فیلیپی 2:6 - ئنجیلا پیرۆز

⁶ عیسایێ مەسیح د بنیاتێ خۆ دا، خودێ بوو، وی نەڤیا یەكسانیا خۆ ل گەل خودێ بۆ بەرژەوەندیا خۆ ب كار بینیت،

فیلیپی 2:6 Iomraidhean Croise

مزگینیا مەتتای 1:23

«ئەڤە دێ كچا پاكیزە ب دووگیان كەڤیت و دێ كوڕەك بیت و دێ بێژنێ عەمانوئێل» و رامانا ڤی ناڤی ژی: «خودێ ل گەل مەیە.»

مزگینیا یوحەننای 1:18

كەسێ چ جاران خودێ نەدیتیە، لێ كوڕێ ئێكانە، كو ئەو ب خۆ ژی خودێیە، ئەوێ د هەمبێزا بابی دا، ئەوی خودێ یێ دایە نیاسین.

مزگینیا یوحەننای 10:30

ئەز و باب ئێكین.»

مزگینیا یوحەننای 10:33

جوهیان بەرسڤا وی دا: «ئەم نە ژ بەر كارەكێ باش دێ تە بەرباران كەین، لێ ژ بەر كوفریێ، چنكو تۆ مرۆڤی و خۆ دكەیە خودێ.»

مزگینیا یوحەننای 10:38

لێ ئەگەر ئەز كارێن وی دكەم، خۆ ئەگەر هوین باوەر ژ من ژی نەكەن، باوەر ژ وان كاران بكەن، دا هوین بزانن و تێبگەهن كو باب یێ د ناڤ من دا و ئەز یێ د ناڤ وی دا.»

مزگینیا یوحەننای 14:28

هەوە بهیست كو من گۆتە هەوە: ئەز دێ چم و پاشی دێ ڤەگەڕم. ئەڤجا ئەگەر هەوە حەز ژ من كربا، هوین دا دلخۆش بن كو ئەز دێ چمە نك بابی، چنكو باب ژ من مەزنترە.

مزگینیا یوحەننای 14:9

عیسای بەرسڤا وی دا: «فیلیپۆس، ئەڤ دەمێ هندە درێژ ئەز ل گەل هەوە و هێشتا تە ئەز نەنیاسیمە؟ ئەوێ ئەز دیتیم، وی باب ژی یێ دیتی. چەوا تۆ دبێژیە من: ‹بابی نیشا مە بدە؟›

مزگینیا یوحەننای 17:5

باب، نوكە من ل نك خۆ مەزن بكە، ب وێ مەزناهیا من بەری هەبوونا جیهانێ ل نك تە هەبوو.

مزگینیا یوحەننای 20:28

ئینا توماسی بەرسڤا وی دا و گۆت: «خودانێ من و خودایێ من!»

مزگینیا یوحەننای 5:18

ژ بەر ڤێ چەندێ جوهیان پتر بزاڤا كوشتنا عیسای دكر، چنكو وی نە ب تنێ سەرپێچیا دەستوورێ رۆژا شەمبیێ دكر، لێ وی دگۆت ژی كو خودێ بابێ ویە، هۆسا ئەوی خۆ دئینا رێزا خودێ.

مزگینیا یوحەننای 5:23

دا هەمی رێزێ ل كوڕی بگرن، هەروەكو رێزێ ل بابی دگرن. یێ رێزێ ل كوڕی نەگریت، ئەو رێزێ ل بابێ كوڕ هنارتی ژی ناگریت.

رۆما 9:5

بابكال یێن وانن و مەسیح ژی ل دویڤ لەشی ژ وان هاتیە، ئەوێ كو د سەر هەمی تشتان دایە و خودایێ هەروهەر هەژی پەسنێیە. ئامین.

2 كورنتۆس 4:4

چنكو خوداوەندێ ڤێ جیهانێ زێهنێ بێباوەران كۆرە كریە، داكو رۆناهیا مزگینیا رەونەقیا مەسیحێ كو وێنەیێ خودێیە، نەبینن.

2 كورنتۆس 8:9

چنكو هوین كەرەما خودانێ مە عیسایێ مەسیح دزانن: كو هەر چەندە ئەو یێ دەولەمەند بوو، لێ ئەو ژ پێخەمەت هەوە بوو هەژار، دا هوین ب هەژاریا وی دەولەمەند ببن.

1 تیمۆتاوس 1:17

هەتا هەتایێ رێز و مەزناهی بۆ پاشایێ سەردەمان یێ نەمر و نەهێتە دیتن، بۆ خودایێ ئێكانە بیت! ئامین.

1 تیمۆتاوس 3:16

بێگۆمان، نهێنیا خودێپەرێسیا راستەقینە یا مەزنە: ئەو ب لەشی دیار بوو، ژ لایێ گیانێ پیرۆز ڤە راستدار هاتە دەرئێخستن، ژ لایێ فریشتەیان ڤە هاتە دیتن، مزگینیا وی د ناڤ مللەتان دا هاتە راگەهاندن، د جیهانێ دا باوەری پێ هاتە ئینان و د مەزناهیێ دا هاتە بلندكرن.

تیتۆس 2:13

و چاڤەڕێی وێ رۆژا بەختەوەر بین یا ئەم ل هیڤیێ، كو دیاربوونا روومەتا خودایێ مەزن، قورتالكەرێ مە عیسایێ مەسیحە.

عیبرانی 1:3

ئەو تیڕێژا مەزناهیا خودێیە و دەق و دەق وێنەیێ گەوهەرێ ویە، هەمی تشتێن د گەردوونێ دا ب پەیڤا خۆ یا هێزدار رێك دئێخیت. پشتی وی پاقژكرن بۆ گونەهێن مرۆڤان ئامادە كری، ل دەستێ راستێ یێ مەزناهیێ ل بلنداهیان روینشت.

عیبرانی 1:6

هەروەسا دەمێ كوڕێ خۆ یێ نەخری دئینیتە جیهانێ، دبێژیت: «بلا هەمی فریشتەیێن خودێ سوجدێ بۆ ببەن!»

عیبرانی 1:8

لێ دەربارەی كوڕی دبێژیت: «تەختێ تە، هەی خودێ، بۆ هەتا هەتایێیە و سەوڵەجانێ پاشایەتیا تە، سەوڵەجانێ دادپەروەریێیە.

عیبرانی 13:8

عیسایێ مەسیح، دوهی و ئەڤرۆ و هەتا هەتایێ، وەكو خۆیە.

ئاشكراكرن 21:6

هەروەسا گۆتە من: «ب ج‍‌ھ هات! ئەز ئەلفا و ئۆمێگامە، دەستپێك و دویماهیك. ئەز دێ بێ بەرامبەر ژ كانیا ئاڤا ژیانێ دەمە یێ تێهنی.