5 بلا هزركرنا هەوە وەكو هزركرنا عیسایێ مەسیح بیت:
نیركێ من داننە سەر ستۆیێ خۆ و ژ من فێر ببن، چنكو ئەز یێ دلنەرم و دەروونبچویكم و دێ بۆ دەروونێن خۆ بێهنڤەدانێ بینن.
ئەڤجا یێ مەزنتر كیە: ئەوێ ل سەر سفرێ روینشتی یان ژی یێ خزمەتێ دكەت؟ ما نە ئەوە یێ روینشتی؟ لێ ئەز د ناڤ هەوە دا وەكو وی كەسیمە یێ خزمەتێ دكەت.
كا چەوا خودێ عیسایێ ناسیرەیی ب گیانێ پیرۆز و ب هێزێ زەیت كر، ئەڤجا عیسا ژ جهەكی دچوو جهەكی و چاكی دكرن و هەمی ئەوێن ئبلیسی ئێخستینە بن هێزا خۆ، ساخ دكرن، چنكو خودێ د گەل وی دا بوو.
د هەمی تشتان دا، من نیشا هەوە دا، كو فەرە هوین هۆسا خۆ بۆ هاریكاریا بێهێزان بوەستینن، پەیڤێن خودان عیسای ل بیرا هەوە بن، كو گۆتیە: ‹بەختەوەریا دانێ ژ یا وەرگرتنێ پترە.›»
ئەڤجا ئەگەر برایێ تە ژ بەر تشتێ تۆ دخۆی دلتەنگ ببیت، ئێدی تۆ ل دویڤ حەزژێكرنێ رەفتارێ ناكەی. ب خوارنا تۆ دخۆی وی نەهەڕفینە یێ كو مەسیح ژ پێخەمەتی وی مری.
چنكو مەسیح ژی ل رازیكرنا خۆ نەگەڕیا، لێ هەروەكو هاتیە نڤیسین: «ئاخفتنێن كرێت ژ لایێ وان ڤە یێن تە كرێت دكەن، كەفتینە سەر من.»
بلا خودایێ هەدار و هاندانێ وێ چەندێ بدەتە هەوە، كو هوین د ناڤ خۆ دا د رێككەفتی بن، ل گۆر نموونەیا مەسیح عیسای،
هەروەكو ئەز ژی هەوڵ ددەم د هەر تشتی دا هەمیان رازی بكەم، ئەز ل مفایێ خۆ ناگەڕیێم، لێ ئەز ل مفایێ گەلەكان دگەڕیێم، دا ئەو قورتال ببن.
د حەزژێكرنێ دا بژین، هەروەكو مەسیحی ژی حەز ژ مە كری و خۆ گۆری مە كری، ژ پێخەمەت مە بوویە پێشكێشی و قوربانیەكێ بێهنخۆش بۆ خودێ.
ژ مە، پاولۆس و تیمۆتاوسی، بەنیێن مەسیح عیسای، بۆ وان هەمیێن ل فیلیپی، ئەوێن ب رێیا مەسیح عیسای هاتینە پیرۆزكرن، ل گەل چاڤدێر و خزمەتكاران:
بۆ وی تشتی هوین یێن هاتینە گازیكرن، چنكو مەسیحی ژی ژ پێخەمەت هەوە ئازار كێشان و هۆسا نموونەیەك بۆ هەوە ب ج‍‌ھ هێلا، دا ل دویڤ شووپا وی بچن،
ئەڤجا مادەم مەسیحی د لەشی دا ئازار كێشا، هوین ژی ب وێ نیازێ خۆ چەكدار بكەن، چنكو یێ د لەشی دا ئازار كێشای، دەست ژ گونەهێ بەردایە،
ئەوێ دبێژیت: «ئەز د ناڤ وی دا یێ بنەجهم،» پێدڤیە وەسا بژیت، هەروەكو عیسا ژیای.
