فیلیپی 2:13 - ئنجیلا پیرۆز

¹³ چنكو خودێیە ئەوێ د دلێ هەوە دا كار دكەت، حەز و هێزێ ددەتە هەوە كو وێ بكەن یا ئەو پێ رازی دبیت.

فیلیپی 2:13 Iomraidhean Croise

مزگینیا لوقای 12:32

نەترسە، كەرێ پەزی یێ بچویك، چنكو بابێ هەوە پێخۆش بوو كو پاشایەتیێ بدەتە هەوە.

مزگینیا لوقای 2:14

«مەزناهی بۆ خودێ ل بلنداهیان و ل سەر ئەردی ژی ئاشتی بۆ مرۆڤان، یێن كو خودێ ژێ رازی.»

مزگینیا یوحەننای 3:27

یوحەننای بەرسڤ دا و گۆت: «كەس نەشێت تشتەكی وەرگریت، ئەگەر بۆ وی ژ ئەسمانی نەهاتبیتە دان.

مزگینیا یوحەننای 6:45

د نڤیسارێن پێغەمبەران دا هاتیە نڤیسین: ‹هەمی دێ ژ لایێ خودێ ڤە هێنە فێركرن.› هەر كەسەكێ ژ بابی ببهیسیت و ژێ فێر ببیت، دهێتە نك من.

مزگینیا یوحەننای 6:65

پاشی گۆت: «ژ بەر وێ چەندێ من گۆتە هەوە: كەسەك نەشێت بهێتە نك من، ئەگەر باب دەستویریێ نەدەتێ.»

كارێن هنارتیان 11:21

دەستێ خودانی ل گەل وان بوو و ژمارەیەكا زۆر باوەری ئینا و بۆ خودانی زڤڕین.

رۆما 12:3

ئەز ب وێ كەرەما بۆ من هاتیە دان، دبێژمە هەر ئێكی ژ هەوە: بلا كەس خۆ بلندتر ژ یا دروست نەهەلسەنگینیت، لێ بلا ل دۆر خۆ ب شێوازەكێ بەرئاقل هەلسەنگاندنێ بكەت، ل دویڤ وی قەبارەیێ باوەریێ یێ خودێ ل سەر هەر كەسەكی لێكڤە كری.

رۆما 9:11

دەمێ كو هێشتا جێمك ژ دایك نەببوو و چ تشتێن باش و خراب نەكربوون، خودێ گۆتە رەبەكایێ: «یێ مەزن دێ بۆ یێ بچویك بەنیاتیێ كەت.» ئەڤ چەندە چێبوو، داكو مەبەستا خودێ ل دویڤ هەلبژارتنێ خۆج‍‌ھ ببیت، نە ل دویڤ كریارێن مرۆڤان، لێ ل دویڤ گازیكرنا خودێ.

رۆما 9:16

ئەڤجا ئەڤ چەندە نە ب حەز و نە ژی ب بزاڤا مرۆڤیە، لێ ژ خودێیە ئەوێ دلۆڤانیێ دبەت.

1 كورنتۆس 12:6

جۆرێن كاران هەنە، لێ هەمان خودێیە، ئەوێ وان هەمی كاران د هەمیان دا ئەنجام ددەت.

1 كورنتۆس 15:10

لێ ئەز چ بم، ئەز ب كەرەما خودێ ئەوم و كەرەما وی یا بۆ من هاتیە دان یا ژ قەستا نەبوو، ب راستی من ژ وان هەمیان پتر كار كر. لێ نە من كار دكر، كەرەما خودێ، ئەوا ل گەل من، كار دكر.

2 كورنتۆس 3:5

نەكو شیانێن مە ب خۆ تێرا دكەن كو ئەم هزر بكەین تشتەكە ژ مە ب خۆیە، لێ ئەو شیانا ل نك مە هەی ژ خودێیە.

ئەفەسۆس 1:11

ل دویڤ مەبەستا وی، ئەوێ هەر تشتی ل دویڤ بڕیار و حەزا خۆ ساز دكەت، ئەم پێشوەخت هاتینە دەستنیشانكرن و ب مەسیحی هاتینە هەلبژارتن،

ئەفەسۆس 1:5

وی ل دویڤ كەیف و حەزا خۆ، ئەم پێشوەخت دەستنیشان كرین، دا مە ب رێیا عیسایێ مەسیح بكەتە كوڕێن خۆ،

ئەفەسۆس 1:9

وی نهێنیا حەزا خۆ بۆ مە ئاشكرا كر، ئەوا وەكو وی ڤیای نەخشە كری كو ب رێیا مەسیحی ب ج‍‌ھ بینیت.

ئەفەسۆس 2:8

چنكو هوین ب كەرەما خودێ قورتال بوون، ئەو ژی ب رێكا باوەریێ بوو و ئەڤ چەندە نە ژ هەوەیە، لێ دیاریا خودێیە.

2 سالونیكی 1:11

بۆ ڤێ مەبەستێ ژی ئەم هەردەم ژ بۆ هەوە نڤێژان دكەین، كو خودایێ مە وە ل هەوە بكەت، هوین هەژی وێ گازیكرنێ بن یا وی هوین بۆ وێ گازی كرین و هەمی نیازێن هەوە یێن چاكیێ و كریارێن هەوە یێن ب باوەریێ دهێنە كرن، ب هێزا خۆ تەمام بكەت،

2 تیمۆتاوس 1:9

خودێیە یێ ئەم قورتال كرین و بۆ گازیكرنەكا پیرۆز ئەم گازی كرین، نە ل دویڤ كریارێن مە، لێ ل دویڤ مەبەست و كەرەما خۆ یا بەری دەستپێكا ئافراندنێ ب رێكا مەسیح عیسای بۆ مە هاتیە دان

عیبرانی 13:21

هەوە ب هەر تشتەكێ باش ئامادە بكەت، دا هوین حەزا وی ب ج‍‌ھ بینن. بلا كارێ ب دلێ خۆ ب رێیا عیسایێ مەسیح د مە دا بكەت، هەتا هەتایێ مەزناهی بۆ وی بیت. ئامین.

1 پەترۆس 1:3

مەزناهی بۆ خودێ، بابێ خودانێ مە عیسایێ مەسیح، ئەوێ ل دویڤ دلۆڤانیا خۆ یا زێدە ب رێكا رابوونا عیسایێ مەسیح ژ ناڤ مریان، ژدایكبوونەكا نوی دایە مە و هۆسا مە هیڤیەكا زیندی