فیلیپی 2:30 - ئنجیلا پیرۆز

³⁰ چنكو ئەو ژ بەر كارێ مەسیحی هاتە بەر مرنێ، وی ژیانا خۆ ئێخستە د مەترسیێ دا، داكو ئەو خزمەتا هوین نەشیاین بۆ من بكەن، ئەو ل جهێ هەوە بكەت.

فیلیپی 2:30 Iomraidhean Croise

كارێن هنارتیان 20:24

لێ ئەز چ پویتەی ب ژیانا خۆ نادەم، ب تنێ ئارمانجا من ئەوە كو ئەز ئەركێ خۆ، ئانكو ئەو خزمەتا من ژ خودان عیسای وەرگرتی، ب دویماهی بینم، كو شاهدەییێ بۆ مزگینیا كەرەما خودێ بدەم.

رۆما 16:4

ئەوان ژ پێخەمەت ژیانا من سەرێ خۆ دانا بەر مرنێ. نە ب تنێ ئەز، لێ هەمی جڤاكێن باوەردارێن نەجوهی ژی، سوپاسدارێن وانین.

1 كورنتۆس 15:53

چنكو دڤێت ئەڤێ درزیت رزینەبوونێ ل بەر خۆ بكەت و ئەڤێ دمریت نەمریێ ل بەر خۆ بكەت.

1 كورنتۆس 16:10

ئەگەر تیمۆتاوس هات، وە بكەن كو ئەو ل نك هەوە یێ بێ ترس بیت، چنكو ئەو ژی وەكو من كارێ خودانی دكەت.

1 كورنتۆس 16:17

ئەز ب هاتنا ستیفاناس، فۆرتوناتۆس و ئاخایكۆسی دلخۆش بووم، چنكو وان جهێ هەوە یێ ڤاڵا تژی كر.

2 كورنتۆس 12:15

ئەز دێ ب هەمی دلخۆشی مالێ خۆ و گیانێ خۆ ژی بۆ هەوە مەزێخم. ئەگەر ئەز زێدەتر حەز ژ هەوە بكەم، ما هوین دێ كێمتر حەز ژ من كەن؟

2 كورنتۆس 4:12

ئەڤجا مرن د مە دا كار دكەت، لێ ژیان د هەوە دا.

فیلیپی 2:17

لێ ئەگەر وەكو پێشكێشیێ رژاندنێ ل سەر قوربانی و خزمەتا باوەریا هەوە بهێمە رشتن ژی، ئەز دلخۆش دبم و ل گەل هەوە هەمیان كەیفخۆش دبم.

فیلیپی 2:27

ب راستی ئەو هند نەساخ بوو، هاتە بەر مرنێ، لێ خودێ دلۆڤانی پێ بر، نە ب تنێ ب وی بر، لێ ب من ژی بر، داكو بۆ من كۆڤانا ل سەر كۆڤانێ نەبیت.

فیلیپی 4:10

ئەز ب خودانی گەلەك دلخۆش بووم، كو نوكە بۆ جارەكا دی خەمخۆریا هەوە بۆ من بشكڤیڤە. ب راستی هەوە هەر خەما من د خوار، لێ هەوە دەلیڤە نەبوو كو هاریكاریا من بكەن.

فیلیپی 4:18

ئێدی من تێرا هەمی پێدڤیێن خۆ یێ هەی و زێدەتر ژی. ئەز كەفتمە د بەرفرەهیێ دا، پشتی من ئەو تشت وەرگرتین، یێن ئێپافرۆدیتۆسی بۆ من ژ نك هەوە ئیناین، كو پێشكێشیەكێ بێهنخۆش و قوربانەكێ قەبیلكری و جهێ رازیبوونا خودێیە.

فلیمون 1:13

من حەز دكر وی ل نك خۆ بهێلم، دا دەمێ ئەز ژ پێخەمەت مزگینیێ د قەیدێ دا، ل شوینا تە خزمەتا من بكەت،

ئاشكراكرن 12:11

ئەو ب خوینا بەرخی و ب پەیڤا شاهدەییا خۆ ل سەر وی ب سەركەفتن و وان حەز ژ ژیانا خۆ نەكر، خۆ ل بەرامبەر مرنێ ژی.