوە بڤێت، ب ج‍‌ھ بینن.

ئەفەسۆس 1:4

وی ژ بەری دامەزراندنا جیهانێ، ب ئێكبوونا مە ل گەل مەسیحی ئەم هەلبژارتین، دا ئەم ل بەرامبەری وی د حەزژێكرنێ دا د پیرۆز بین و گازندە ژ مە نەبن.

ئەفەسۆس 4:12

بۆ ئامادەكرنا پیرۆزكریان بۆ كارێ خزمەتێ ژ پێخەمەت ئاڤاكرنا لەشێ مەسیحی،

فیلیپی 1:1

ژ مە، پاولۆس و تیمۆتاوسی، بەنیێن مەسیح عیسای، بۆ وان هەمیێن ل فیلیپی، ئەوێن ب رێیا مەسیح عیسای هاتینە پیرۆزكرن، ل گەل چاڤدێر و خزمەتكاران:

فیلیپی 3:16

ب تنێ، بلا ل دویڤ وی ئاستێ ئەم گەهشتینێ، بژین.

فیلیپی 3:3

چنكو سونەتكریێن دروست ئەمین، یێن ب گیانێ خودێ پەرستنێ دكەین و شانازیێ ب مەسیح عیسای دبەین و پشتا خۆ ب لەشی گەرم ناكەین،

فیلیپی 3:8

هێشتا ژ وێ زێدەتر، ئەز هەمی تشتان ب زیان ددانم، ل هەمبەری بهاگرانیا بێ سنوور یا نیاسینا مەسیح عیسایێ خودانێ من، ئەوێ ژ پێخەمەت وی من هەمی تشت زیانكرین و ئەز وان تشتان وەكو گلێش دبینم، دا مەسیحی قازانج بكەم

1 سالونیكی 5:15

هشیار بن كەس ژ ئەنجامێ خرابیێ، خرابیێ ل كەسێ نەكەت، لێ هەرگاڤ ل گەل ئێكودوو و ل گەل هەمیان ل دویڤ باشیێ هەڕن.

2 سالونیكی 2:13

لێ پێدڤیە ئەم هەردەم ژ پێخەمەت هەوە، گەلی خویشك و برایێن خۆشتڤی ژ لایێ خودانی ڤە، سوپاسیا خودێ بكەین، چنكو هەر ژ دەستپێكێ خودێ هوین ژ بۆ قورتالبوونێ ب رێكا پیرۆزكرنێ ژ لایێ گیانێ پیرۆز ڤە و باوەری ئینان ب راستیێ، هەلبژارتن.

1 تیمۆتاوس 5:10

و ل سەر كریارێن چاك شاهدەیی بۆ بهێتە دان: ئەگەر زاڕۆكێن خۆ بخودان كربن، مێڤان حەواندبن، پێیێن پیرۆزكریان شویشتبن، هاریكاریا كەسێن د تەنگاڤیێ دا كربیت و ل دویڤ هەر كارەكێ باش چووبیت.

1 تیمۆتاوس 6:19

هۆسا دێ بۆ خۆ گەنجینەیەكێ عومبار كەن كو بۆ پاشەڕۆژێ بنیاتەكێ باش بیت، دا ژیانا راستەقینە ب دەست خۆ ڤە بینن.

عیبرانی 12:14

بۆ ئاشتیێ ل گەل هەمی كەسان بزاڤێ بكەن، هەروەسا بۆ پیرۆزیێ، ئەوا بێی وێ كەس خودانی نابینیت.

عیبرانی 12:23

نك جڤاكا نەخریێن تۆماركری د ئەسمانان دا، نك خودێ، دادوەرێ هەمیان، نك گیانێ راستدارێن هاتینە كاملكرن،

عیبرانی 13:21

هەوە ب هەر تشتەكێ باش ئامادە بكەت، دا هوین حەزا وی ب ج‍‌ھ بینن. بلا كارێ ب دلێ خۆ ب رێیا عیسایێ مەسیح د مە دا بكەت، هەتا هەتایێ مەزناهی بۆ وی بیت. ئامین.

یەعقوب 3:2

ئەم هەمی د گەلەك تشتان دا شاشیان دكەین. ئەگەر ئێك د ئاخفتنا خۆ دا شاش نەبیت، ئەو مرۆڤەكێ كاملە، دشێت لەشێ خۆ هەمیێ ژی لغاڤ بكەت.

1 پەترۆس 5:10

خودایێ هەمی كەرەمێ ژی، ئەوێ هوین ب مەسیح عیسای گازی كرینە مەزناهیا خۆ یا هەتا هەتایی، پشتی كو هەوە بۆ دەمەكێ كورت ئازار كێشای، ئەو ب خۆ دێ هەوە كامل كەت و موكم كەت و بهێز ئێخیت و خۆج‍‌ھ كەت.

2 پەترۆس 3:18

لێ د كەرەم و نیاسینا خودان و قورتالكەرێ مە عیسایێ مەسیح دا وەرارێ بكەن. مەزناهی بۆ وی بیت، نوكە و هەتا هەتایێ. ئامین.