فیلیپی 2:2 - ئنجیلا پیرۆز

² هۆسا شادیا من تەمام بكەن: بلا هوین ل سەر هەمان هزر بن، هەوە هەمان ڤیان هەبیت و هوین ئێك دل و ئێك مەبەست بن.

فیلیپی 2:2 Iomraidhean Croise

مزگینیا یوحەننای 3:29

بویك بۆ كێ بیت، ئەو زاڤایە. لێ هەڤالێ زاڤای، ئەوێ كو د خزمەتا زاڤای دا راوەستیایە و گو‍‌ھ ل دەنگێ وی دبیت، ب دەنگێ وی دلخۆش دبیت. ئەڤجا ئەڤ دلخۆشیە یا منە، كو ئەو نوكە تەمام بوویە.

كارێن هنارتیان 1:14

ئەڤە هەمی، ل گەل هندەك ژنكان و مەریەما دایكا عیسای و برایێن وی، ب ئێك دل ل سەر نڤێژان د بەردەوام بوون.

كارێن هنارتیان 2:1

دەمێ جەژنا رۆژا پێنجیێ هاتی، ئەو هەمی پێكڤە ل جهەكی بوون.

كارێن هنارتیان 2:46

ئەو هەر رۆژ ب ئێك دل ل سەر كۆمبوونێ د حەوشا پەرستگەهێ دا د بەردەوام بوون و د مالان دا نان كەر دكر و ب شادی و دلساخی خوارن پێكڤە دخوار.

كارێن هنارتیان 5:12

ل سەر دەستێ هنارتیان گەلەك نیشان و مەندەهۆشی د ناڤ مللەتی دا دهاتنە كرن. ئەو هەمی ب ئێك دل ل ئەیوانا سلێمانی كۆم دبوون

رۆما 12:16

ل گەل ئێكودوو د هەڤهزر بن. د دفنبلند نەبن، لێ تێكهەلیا پایەنزمان بكەن، خۆ ئاقلمەند نەدانن.

1 كورنتۆس 1:10

ئەڤجا ئەز ب ناڤێ خودانێ مە عیسایێ مەسیح هیڤی ژ هەوە دكەم، گەلی خویشك و برایان، كو هوین هەمی د رێككەفتی بن و دووبەرەكی د ناڤ هەوە دا نەبن، لێ ل سەر هەمان هزر و هەمان مەبەست د ئێكگرتی بن،

2 كورنتۆس 13:11

ل دویماهیێ گەلی خویشك و برایان، د دلخۆش بن، خۆ راستڤە كەن، ئێكودوو هان بدەن، هەڤهزر بن، ب ئاشتیێ بژین، ئەڤجا خودایێ حەزژێكرنێ و ئاشتیێ دێ ل گەل هەوە بیت.

2 كورنتۆس 2:3

من ئەو تشت د نامەیا خۆ دا وەسا نڤیسی، داكو دەمێ ئەز بهێم، ژ وان خەمگین نەبم یێن كو پێدڤیە من دلخۆش بكەن. ئەز ژ هەوە هەمیان پشتڕاستم كو دلخۆشیا من دلخۆشیا هەوە هەمیانە.

2 كورنتۆس 7:7

نە ب تنێ ب هاتنا وی، لێ ب وێ هاندانێ ژی یا وی ژ هەوە وەرگرتی. وی گۆتە مە كا چەوا هوین بیریا من دكەن و چەند كۆڤاندارن و بۆ من چەند دلگەرمن، ئەڤجا ئەز زێدەتر دلخۆش بووم.

فیلیپی 1:4

هەردەم د هەمی نڤێژێن خۆ دا، ئەز ب دلخۆشی داخوازیان بۆ هەوە هەمیان دكەم،

فیلیپی 2:16

خۆ موكم ب پەیڤا ژیانێ ڤە بگرن، دا د رۆژا مەسیحی دا شانازیێ ببەم، كو بەزین و رەنجكێشانا من ب ئاڤێ دا نەچوویە.

فیلیپی 2:20

چنكو من كەسەكێ دی یێ وەكو وی نینە، كو ژ دل و دەروون خەمێ ژ كاروبارێن هەوە بخۆت،

فیلیپی 4:2

ئەز هیڤی ژ ئەیۆدیایێ و ژ سنتیخایێ دكەم، كو د ئێكبوونا ل گەل خودانی دا هەڤهزر ببن.

كۆلۆسی 2:5

چنكو ئەگەر ب لەشی ئەز ل نك هەوە یێ ئامادە نەبم، لێ ب گیانی ئەز ل گەل هەوەمە، ب دیتنا رێكوپێكی و موكمیا باوەریا هەوە ب مەسیحی، دلخۆش دبم.

2 سالونیكی 2:13

لێ پێدڤیە ئەم هەردەم ژ پێخەمەت هەوە، گەلی خویشك و برایێن خۆشتڤی ژ لایێ خودانی ڤە، سوپاسیا خودێ بكەین، چنكو هەر ژ دەستپێكێ خودێ هوین ژ بۆ قورتالبوونێ ب رێكا پیرۆزكرنێ ژ لایێ گیانێ پیرۆز ڤە و باوەری ئینان ب راستیێ، هەلبژارتن.

2 تیمۆتاوس 1:4

رۆندكێن تە دهێنە بیرا من و گەلەك حەز دكەم تە ببینم، دا ژ دلخۆشیێ پڕ ببم.

فلیمون 1:20

بەلێ، برایێ من! بلا ل سەر خاترا خودانی ئەز مفایەكی ژ تە ببینم، من د ئێكبوونا ل گەل مەسیحی دا دلگەش بكە.

2 یوحەننا 1:4

ئەز گەلەك دلخۆش بووم دەمێ من دیتی كو هندەك زاڕۆكێن تە، ب وی شێوەیێ بابی فەرمان ل مە كری، ل سەر راستیێ دچن.

3 یوحەننا 1:4

من دلخۆشیەكا ژ ڤێ مەزنتر نینە كو ئەز ببهیسم زاڕۆكێن من ل سەر راستیێ دچن.