فیلیپی 2:1 - ئنجیلا پیرۆز

¹ ئەگەر مەسیح هەوە هانددەت، ئەگەر ڤیانا وی دلێ هەوە ئارام دكەت، ئەگەر ب گیانێ پیرۆز هەوە هەڤپشكی ل گەل ئێكودوو هەیە، ئەگەر هەوە دلسۆزی و دلۆڤانی هەیە،

فیلیپی 2:1 Iomraidhean Croise

مزگینیا لوقای 2:25

زەڵامەك ل ئورشەلیمێ هەبوو دگۆتنێ شەمعون. یێ راست و ژ خودێ ترس بوو. چاڤەڕێی دلخۆشكرنا ئیسرائیلێ بوو و گیانێ پیرۆز ل سەر بوو.

مزگینیا یوحەننای 14:18

ئەز هەوە ئێتیم و سێوی ناهێلم، دێ ڤەگەڕمە نك هەوە.

مزگینیا یوحەننای 14:27

ئەز ئاشتیێ بۆ هەوە دهێلم، ئاشتیا خۆ ددەمە هەوە. ئەز وەسا نادەمە هەوە هەروەكو جیهان ددەت. دلتەنگ نەبن و نەترسن.

مزگینیا یوحەننای 17:13

لێ نوكە ئەز دێ هێمە نك تە و ڤان تشتان ل جیهانێ دبێژم، دا دلخۆشیا من د وان دا یا تەمام بیت.

كارێن هنارتیان 2:46

ئەو هەر رۆژ ب ئێك دل ل سەر كۆمبوونێ د حەوشا پەرستگەهێ دا د بەردەوام بوون و د مالان دا نان كەر دكر و ب شادی و دلساخی خوارن پێكڤە دخوار.

كارێن هنارتیان 4:32

كۆمەڵا باوەرداران ئێك دەروون بوون و كەسەكێ ژ وان نەدگۆت، كو ئەو تشتێن وی هەین بۆ وی ب تنێنە، لێ د هەمی تشتان دا د هەڤپشك بوون.

رۆما 5:5

هیڤی ژی مە شەرمزار ناكەت، چنكو حەزژێكرنا خودێ ب رێیا گیانێ پیرۆز، ئەوێ وی دایە مە، رژیایە دلێ مە.

رۆما 8:26

هۆسا گیانێ پیرۆز ژی د هەوارا لاوازیا مە دهێت، چنكو ئەم نزانین كا پێدڤیە د نڤێژێ دا چ بێژین. لێ گیان ب خۆ، ب نالینێن كو نەهێنە دەربڕین، مەهدەریێ بۆ مە دكەت.

1 كورنتۆس 12:13

چنكو ئەم هەمی ب گیانەكی هاتینە تافیركرن، دا ببینە لەشەك، چ جوهی بین یان یونانی، بەنی بین یان ئازاد، خودێ ئەم هەمی ژ هەمان گیان داینە ڤەخوارنێ.

1 كورنتۆس 15:31

ئەز ب وێ شانازیێ سویند دخۆم، یا من ب هەوە هەی ل نك مەسیح عیسایێ خودانێ مە، گەلی خویشك و برایان، ئەز هەر رۆژ دمرم.

1 كورنتۆس 3:16

ما هوین نزانن، كو هوین پەرستگەها خودێنە و گیانێ خودێ د هەوە دا یێ ئاكنجیە؟

2 كورنتۆس 13:14

كەرەما خودان عیسایێ مەسیح و حەزژێكرنا خودێ و هەڤپشكیا گیانێ پیرۆز ل گەل هەوە هەمیان بن.

2 كورنتۆس 2:14

لێ سوپاس بۆ خودێ، ئەوێ هەردەم د نمایشا سەركەفتنا خۆ دا ب مەسیحی مە پێشڤە دبەت، ب رێكا مە بێهنا خۆش یا نیاسینا خۆ ل هەمی جهان بەڵاڤ دكەت.

گالاتیا 4:6

ژ بەر كو هوین كوڕێن وینە، خودێ گیانێ كوڕێ خۆ هنارتە د ناڤ دلێ مە دا، كو گازی خودێ دكەت: «ئابا! بابۆ!».

گالاتیا 5:22

لێ بەرهەمێ گیانێ پیرۆز ئەڤەیە: حەزژێكرن، دلخۆشی، ئاشتی، بێهنفرەهی، جوامێری، چاكی، دلسۆزی،

ئەفەسۆس 4:4

ئێكە لەش و ئێكە گیان، هەروەكو خودێ بۆ ئێك هیڤی هوین گازی كرین.

فیلیپی 1:8

خودێ شاهدێ منە كا چەند ب دلنەرمیا مەسیح عیسای، ئەز بیریا هەوە هەمیان دكەم.

فیلیپی 3:3

چنكو سونەتكریێن دروست ئەمین، یێن ب گیانێ خودێ پەرستنێ دكەین و شانازیێ ب مەسیح عیسای دبەین و پشتا خۆ ب لەشی گەرم ناكەین،

كۆلۆسی 2:2

ئارمانجا من ئەوە كو ئەو بهێنە هاندان و د حەزژێكرنێ دا د ئێكگرتی بن، ب مەرەما هەمی دەولەمەندیا تێگەهشتنا تەمام، دا نهێنیا خودێ بزانن، كو مەسیحە،

كۆلۆسی 3:12

ئەڤجا هوین ئەوێن خودێ ئەو هەلبژارتین و پیرۆز كرین و حەز ژێ دكەت: دلۆڤانی، قەنجی، دەروونبچویكی، دلنەرمی و بێهنفرەهیێ بكەنە بەر خۆ.

عیبرانی 6:18

دا ب دوو تشتێن نەگوهۆڕ، یێن كو مەحالە خودێ تێدا درەوێ بكەت، مە هاندانەكا ب هێز هەبیت، ئەم ئەوێن پەنا بریە نك وی، دا خۆ ب وێ هیڤیێ ڤە بگرین، یا ل پێشیا مە هاتیە دانان.

1 پەترۆس 1:2

ئەوێن ل دویڤ زانینا پێشوەخت یا خودایێ باب هاتینە هەلبژارتن و ب گیانێ پیرۆز هاتینە تەرخانكرن، دا گوهداریا عیسایێ مەسیح بكەن و ب خوینا وی بهێنە رەشاندن: كەرەم و ئاشتی ل سەر هەوە زێدە ببن.

1 یوحەننا 3:24

یێن فەرمانێن وی ب ج‍‌ھ دئینن، د ناڤ وی دا د بنەجهن و ئەو ژی د ناڤ وان دا یێ بنەجهە. ئەم ژ ڤێ چەندێ دزانین كو ئەو د ناڤ مە دا یێ بنەجهە: ب وی گیانی یێ وی دایە مە.

1 یوحەننا 4:12

چ جاران كەسێ خودێ نەدیتیە. ئەگەر ئەم حەز ژ ئێكودوو بكەین، خودێ د ناڤ مە دا بنەج‍‌ھ دبیت و حەزژێكرنا وی د مە دا كامل دبیت.

1 یوحەننا 4:16

ئەڤجا ئەم وێ حەزژێكرنا خودێ بۆ مە هەی دزانین و باوەر ژێ دكەین. خودێ حەزژێكرنە. ئەوێ د ناڤ حەزژێكرنێ دا بنەج‍‌ھ دبیت، د ناڤ خودێ دا یێ بنەجهە و خودێ د ناڤ وی دا.