فیلیپی 2:15 - ئنجیلا پیرۆز

¹⁵ دا گازندە ل سەر هەوە نەبن و هوین د بێگونە‍‌ھ بن، د ناڤ ڤی نفشێ خوار و خڕیای دا زاڕۆكێن خودێ یێن بێكێماسی بن، د ناڤ وان دا وەكو ستێران د جیهانێ دا ببرسقن.

فیلیپی 2:15 Iomraidhean Croise

مزگینیا مەتتای 10:16

گوهداریێ بكەن، ئەز هەوە وەكو میهان بۆ ناڤ گورگان دهنێرم، ئەڤجا وەكو ماران د هشیار بن و وەكو كووتران د بێگونە‍‌ھ بن.

مزگینیا مەتتای 17:17

عیسای بەرسڤ دا و گۆت: «هەی نفشێ بێباوەر و خوار، تا كەنگی دێ د ناڤ هەوە دا مینم؟ تا كەنگی دێ بێهنا خۆ ل هەوە فرە‍‌ھ كەم؟ وی بیننە نك من ل ڤێرێ.»

مزگینیا مەتتای 5:45

دا ببنە كوڕێن بابێ خۆ ئەوێ ل ئەسمانی، ئەوێ رۆژا خۆ ل سەر باش و خرابان دهەلینیت و بارانێ ل سەر بێگونە‍‌ھ و گونەهباران دبارینیت.

مزگینیا مەتتای 5:48

ئەڤجا د بێكێماسی بن هەروەكو بابێ هەوە یێ ئەسمانی یێ بێكێماسیە.

مزگینیا لوقای 1:6

هەردوو بەرامبەری خودێ د راست بوون و بێ گازندە فەرمان و شیرەتێن خودانی ب ج‍‌ھ دئینان.

مزگینیا لوقای 6:35

لێ حەز ژ دوژمنێن خۆ بكەن و چاكیێ بكەن و قەری بدەن بێی كو چاڤەڕێی ڤەگەڕاندنێ بن. ب ڤی رەنگی خەلاتێ هەوە دێ یێ مەزن بیت و دێ بنە كوڕێن خودایێ هەری بلند. چنكو ئەو چاكیا خۆ ب سەر مرۆڤێن نەسوپاسدار و خراب دا دادرێژیت.

مزگینیا یوحەننای 5:35

یوحەننا چرایەكێ هەل و روهن بوو، هوین رازی بوون بۆ دەمەكی ل بەر رۆناهیا وی خۆشیێ ببەن.

كارێن هنارتیان 2:40

پەترۆسی گەلەك شیرەتێن دی بۆ ئامادەبوویان گۆتن: «خۆ ژ ڤی نفشێ ڤاڕێ قورتال بكەن!»

كارێن هنارتیان 20:30

ژ ناڤ هەوە ژی دێ هندەك كەس رابن و تشتێن خواروڤیچ بێژن، داكو شاگردان ل دویڤ خۆ رابكێشن.

رۆما 16:19

گوهداریا هەوە گەهشتە گوهێن هەمیان، لەوما ئەز ب هەوە دلخۆشم. لێ من دڤێت هوین ل سەر باشیێ د هشیار بن و ل سەر خرابیێ د بێگونە‍‌ھ بن.

1 كورنتۆس 1:8

ئەو ژی دێ هەوە هەتا دویماهیێ موكم كەت، دا د رۆژا خودانێ مە عیسایێ مەسیح دا چ گازندە ل سەر هەوە نەبن.

2 كورنتۆس 6:17

لەوما «خودان دبێژیت: ژ ناڤ وان دەركەڤن و خۆ ڤەدەر كەن، دەست نەكەنە تشتەكێ هەڕمی، ئەڤجا ئەز دێ هەوە قەبیل كەم.

ئەفەسۆس 5:27

دا وێ وەكو جڤاكەكا شۆخ و شەنگ پێشكێشی خۆ بكەت، یا بێ پنی و بێ قورمچین و هەر تشتەكێ هۆسا بیت، لێ یا پیرۆز و بێكێماسی بیت.

فیلیپی 1:10

داكو هوین یا باشترین بهەلبژێرن، ئەڤجا د رۆژا مەسیحی دا د دلپاك و بێكێماسی بن

فیلیپی 3:6

سەبارەت دلگەرمیێ، تەپەسەركەرێ جڤاكا باوەردارێن مەسیح عیسای بووم. سەبارەت راستداریا د دەستووری دا، ئەز یێ بێكێماسی بووم.

1 سالونیكی 5:23

بلا خودایێ ئاشتیێ ب خۆ هەوە ب تەمامی پیرۆز بكەت و هەمی گیان و دەروون و لەشێ هەوە بپارێزیت، داكو ل دەمێ هاتنا خودانێ مە عیسایێ مەسیح د بێكێماسی بن.

1 تیمۆتاوس 3:10

بلا ئەو ل بەراهیێ بهێنە تاقیكرن، پاشی ئەگەر گازندە ل سەر نەبن، بلا وەكو خزمەتكار خزمەتێ بكەن.

1 تیمۆتاوس 3:2

ئەڤجا پێدڤیە چاڤدێر: گازندە ل سەر نەبیت، مێرێ ئێك ژن بیت، ل سەر خۆ یێ زاڵ بیت، خودان رەفتارەكا ئاقلانە بیت، یێ رێزدار بیت، یێ مێڤاندار بیت و بشێت فێركرنێ بكەت،

1 تیمۆتاوس 5:14

لەوما من دڤێت بیژنێن گەنج شوی بكەن، زاڕۆك ببن و د مالدار بن، دەرفەتێ نەدەنە نەیاری كو بوهتانان ب دویڤ مە ڤەنیت.

1 تیمۆتاوس 5:20

ئەوێن ل سەر گونەهكرنێ ماین، ل بەر چاڤێن هەمیان پاشڤە ببە، دا یێن دی ژی بترسن.

1 تیمۆتاوس 5:7

وان ب ڤان تشتان راسپێرە، دا د بێگازندە بن.

تیتۆس 1:6

دڤێت ریهسپی جهێ گازندەیێ نەبیت، مێرێ ئێك ژن بیت، زاڕۆكێن وی د باوەردار بن و ل سەر بەرەڵایێ و یاخیبوونێ جهێ تاوانباركرنێ نەبن.

تیتۆس 2:10

دەستدرێژیێ نەكەنە سەر مالێ وان، لێ دەستپاكیەكا تەمام بۆ وان دیار بكەن، دا فێركرنا قورتالكەرێ مە خودێ ژ هەمی لایان ڤە بخەملینن.

تیتۆس 2:15

ڤان تشتان ب هەمی دەستهەلاتی بێژە، ئاگەهدار بكە و پاشڤە ببە. بلا كەس سڤكاتیێ ب تە نەكەت.

عیبرانی 7:26

سەرۆككاهنەكێ وەسا بۆ مە یێ پێدڤی بوو، یێ پیرۆز و بێگونە‍‌ھ و بێكێماسی، یێ ژ گونەهكاران جودا كری و ژ ئەسمانان بلندتر لێ كری.

1 پەترۆس 2:12

بلا د ناڤ مللەتان دا رەفتارێن هەوە د باش بن، دا سەرەڕای كو ئەو نەكامیا هەوە دكەن كو هوین خرابكارن، كریارێن هەوە یێن باش ببینن و پەسنا خودێ بكەن د رۆژا هاتنا وی دا.

1 پەترۆس 2:9

لێ هوین دویندەهەكا هەلبژارتینە، كاهنێن پاشایانەنە، مللەتەكێ پیرۆزن و گەلێ تایبەت یێ خودێنە، دا هوین چاكیێن وی یێ هوین ژ تاریاتیێ گازی كرینە رۆناهیا خۆ یا سەیر، رابگەهینن.

2 پەترۆس 3:14

لەوما گەلی خۆشتڤیان، مادەم كو هوین ل چاڤەڕێی ڤان تشتانە، بزاڤێ بكەن كو ئەو هەوە هۆسا ببینیت، هوین یێن د ئاشتیێ دا د بێكێماسینە و گازندە ل سەر هەوە نینن.

ئاشكراكرن 2:5

ئەڤجا بینە بیرا خۆ كا تۆ ژ كیرێ كەفتی! ل خۆ بزڤڕە و كریارێن دەستپێكێ بكە. ئەگەر نە، ئەز دێ هێمە تە و چرادانكا تە ژ جهێ وێ راكەم، ژبلی ئەگەر تۆ ل خۆ بزڤڕی.

ئاشكراكرن 3:9

ئەڤە ئەز دێ وە ل وان كەم یێن ژ كنیشتەیا ئبلیسی، ئەوێن دبێژن ئەم جوهینە، لێ نە وەسایە، ئەو درەوان دكەن، ئەڤە ئەز دێ وە لێ كەم كو بهێن و ل بەر پێیێن تە سوجدێ ببەن و بزانن كو من یێ حەز ژ تە كری.