فیلیپی 2:12 - ئنجیلا پیرۆز

¹² ئەڤجا گەلی خۆشتڤیێن من، كا چەوا هەوە هەرگاڤ گوهداری كریە، نە ب تنێ دەمێ ئەز ل نك هەوە، لێ نوكە هێشتا پتر، دەمێ كو ئەز نە ل نك هەوە، قورتالبوونا خۆ ب ترس و لەرز پێشڤە ببەن،

فیلیپی 2:12 Iomraidhean Croise

مزگینیا مەتتای 11:12

ژ دەمێ یوحەننایێ تافیركەر هەتا نوكە، خورتی یا ل پاشایەتیا ئەسمانان دهێتە كرن و یێن خورت ب توندی ب دەست خۆ ڤە دئینن.

مزگینیا مەتتای 11:29

نیركێ من داننە سەر ستۆیێ خۆ و ژ من فێر ببن، چنكو ئەز یێ دلنەرم و دەروونبچویكم و دێ بۆ دەروونێن خۆ بێهنڤەدانێ بینن.

كارێن هنارتیان 16:29

ئینا ئەفسەری داخوازا رۆناهیەكێ كر و ب لەز ب ژۆر كەفت و ژ ترسا دا دلەرزی و خۆ هاڤێتە بەر پێیێن پاولۆس و سیلاسی.

كارێن هنارتیان 9:6

نوكە رابە و هەڕە باژێڕی، دێ بۆ تە هێتە گۆتن كا دێ چ كەی.»

رۆما 2:7

دێ ژیانا هەروهەر دەتە وان، یێن ب رێكا بەردەوامبوونێ ل سەر كریارێن باش بزاڤێ دكەن كو مەزناهیێ و سەربلندیێ و نەمریێ وەكو خەلات ژ نك خودێ وەرگرن.

1 كورنتۆس 15:58

ژ بەر ڤێ چەندێ، هەی خویشك و برایێن من یێن خۆشتڤی، د قاییم بن، د نەلڤ بن، د كارێ خودانی دا هەردەم د پڕ بزاڤ بن، چنكو هوین دزانن رەنجا هەوە بۆ خودانی یا ژ قەستا نینە.

1 كورنتۆس 2:3

ل نك هەوە، ئەز یێ لاواز و د ترس و لەرزەكا مەزن دا بووم،

1 كورنتۆس 4:14

ئەز ڤان تشتان نانڤیسم دا هەوە شەرمزار بكەم، لێ دا وەكو زاڕۆكێن خۆ یێن خۆشتڤی، هەوە ئاگەهدار بكەم.

2 كورنتۆس 7:15

حەزژێكرنا وی بۆ هەوە هێشتا زێدەتر لێ دهێت، هەر دەمێ بیرئینانا گوهداریا هەوە دكەت، كا چەوا هەوە ئەو ب ترس و لەرز قەبیل كر.

ئەفەسۆس 6:5

گەلی بەنیان، گوهداریا خودانێن خۆ یێن ل سەر ئەردی ب ترس و لەرز و ب دلەكێ پاقژ بكەن، كا چەوا هوین گوهداریا مەسیحی دكەن،

فیلیپی 1:27

لێ یا گرنگ ئەوە كو هوین ب شێوەیەكێ هەژی مزگینیا مەسیحی بژین، داكو ئەگەر ئەز بهێم و هەوە ببینم، یان ژی نەهێم و ب تنێ ببهیسم، ئەز بزانم كو هوین د ئێك گیان دا قاییم ماینە، پێكڤە ب ئێك دل خەباتێ دكەن بۆ وێ باوەریێ یا ل سەر مزگینیێ هاتیە ئاڤاكرن

فیلیپی 1:29

چنكو وی كەرەم ل گەل هەوە كریە كو هوین نە ب تنێ باوەریێ ب مەسیحی بینن، لێ دا ئازارێ ژی ژ پێخەمەت وی بكێشن.

فیلیپی 1:5

ژ بەر پشكداریا هەوە د مزگینیدانێ دا، هەر ژ رۆژا ئێكێ تا نوكە.

فیلیپی 1:6

ئەز یێ پشتڕاستم، كو ئەوێ كارەكێ باش د دلێ هەوە دا دەست پێ كری، دێ یێ بەردەوام بیت تا ل رۆژا مەسیح عیسای تەمام دبیت.

فیلیپی 2:19

من هیڤی ب خودان عیسای هەیە، كو د دەمەكێ نێزیك دا، دێ تیمۆتاوسی هنێرمە نك هەوە، داكو دلێ من ب زانینا رەوشا هەوە تەنا ببیت.

فیلیپی 4:1

ئەڤجا گەلی خویشك و برایێن من یێن خۆشتڤی، ئەوێن ئەز بیریا هەوە دكەم و هوین شادی و تانجا منن، خۆشتڤیێن من ب ڤی شێوەی د ئێكبوونا ل گەل خودانی دا قاییم بمینن.

فیلیپی 4:15

هوین ژی دزانن، گەلی فیلیپیان، كو د دەستپێكا دانا مزگینیێ دا، گاڤا ئەز ژ مەقدۆنیایێ دەركەفتیم، چ جڤاكێن باوەرداران ژ هەوە پێڤە، سەبارەت هاریكاریا دارایی، پشكداریا من نەكر.

1 سالونیكی 1:3

ل بەرامبەر خودێ، بابێ مە، بێی دابڕین كریارێن هەوە یێن ژ باوەریێ و رەنجا هەوە یا ژ حەزژێكرنێ و خۆڕاگریا هەوە یا ژ وێ هیڤیێ دزێت یا هەوە ب خودانێ مە عیسایێ مەسیح هەی، دئینینە بیرا خۆ.

2 تیمۆتاوس 2:10

لەوما ژ پێخەمەت هەلبژارتیان ئەز خۆ ل بەر هەمی تشتان دگرم، دا ئەو ژی قورتالبوونا ب رێكا مەسیح عیسای دهێت ل گەل مەزناهیا هەروهەر وەرگرن.

عیبرانی 12:1

لەوما، مادەم ئەم ب جەماوەرەكێ هۆسا مەزن یێ شاهدان د دەور داینە، دا هەر بارەكی و گونەهێن ب ساناهی د مە دئالیێن، بهاڤێژین و د وێ غاردانێ دا یا ل بەر مە هاتیە دانان، ب خۆڕاگری بكەینە غار.

عیبرانی 4:1

لەوما بلا ئەم بترسین، نەكو سەرەڕای دەرفەتا سۆزا ب ژۆركەفتنا د ناڤ بێهنڤەدانا وی دا هێشتا یا مای، ئێك ژ هەوە ب وێ سۆزێ را نەگەهیت.

عیبرانی 4:11

لەوما بلا ئەم بزاڤێ بكەین كو ب ژۆر بكەڤینە د وێ بێهنڤەدانێ دا، دا كەس ژ ئەنجامدانا هەمان نموونەیا نەگوهداریێ ژ ناڤ نەچیت.

عیبرانی 5:9

دەمێ ب ڤێ رێكێ هاتیە كاملكرن، بۆ هەمی یێن گوهداریا وی دكەن بوو ژێدەرێ قورتالبوونا هەتا هەتایی

1 پەترۆس 2:11

گەلی خۆشتڤیان، ئەز هیڤی ژ هەوە دكەم، هوین وەكو بیانی و رێڤنگ ل ڤێ جیهانێ، خۆ ژ ئارەزوویێن لەشی یێن دژی دەروونی شەڕی دكەن، دویر بئێخن.

2 پەترۆس 3:18

لێ د كەرەم و نیاسینا خودان و قورتالكەرێ مە عیسایێ مەسیح دا وەرارێ بكەن. مەزناهی بۆ وی بیت، نوكە و هەتا هەتایێ. ئامین.