14 هەمی تشتان بێ پتەپت و گۆمانكرن بكەن،
دەمێ وان دینار وەرگرتی گازندە ژ خودانێ مالی كرن
چێدبوو ئەڤ گولاڤە ب سێ سەد دیناران هاتبا فرۆتن و بهایێ وێ دابا هەژاران!» هۆسا نەرازیبوونا خۆ ژێ دیار كر.
دەمێ ڤەگەڕیاینە نك شاگردێن دی، دیت گەلەك یێ ل دۆران خڕڤەبووین و هندەك مامۆستایێن دەستووری گەنگەشە ل گەل دكر.
مامۆستایێن دەستووری و فەریسیان نەرازیبوونا خۆ بەرامبەری شاگردێن عیسای دیار كر و گۆتن: «بۆچی هوین ل گەل باجگر و گونەهكاران دخۆن و ڤەدخۆن؟»
لێ د ناڤبەرا وان و پاولۆسی و بارناباسی دا، گەنگەشە و دانوستاندنەكا دژوار چێبوو، پشتی هنگی پاولۆس و بارناباس ل گەل هندەك باوەردارێن دی هاتنە دەستنیشانكرن، كو سەربكەڤنە ئورشەلیمێ و ل دۆر ڤی بابەتی چاڤپێكەفتنێ ل گەل هنارتی و ریهسپیان بكەن.
ناكۆكیەكا وەسا د ناڤبەرا وان دا چێبوو، تا ژ ئێك جودا بووین. ئەڤجا بارناباسی مەرقۆس بر و ب گەمیێ چوو قوبرسێ.
پشتی گەنگەشەیەكا درێژ، پەترۆس رابوو و گۆتە وان: «گەلی برایان، هەروەكو هوین دزانن ژ بەری دەمەكێ درێژ، خودێ د ناڤبەرا هەوە دا ئەز هەلبژارتم، كو مللەتێن نەجوهی پەیڤا مزگینیێ ژ دەڤێ من ببهیسن و باوەریێ بینن.
ل وان رۆژان، دەمێ شاگرد مشە دبوون، جوهیێن یونانی نەرازیبوونا خۆ ل سەر عیبرانیان دیار كر، چنكو بیژنێن وان د هاریكاریێن رۆژانە دا دهاتنە پشت گو‍‌ھ ڤە ئێخستن.
ئەگەر د شیان دا بیت، هندی ژ هەوە بهێت ب ئاشتی ل گەل هەمی مرۆڤان بژین.
ئەوێ د باوەریێ دا لاواز، قەبیل بكەن، لێ نە ب مەبەستا دادكرنا بۆچوونێن ئێكودوو.
ئەڤجا، گەلی خویشك و برایان، ئەز هیڤی ژ هەوە دكەم كو هوین هشیاری وان مرۆڤان بن، یێن بەروڤاژی وێ فێركرنا هەوە وەرگرتی، ناكۆكی و هەلنگفتنێ دروست دكەن. خۆ ژ وان دویر بئێخن.
پتەپتێ ژی نەكەن هەروەكو هندەك ژ وان پتەپت كری، ئینا ژ لایێ فریشتەیێ وێرانكەر ڤە هاتنە ژناڤبرن.
ئەز دترسم دەمێ بهێم، ئەز هەوە وەسا نەبینم هەروەكو من دڤێت و هوین من وەسا نەبینن هەروەكو هەوە دڤێت. دترسم هەڤڕكی، چاڤپێنەڕابوون، تۆڕەیی، جوداخوازی، بوهتان، نەكامی، خۆمەزنكرن و تێكڤەدان د ناڤ هەوە دا هەبن.
ئەڤجا ئەگەر هوین لەقان ل ئێكودوو بدەن و ئێكودوو بخۆن، هشیار بن، ئێكودوو نەبرینن.
بلا ئەم د دفنبلند نەبین، ئێكودوو نەئازرینین و ل گەل ئێكودوو د زكڕەش نەبین.
چ تشتی ب هەڤڕكیێ یان ب خۆپەرێسیێ نەكەن، لێ ب دەروونبچویكیێ كەسێن دی ژ خۆ باشتر بزانن.
ژ بەر كارێ وان، حەز ژ وان بكەن و ل نك هەوە گەلەك د بهاگران بن. ب ئاشتی ل گەل ئێكودوو بژین.
هشیار بن كەس ژ ئەنجامێ خرابیێ، خرابیێ ل كەسێ نەكەت، لێ هەرگاڤ ل گەل ئێكودوو و ل گەل هەمیان ل دویڤ باشیێ هەڕن.
بۆ ئاشتیێ ل گەل هەمی كەسان بزاڤێ بكەن، هەروەسا بۆ پیرۆزیێ، ئەوا بێی وێ كەس خودانی نابینیت.
چنكو تۆڕەبوونا مرۆڤی راستداریا خودێ ئەنجام نائینیت.
لێ ئەگەر زكڕەشیەكا تەحل و خۆپەرێسی د دلێ هەوە دا هەبیت، شانازیێ ب خۆ نەبەن و هۆسا درەوان ل راستیێ بكەن.
پتەپتێ ل سەر ئێكودوو نەكەن گەلی خویشك و برایان، دا هوین نەهێنە دادكرن. ئەڤە دادوەر ل بەر دەرگەهیە!
بلا خۆ ژ خرابیێ دویر بئێخیت و باشیێ بكەت، بلا ل ئاشتیێ بگەڕیێت و بزاڤێ بۆ بكەت.
بێی پتەپت مێڤانداریا ئێكودوو بكەن.
ئەو كەس د پتپتی و دەڤ ب گازندەنە، ل گۆر ئارەزوویێن خۆ دژین و مەزن دئاخڤن، ژ پێخەمەت بەرژەوەندیێن خۆ سالویسیێ بۆ كەسان دكەن.
